Nikɔn ne kɛ Phaal 15:7 - ɛWee ne ìTsɛm iHywas

⁷ ɛDɛng ndɔ nikɔn niken inwaas sa ne nang nimalɛka ɛniitaa na ikpɛɛt ne izinariya ɛniitaa ne kɛ yɛk ne njenjek ɛTaanggbey de hyɔrɔ, ɛTaanggbey ne iken ne ishay-ishay.

Nikɔn ne kɛ Phaal 15:7 ပူးပေါင်းရင်းမြစ်များ

Nikɔn ne kɛ Phaal 16:2

iPhɛ ɛlɛy, ɛmalɛka ɛyisɛ yɛ ne bhɛ sit ɛkɔn na ne ɛ so ne ikpɛɛt ɛbhɛ wo ndɔ ɛzay ya. iNuu ibebhe ne wuusi ninyi na nɛ nibhɛ bok ɛlamba ne inyam igywebhe gha, nibhɛ kɛ kyi ta re inyam be ne izazurum ne ihywɛ de ntsong ngga.

Nikɔn ne kɛ Phaal 10:6

Ne ɛ lɛlɛm ihywa ne irywɛɛk ɛTaanggbey ne ɛ so ɛken ne ishay-ishay, ne ɛbhɛ kɛ ryɔng irywa wo nɛ nikɔn na nɛ nibhɛ sonɛ ɛdak kɛ gbik, ne ɛzay nɛ nikɔn na nɛ nibhɛ sonɛ ne ndɔ yɛ gbik. ɛMalɛka gha ne yɔngɔ: “Sɔng ya ta bese nten dɔng nang!

Nikɔn ne kɛ Phaal 5:8

Ne sɛ ɛNgɔn ne Pharak ka kɛ say ɛwee ne ihuhu wo, nikɔn niken nwaas sa, nɛ ninu nikɔɔn nzuwubɔ ifaa nɛ nibhɛ nwaas sa ne ji ho ɛnu ɛyisɛ ɛNgɔn ne Pharak ka. ɛRɔngɔ bok iguwu, ne ɛkpɛɛt ne izinariya i kɛ yɛk ne ɛturarɛ hyɔrɔ nɛ ne ndɔ yɛ. ɛTurarɛ yɛwo nggyɛ wo ɛbhɛ soye ɛroo ninyi ɛTaanggbey ya nɛ nibhɛ roro.

Nikɔn ne kɛ Phaal 21:9

ɛDɛng ndɔ nimalɛka ɛniitaa na nɛ nibhɛ bok ikpɛɛt ɛniitaa da ne kɛ yɛk ne nggbang mpɛ ɛniitaa ɛtsim ba hyɔrɔ wo ne yɛɛs ɛ yaak me, “Yɛɛs, naa tɔɔrek kɛ ɛyɛl lo ne ɛbhɛ bhɛ soye ɛkuk ɛNgɔn ne ɛpharak ka.”

Nikɔn ne kɛ Phaal 15:1

ɛTsim mɛ ɛlɛy ne n da yaang inyu ɛdɛ ɛgbaang ɛkɔn ne kparat ta daa ne irywa wo dɔng. niMalɛka ɛniitaa nɛ nibhɛ bok nggbang ɛniitaa ivaa ne taal ɛzay, daa ɛli yaa lenɛ nibhɛ wo i shwaak njenjek ɛTaanggbey de.

1 iTasɔlɔnika 1:9

Daa ɛli nɛ ninyi na ne ito nibhɛ bhɛ tɔng ihywee ne say da ne ɛ kaa say ɛn njwi wo. Nibhɛ tɔng ɛli ne ɛ kaa hyere ɛn nyini ɛlɔ ɛTaanggbey ya ɛ tek ɛn re igunkyi de ntsong nggaa, ɛ yaa re ɛn ɛTaanggbey ne itin na, ɛhaa ne iken na ntsong ngga,

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

Nikɔn ne kɛ Phaal 4:10

ninu nikɔɔn nzuwubɔ ifaa nɛ nibhɛ nwaas sa, ne ma hoghɛse nggbuk ɛnu ɛyisɛ ɛhaa ɛcuruu ne igbɔm ma, ne ɛ so ɛken ne ishay-ishay de, nibhɛ re ɛbhɛ ntsong. Nibhɛ ne i teesek nikɔn ne ito ne igbɔm nibhɛ na ɛnu ɛyisɛ ɛcuruu ne igbɔm ma, nibhɛ yɔngɔ:

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

Nikɔn ne kɛ Phaal 17:1

ɛDɛng ndɔ ne nimalɛka ɛniitaa na nɛ nibhɛ bok ikpɛɛt ɛniitaa da ne yɛɛs ɛ yaak me, “Yɛɛs te n tɔɔrek kɛ nggbang ngga ne yaa baasek ɛkuk ka ne re shwaa gha, ɛgarang nga ne ɛ bok igbɔm ba daa ne ihel gbarang ge.