Nikɔn ne kɛ Phaal 14:7 - ɛWee ne ìTsɛm iHywas

⁷ Ne ɛ boote ne ɛgbaang ne izɔlɔs, ɛ yɔngɔ, “Phok ɛn ɛnik ɛTaanggbey yo, te ɛ nang ɛn ɛbhɛ ne ndiinday, daa ɛli ne nten ne bol ɛshara ɛbhɛ de kɛ tuu. Re ɛn ɛbhɛ ntsong, ɛbhɛ wo ne ɛ kɛ ryɔng irywa wo, ne ɛzay ya, ne ɛling nga, ne irong inɛn da.”

Nikɔn ne kɛ Phaal 14:7 ပူးပေါင်းရင်းမြစ်များ

ɛMacu 25:13

iPhɛ ɛlɛy, ne ɛ shɛɛ ɛn ɛkanang ngɛdaa ɛli ne sɔng ɛ yɛɛ ɛn ɛtuk kɛ ne nten nɛ nang.

ɛLuka 17:18

iKyee iphɛ kɛ te ɛnyi ne iSamariya yegha wo zɔng ɛbhɛ kɛ bhɛ kyii ɛ yɛɛs ne tɔɔrek ɛTaanggbey yegha irway ihwala baa?”

ɛTomɛ 14:15

“Ninyi ne iLisitira! iKyee iphɛ kɛ te ɛɛ mɔn ɛn ɛkɔn neghaa woo? Njwi ma so niten nisii tɛ nyinɛn. Njwi kɛ yɛɛs nyini ne ibol iyɛnɛng, njwii bok nyini te ɛ hyere ɛn nyini ɛ tek ɛn nikɔn nibuu yɛnaa nggyɛ wo, ɛ yaa re ɛn ɛTaanggbey ne iken ne ntsong ne ɛbhɛ kɛ ryɔng ɛdaa ne irywa ne ndɔ ɛzay, nɛ nirenes gbik nɛ nikɔn na nɛ nibhɛ sonɛ ndɔ yɛ.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

Nikɔn ne kɛ Phaal 11:13

Nten nɛdee nggyɛ wo, ɛzay ya ne kyangkey ɛ sungket, ihop idaan ndɔ ihop ɛnduwubɔ ɛgarang nga ne bungaay. Ninyi na ninom ɛniitaa ne kus ɛlɔ ne ɛzay ya kɛ kyangkey ɛ sungket to. Ninyi na nɛ nibhɛ kɛ shɛɛ niken na ne yaa kparat, nibhɛ naas ɛTaanggbey ɛdaa ne irywa ye ne ndiinday.

Nikɔn ne kɛ Phaal 11:18

Ninaa ne doo ɛTaanggbey yegha kaa tes njenjek, nten ne njenjek mo de kɛ ne tuu. Nten ne bol ninaa ne ikpuu na ɛshara gha. Nten ne mɔn ninyi iyɛnɛng nikpuru mo ninabawa, ninyi mo ninaa ne tel ɛnik mo, nihala ne igbaang ngɛ gbik. Nten nɛ kɛ tuu ne yaa bunga ninyi na nɛ nibhɛ kaa ma bunga ɛzay ya.”

Nikɔn ne kɛ Phaal 15:4

ɛDaray, ɛhay ɛbhɛ yaa sang phok ɛnik mo woo? ɛHay ɛbhɛ aa sang nang ngɛ ne ndiinday ye? iGyɛ zɔng ɛ so kang. iGbagha wo gbik yaa ne yɛɛs, nibhɛ re yɛ ntsong, daa ɛli ne kɛ phaal ɛshara ɛcik mo gha.”

Nikɔn ne kɛ Phaal 16:9

ɛKpikpiy yo ne rarat ninyi na gbom, nibhɛ bol ivol ne bɛɛs irywɛɛk ɛTaanggbey ne ɛbhɛ ɛ bok igbɔm nikɔn ne nggbang ngɛdaa wo. Gbik ne iphɛ ɛlɛy, sɔng nibhɛ ne san ɛbɔk, nibhɛ nang ɛTaanggbey yegha ne ndiinday nang.

Nikɔn ne kɛ Phaal 18:10

Nibhɛ sɛ́ ne ta ɛn kyakyak daa ɛli nɛ nibhɛ tel ɛnik kɛ ne yaa yung yɛk nibhɛ ne nggbang ɛbhɛ da, nibhɛ ne yɔngɔ, “ɛKɔn ne ɛnik! ɛKɔn ne ɛnik! Aa, ɛgbaang ɛgarang ne iBabila, ɛgarang ne ɛ bok ihwet gbom, ndɔ ɛwa ɛdaan kɛ shii hyɛ yɛ ɛshara gha!”

Nikɔn ne kɛ Phaal 18:17

Ndɔ ɛwa ɛdaan, gbik iryat ɛbhɛ de kɛ ne bungaay!” “Gbik ninaa nigyirigyi inɛn na, nɛ ninaa ne hɔ yɛ, nɛ ninaa ne leesel lɛ gbik nɛ ninaa nɛ nibhɛ sɛ ɛkɔn ne re ndɔ ɛling nga, sɛ́ ne kyinak kyakyak.

Nikɔn ne kɛ Phaal 18:19

Nibhɛ sɛ́ ne sirit ntsong daa ne itso nibhɛ, nibhɛ san, nibhɛ yɔngɔ, ɛKɔn ne ɛnik! ɛKɔn ne ɛnik! Aa ɛgbaang ɛgarang ne iBabila ɛlɔ gha ne gbik ɛnyi gha ne ɛ kɛ bok ɛgyirigyi kɛ yɛk iryat lenɛ ne ɛbhɛ. Ndɔ ɛwa ɛdaan kɛ ne bunga ɛbhɛ gbik!

Nikɔn ne kɛ Phaal 19:5

iDɛ izɔlɔs de ne le ɛlɔ ɛcuruu ne igbɔm ma ihywɛ yɔngɔ, “Dɛp ɛn ɛTaanggbey njwɛɛn na, nyinɛn nikpuru ɛbhɛ na. Nyinɛn no ne ɛ phok ɛn ɛnik ɛbhɛ wo, nindiinday nɛ ninɔn.”

Nikɔn ne kɛ Phaal 4:11

“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”

Nikɔn ne kɛ Phaal 4:9

Nikɔn niken nwaas sɛnaa nggyɛ wo ne i yaak ɛhaa ɛcuruu ne igbɔm ma ne iywel, nibhɛ i dɛp ɛbhɛ, nibhɛ naas ɛbhɛ ne ndiinday, nibhɛ tɔɔsel ɛbhɛ irway ihwala. Ne i sɛ nibhɛ kɛ yɛk ne iywel lo,

Nikɔn ne kɛ Phaal 8:10

ɛMalɛka ne itwat tɛ ne wuuti ɛntuntuung ɛbhɛ wo, ɛgbaang ɛyuyɔrɔ ne ɛ re igboo te igboo ne ikingit ne le daa ne irywa ɛ ho ne ihop idaan ndɔ ne iphɛ itwat ne ihel gbik ne irong inɛn.