Nikɔn ne kɛ Phaal 17:8 - ɛWee ne ìTsɛm iHywas

⁸ iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 17:8 ပူးပေါင်းရင်းမြစ်များ

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛLuka 10:20

Gbik ne phɛ ɛlɛy, sɔng irway ihwala mon ba ne teye ivaa nɛ niphoo na kɛ roos nyini nɛ nang; te ifɛ teye ivaa ne kɛ haa irɛɛk mon daa ne irywa.

ɛLuka 8:31

Niphoo na ne roro ne ɛYɛso gha, nibhɛ yaak ɛbhɛ, wu hang ɛ yɛk en nɛ, n phɛ ndɔ ne gbaang ne ibong ngge.

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

ɛTomɛ 15:18

ɛLɛ wo ne ɛDaray ya kaa bol. Ɛbhɛ ɛ kaa ne tɔɔl nikɔn nɛnaa wo ne ile ne ile.’ ”

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

Nikɔn ne kɛ Phaal 11:7

Sɛ́ ne sɛ ninyi ifaa yɛnaa nggyɛ wo kɛ taal tɔng ibol ɛTaanggbey de, inyam igywebhe de ne ihywɛ wuusi ndɔ ne ibong kyukyum be ne tum irywen nɛ nibhɛ, ihywɛ ne re nibhɛ ne itsom be, ihywɛ phobho nibhɛ.

Nikɔn ne kɛ Phaal 17:11

iNyam igywebhe yɛdee wo ne ihywɛ kaa tsa ihywɛ sonɛ itsen nɛ wo ne ihywɛ sang kyi sonɛ itsen nɛ ɛlyilyɛghaa wo ihywɛ ihywɛ ne soye ɛgɔm ne ɛnaras sɛ. iHywɛ ne so ndɔ nigɔm ɛniitaa na, ihywɛ ne phɛɛs ɛlɔ gha ne yaa bhɛ phoo ihywɛ nɛ.

Nikɔn ne kɛ Phaal 17:2

niGɔm ɛzay ya kɛ ku ra ne ɛbhɛ, ninyi ɛzay ya i ne tes ziizii daa ne sɔ inɛn ɛnap ne nzangas ɛbhɛ de.”

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 3:5

Gbik ɛnyi gha ne ɛ kɛ re ɛwɛng ne itsom mɛghaa wo, sɛ́ ne ma sɔɔl ɛbhɛ ɛtura ɛhala wo tɛ ninyi yɛnaa nggyɛ wo. Sɔng naa ne tul irywɛɛk ɛbhɛ ndɔ ɛwee ne iken no nang. Nzɛ ne kyinak ɛnu ɛyisɛ ɛKyɛɛ nge gha, gbik nɛ nimalɛka n yaak n yɔng wu ɛ soye ɛhaa nge.