Nikɔn ne kɛ Phaal 18:6 - ɛWee ne ìTsɛm iHywas

⁶ Te mɔn iBabila de ɛli ne ɛ kɛ mɔn no. Gbik nikɔn na ne ɛ kɛ mon no, te tal ɛbhɛ nɛ ɛte ɛphaa. ɛKɔn na ne ɛ kɛ phuul nyini nɛ wo, phuul ɛn ɛbhɛ ɛhaa ne ɛ phyin ne ihwet ɛte ɛphaa.

Nikɔn ne kɛ Phaal 18:6 ပူးပေါင်းရင်းမြစ်များ

2 ɛTimɔti 4:14

ɛLɛzɛnda gha, ne ɛ soye ɛtuu gha, kɛ bees me nɛ gbom. ɛDaray ɛbhɛ yaa ne tal ɛbhɛ nɛ ne ɛkɔn na ne ɛ kɛ mɔn me nɛ wo.

Nikɔn ne kɛ Phaal 13:10

Wu kɛ ku ryɔng ngɛ sɛ́ rop pɛ, sɛ ne rop pɛ wo. Wu kɛ ku ryɔng ngɛ sɛ́ phoo yɛ ne ihywa, sɛ́ ne phoo yɛ ne ihywa de. ɛKɔn nɛghaa wo i tɔk ɛbɔk ndɔ ne rop iku, ne ìnang ne itin ɛlɔ ninyi ɛTaanggbey ya.

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

Nikɔn ne kɛ Phaal 16:19

ɛGbaang ɛgarang ne iBabila wo ne tasat ɛ hobhoset ɛtat. Nigarang ne igbagha na ne bungaay gbik. ɛTaanggbey ya ne taate ne ɛgbaang ɛgarang ne iBabila wo, ne ɛ yɛk ɛbhɛ nɛ ɛ sɔ ɛhyihyangas ne njenjek ɛTaanggbey ya.

Nikɔn ne kɛ Phaal 17:2

niGɔm ɛzay ya kɛ ku ra ne ɛbhɛ, ninyi ɛzay ya i ne tes ziizii daa ne sɔ inɛn ɛnap ne nzangas ɛbhɛ de.”

Nikɔn ne kɛ Phaal 17:4

ɛKuk ka bok ɛtura ne inɛn nɛ so ntseng ngɛ zurutut ne ntseng ngɛ mpumpuk te ɛtura nigɔm. Ɛ kɛ ne gyura ye nɛ nikɔn ne izel nggyɛnggyɛl ne kɛ ryɔng ne izinariya, ne idɛ ikpɛɛ da ne bok ifɛ iluwuluwu ne ifɛ bok ijam gbom. ɛKuk ka ne ji bok ɛhyihyangas ne izinariya ne iwɔ ɛbhɛ ne kɛ yɛk nɛ nikɔn ne ishis ne nzangas ɛbhɛ de hyɔrɔ.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”