Nikɔn ne kɛ Phaal 15:1 - ɛWee ne ìTsɛm iHywas

¹ ɛTsim mɛ ɛlɛy ne n da yaang inyu ɛdɛ ɛgbaang ɛkɔn ne kparat ta daa ne irywa wo dɔng. niMalɛka ɛniitaa nɛ nibhɛ bok nggbang ɛniitaa ivaa ne taal ɛzay, daa ɛli yaa lenɛ nibhɛ wo i shwaak njenjek ɛTaanggbey de.

Nikɔn ne kɛ Phaal 15:1 ပူးပေါင်းရင်းမြစ်များ

Nikɔn ne kɛ Phaal 21:9

ɛDɛng ndɔ nimalɛka ɛniitaa na nɛ nibhɛ bok ikpɛɛt ɛniitaa da ne kɛ yɛk ne nggbang mpɛ ɛniitaa ɛtsim ba hyɔrɔ wo ne yɛɛs ɛ yaak me, “Yɛɛs, naa tɔɔrek kɛ ɛyɛl lo ne ɛbhɛ bhɛ soye ɛkuk ɛNgɔn ne ɛpharak ka.”

Nikɔn ne kɛ Phaal 19:15

iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

Nikɔn ne kɛ Phaal 16:1

Ne n phok idɛ izɔlɔs nziinzay de le ndɔ ne ideng ngge ihywɛ boote nɛ nimalɛka ɛniitaa na ihywɛ yɔngɔ, “Cwi te ɛbhɛ sit ɛn njenjek ɛTaanggbey de ne mpɛ so ne ikpɛɛt ɛniitaa da ndɔ ɛzay ya.”

Nikɔn ne kɛ Phaal 14:19

iPhɛ ɛlɛy, ɛmalɛka gha ne bo ɛluwujɛ ɛbhɛ wo ɛ pha ne ikpam ne ɛnap ba daa nihon nɛ, ɛ ji kpuru ɛbhɛ sit ɛlɔ ne pharak kɛ. ɛKɔn nɛghaa wo i tɔɔsel njenjek ɛTaanggbey.

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

Nikɔn ne kɛ Phaal 11:14

ɛKɔn ne ɛnik ne ifaa da kɛ phee, iphɛ dee ɛhaa ne itwat tɛ ne yek cɛcɛk.

Nikɔn ne kɛ Phaal 10:3

Ne ɛ yel-le ne ɛgbaang ne izɔlɔs te ɛkuramanza, ne sɛ ɛ kɛ yel-le wo, irywa ne tɛrɛ ne boote ɛniitaa ifɛ kyii nɛ.

Nikɔn ne kɛ Phaal 8:6

niMalɛka ɛniitaa na nɛ nibhɛ bok ntsuntsuung ɛniitaa da ne ryɔng en ɛli ne ɛrɔngɔ yaa wuuti ɛwoo ɛbhɛ.

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”

Nikɔn ne kɛ Phaal 8:2

Ne n yaang kɛ nang nimalɛka ɛniitaa na nɛ nibhɛ kɛ kyinasek ɛnu ɛyisɛ ɛTaanggbey ya ntsuntsuung ɛniitaa.

Nikɔn ne kɛ Phaal 9:20

Sɔng ɛbyin ninyi na ne hame kaa phoo nibhɛ ndɔ ɛkɔn ne ɛnik kɛghaa wo kaa ne san ɛbɔk daa nikɔn na nɛ nibhɛ mɔn no nang. Sɔng nibhɛ kaa kɔɔng re niphoo na, ne igunkyi de kɛ ryɔng ne izinariya de, ne idee ne kɛ ryɔng ne ɛzurufa wo, ne idee ne kɛ ryɔng ne ikpɛɛ da gbik ne itson de ntsong ngga nang. iPhɛ dee sɔng igbunkyi da bol nang, sɔng ifɛ phok nang, sɔng ifɛ ne ta hyel nang.

Nikɔn ne kɛ Phaal 17:1

ɛDɛng ndɔ ne nimalɛka ɛniitaa na nɛ nibhɛ bok ikpɛɛt ɛniitaa da ne yɛɛs ɛ yaak me, “Yɛɛs te n tɔɔrek kɛ nggbang ngga ne yaa baasek ɛkuk ka ne re shwaa gha, ɛgarang nga ne ɛ bok igbɔm ba daa ne ihel gbarang ge.