Nikɔn ne kɛ Phaal 17:5 - ɛWee ne ìTsɛm iHywas

⁵ Kɛ haa idɛ irywɛɛk ko ne ɛnting ngɛ so gying ne itiri ɛbhɛ de ɛlɛ, “ƐBABILA ƐNDIINDAY, ƐGYINƐ NINAA NE RE SHWAA, ƐGYINƐ NIKƆN NE ISHIS ƐZAY GBIK.”

Nikɔn ne kɛ Phaal 17:5 ပူးပေါင်းရင်းမြစ်များ

Nikɔn ne kɛ Phaal 14:8

ɛMalɛka ne ifaa yɛ ne ma kungke ɛ yɔngɔ, “Ɛ kɛ ho! ɛGbaang ɛgarang ne iBabila wo kɛ ho. ɛGarang nga ne ɛ kɛ shɔk ninyi na nibhɛ lel ne nzangas ne sɔ inɛn ɛnap nibhɛ da, inɛn ɛnap ba ne mpɛ yɛɛs ne iku de.”

Nikɔn ne kɛ Phaal 18:2

Ne ɛ boote ne ɛgbaang ne izɔlɔs, ɛ yɔngɔ, “Ɛ kɛ ho! ɛGbaang ne iBabila wo kɛ ho! Ɛ kɛ teye ɛlɔ ne shɛɛ niphoo, ne icwak ne ikpabyik ne ishis, ɛlɔ ne ninon ne ishis ne ᐩinyam igywebhe izee ne ishis.

Nikɔn ne kɛ Phaal 17:7

ɛMalɛka gha ne yaak me; “iKyee iphɛ kɛ te ˆɛ kɛ wum mɛ zii woo? Naa kpɛl lɛ ɛduk ɛkuk ka, ne ɛhaa ne inyam ma ne ɛ kɛ taay yɛwo ne ihywɛ bok itso ɛniitaa da ne igbumɛ ɛnduwubɔ da.

Nikɔn ne kɛ Phaal 19:2

ɛShara gha ne ɛTaanggbey ya kɛ bol ɛ so itin nɛ, ɛ so cik. Ɛ kɛ hyɛ ɛgbaang ɛkuk ne re shwaa gha ɛshara, ɛkuk ka ne ɛbhɛ kɛ bees ɛzay ya ne ishwɛɛ ne nzangas ɛbhɛ da. ɛTaanggbey ya kɛ hyɛ ɛbhɛ ɛshara gha, ɛ kɛ yɛk ɛbhɛ nɛ ɛ tal neyi nikpuru ɛTaanggbey ya.”

Nikɔn ne kɛ Phaal 16:19

ɛGbaang ɛgarang ne iBabila wo ne tasat ɛ hobhoset ɛtat. Nigarang ne igbagha na ne bungaay gbik. ɛTaanggbey ya ne taate ne ɛgbaang ɛgarang ne iBabila wo, ne ɛ yɛk ɛbhɛ nɛ ɛ sɔ ɛhyihyangas ne njenjek ɛTaanggbey ya.

2 iTasɔlɔnika 2:7

iHwet ne isang-phok kɛdaa wo kɛ ne ku tsa ɛtomɛ gha gying. Gbik ne iphɛ ɛlɛy, ɛnyi gha ne ɛbhɛ ɛ ring ɛbhɛ nɛ wo yaa ne maa ring ɛbhɛ nɛ nyɛɛn ɛTaanggbey ya kyi ba ɛnyi yɛ.

Nikɔn ne kɛ Phaal 18:21

ɛDɛ ɛgbaang ɛmalɛka gha ne bo ɛdɛ ɛgbaang ne kɛɛ wo ne igbom mɛ kɛ hɔn te ɛgbaang ne ikɛɛ ne hɔng nkpana ɛ cwaak ndɔ ɛling. Ne ɛ ji yɔngɔ, “Sɛ́ cwaak ɛgbaang ɛgarang ne ɛBabila wo ndɔ ne ivel ba ne ihwet, ɛlɛ wo. Sɔng ne tang yaang ɛbhɛ nang.

Nikɔn ne kɛ Phaal 11:8

Sɛ ne tek ikpom nibhɛ da ne ɛnkiinɛ ɛgbaang ɛgarang ngo ne kaa ma gangat ɛndiinday nibhɛ gha nɛ wo. I ten ɛgbaang ɛgarang ngɛwoo nggyɛ wo ne iSɔdɔm, ne iMasad.

iFilibi 3:19

ɛGyeng nibhɛ so ibees se, ɛtaanggbey nibhɛ so iphul. Nibhɛ i hal ɛgyɛy ne iyɔm ne ncwa nibhɛ de, irway nibhɛ so daa nikɔn ɛzay.

Nikɔn ne kɛ Phaal 7:3

Ɛ bo, “Sɔng ɛ ku shii bees ɛn ivel ba nɛ niling nga, nɛ nihon na nang, shɛɛ ɛn yak te njwi kyi yaak nikpuru ɛTaanggbey njwɛɛn na ne ɛlamba ne icwiri nibhɛ nyɛɛn.”

Nikɔn ne kɛ Phaal 1:20

ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.

Nikɔn ne kɛ Phaal 17:1

ɛDɛng ndɔ ne nimalɛka ɛniitaa na nɛ nibhɛ bok ikpɛɛt ɛniitaa da ne yɛɛs ɛ yaak me, “Yɛɛs te n tɔɔrek kɛ nggbang ngga ne yaa baasek ɛkuk ka ne re shwaa gha, ɛgarang nga ne ɛ bok igbɔm ba daa ne ihel gbarang ge.

Nikɔn ne kɛ Phaal 17:2

niGɔm ɛzay ya kɛ ku ra ne ɛbhɛ, ninyi ɛzay ya i ne tes ziizii daa ne sɔ inɛn ɛnap ne nzangas ɛbhɛ de.”