Nikɔn ne kɛ Phaal 16:14 - ɛWee ne ìTsɛm iHywas

¹⁴ iKpabyik ivebhe yɛdaa nggyɛ wo so ikpabyik niphoo ne ifɛ tɔɔsel nyu nikɔn ne kparat. iFɛ ne wuru ifɛ phɛ ɛlɔ nigɔm ɛzay ya gbik te ifɛ bhɛ tumɛ nibhɛ ɛlɔ ne itsom ɛgbaang ɛtuk ɛTaanggbey ne iTo Gbik.

Nikɔn ne kɛ Phaal 16:14 ပူးပေါင်းရင်းမြစ်များ

ɛMacu 24:14

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMarakus 13:22

niKiriti ne irywɛɛk, nɛ ninabawa ne irywɛɛk sɛ ne wuusi gbom. Nibhɛ sɛ ne tɔɔrek nyu nikɔn ne kparat ta gbom tɛ nibhɛ luk ninyi na. Sɛ ne sɛ nibhɛ kɛ sɛ ikɛk, nibhɛ sɛ ne hɔ ihywɛɛ ninyi de ne ɛTaanggbey ya kɛ ku kasa wo.

ɛLuka 2:1

Ndɔ nituk kɛnaa nggyɛ wo nang, ɛGɔsitus sa bhɛ kaa ne soyɛ ɛgbaang ɛgɔm ne ivel iRooma. Ɛ kaa ne yɛk ngɛ wu te haa ye ninyi ne na te tɔng nibhɛ gbik ndɔ nigarang nga ne ɛ re ne igbɔm ba.

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

2 iTasɔlɔnika 2:9

Sɛ seng ɛsang-phok ka daa ɛtomɛ ne ihwet ɛShɛtan. Ɛ sɛ mɔn nikɔn ne kparat, ne ikyarakyut gbik nɛ nikɔn nɛ nibhɛ so ishoo yɛ ihywee-ihywee.

1 ɛTimɔti 4:1

iKabyik ge kɛ ku mɔng wɛsɛrɛk wu sɛ́ sɛ nten ɛtsim be, nidɛng ninyi na sɛ ne hana ìnang ne itin nibhɛ de nibhɛ roos ikpabyik ne wul irywɛɛk gbik nɛ nikɔn na nɛ niphoo i mɛmɛ nɛ.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

1 ɛYohana 5:19

Njwɛɛn i yɛɛ wu njwɛɛn soye ninɔn ɛTaanggbey, ɛzay ya gbik ne so ne iwɔ ɛShɛtan.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 13:3

iDɛ ito ne inyam mɛdee nggyɛ wo ne so te kɛ phok iphɛ ikpom gbom ne ifɛ sɛ yɛɛ ne phoo ihywɛ, inyuu yɛ kɛ ne ku bel. iNyam mɛdee nggyɛ wo ne kpuru ihywɛɛ ninyi ɛzay ya gbik, ne sɛ nibhɛ kɛ yaang ɛkɔn ne kparat tɛghaa nggyɛ wo, nibhɛ kpuru en nibhɛ roos ihywɛ.

Nikɔn ne kɛ Phaal 16:16

iKpabyik kɛdaa nggyɛ wo ne ji tumɛ nigɔm ɛzay ya gbik ɛlɔ gha ne yeres ɛbhɛ ne ilem ne iHyiburu de iHar-Magedɔn.

Nikɔn ne kɛ Phaal 16:7

Ne n ji phok izɔlɔs le ɛraa ne hap itsanga gha kɛ kyii nɛ ihywɛ yɔngɔ, ɛDaray ɛTaanggbey ne iTo Gbik, ɛshara mo gha soye itin nɛ, ɛ ta so cik.”

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 20:8

Ɛ sɛ ne ji wuru ɛbhɛ luk igbagha ɛzay yo ne ifɛ kɛ tes en shwaa ne ibap naas ɛzay de, ne i bok nibhɛ ɛGok ka ne ɛMagok ka. ɛShɛtan na sɛ́ ne tumɛ nibhɛ ɛlɔ ɛdaan te ta itsom, nibhɛ sɛ́ ne so gbarang te imumu ne ihywel.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 6:17

Daa ɛli ne ɛgbaang ɛtuk ne njenjek nibhɛ wo kɛ ne tuu. ɛHay ɛbhɛ yaa yɛɛ ne kyinak kɛɛ?”