Nikɔn ne kɛ Phaal 14:4 - ɛWee ne ìTsɛm iHywas

⁴ Ninyi yɛnaa nggyɛ wo ne hame nibhɛ kɛ ku bees ito nibhɛ ne tɔk nikuk, nibhɛ tɔ jejeb, nibhɛ kɛ ne roos ɛNgɔn ne Pharak ka gbik ɛlɔ gha ne ɛ phɛɛs. Kɛ say nibhɛ ndɔ ninyi na. Nibhɛ bhɛ ne soye te ire ɛyisɛ yɛ ne kɛ hap ɛTaanggbey ye ne ɛNgɔn ne pharak ka ne itsanga.

Nikɔn ne kɛ Phaal 14:4 ပူးပေါင်းရင်းမြစ်များ

ɛMacu 19:12

Nikɔn na sonɛ maa nɛ nibhɛ tes ninyi na shɛɛ tang tuul nikuk ka; nidɛng sonɛ ne kɛ ku ryɔng nibhɛ ɛli ne hame nibhɛ yaa yɛɛ ne tul ɛkuk ka. Nidɛng ne sonɛ nɛ nihak ninyi nibhɛ kɛ mɔn nibhɛ ɛlɛy. Nidɛng ne sonɛ nɛ nibhɛ mbaray tang tul ɛkuk ka lenɛ ne ibol ne igbɔm ɛdaa ne irywa. Te ɛnyi gha ne ɛ bok irway ne say ibol lɛdee wo te ne ɛ mɔn ɛlɛy.”

ɛMacu 25:1

“Nten nɛdee nggyɛ wo, igbɔm ɛdaa ne irywa da sɛ ne so te ibol ninɔn nilyilyap ɛnduwubɔ nɛ nibhɛ kaa bo ifitila nibhɛ, nibhɛ phɛɛs ne say ne ɛyiyaa ne yɛl.

ɛMacu 8:19

ɛDɛ ɛhaa ne kpɛl ɛShara gha ne yɛɛs ɛlɔ ɛYɛso gha, ɛ yaak ɛbhɛ, “ɛKyɛɛ ne iCwam, naa roos sɛ, gbik ɛlɔ gha ne ɛ phɛɛs.”

ɛYohana 10:27

Ntsabhak nge de tenes izɔlɔs nge; nzi yɛɛ ihywɛ, ihywɛ ne roos me.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛYohana 13:37

ɛBiturus sa ne phom ɛ yɔngɔ, “ɛDaray, ikyee phɛ yaa ring me ne roos sɛ ɛlyilyɛghaa woo? Naa nang iken nge ɛlɔ nggyɛ.”

ɛYohana 8:12

ɛYɛso gha ne ta boote nɛ ninyi na, ɛ yaak nibhɛ, “Mee nzo iwɛwɛy ɛzay de, ɛhiha ɛnyi ne ɛɛ roos me wo nang, sɔng aa ne hyel ndɔ gbyik kang, aa yang bok iwɛwɛy ne iken.”

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

1 iKɔrɔntos 16:15

ˆƐɛ yɛɛ ɛn ɛli ninaa ne ijwee ɛTifanos nibhɛ bhɛ kɛ tsa nibhɛ teye ninaa ne roos sa ne iKaya de, nibhɛ kɛ ne nang ito nibhɛ gbik ndɔ ɛtomɛ ninyi ɛTaanggbey ya. Nzi roro ne nyinɛn nigwaa en,

1 iKɔrɔntos 6:20

Kɛ say nyini i tal. iPhɛ ɛlɛy ne ɛ nang ɛn ɛTaanggbey ye ne ndiinday ne ibek mon de.

1 iKɔrɔntos 7:28

Wu ɛ kɛ ne ku tul ɛkuk ka, sɔng iphɛ ne so ɛfɔt nang. Wu ɛngɔn ɛlyilyap pa kɛ ne ma sim ɛ̀ras sa, sɔng iphɛ ne ma so ɛfɔt tang. Gbik ne iphɛ ɛlɛy, ninaa nikuk ka sɛ ne sɔ nggbang daa ne ibol ne wɛɛ ijwee, nzi ne sim te nzɛ phɔt nyini ndɔ ne nggbang ngga.

2 iKɔrɔntos 11:2

N bok iphup ne nyinɛn, ihywee ne iphup ne ishwim ne ɛTaanggbey bok ne nyinɛn. Nggɛ ne ku ryɔng ɛKiriti ye nyinɛn te ɛli ne ɛnyi i ryɔng ɛngɔn ɛlyilyap ɛjejep te ɛ nang ɛtɛm ɛbhɛ.

iFisus 1:14

iKabyik ɛTaanggbey iphɛ phɛ kɛ tɔɔrek njwɛɛn ncɛncɛng wu ɛTaanggbey ya sɛ nang njwɛɛn isha de ne ɛ kɛ ku sim-mɛ wo, isha de ne ihywɛ sɛ teye izee njwɛɛn nten de ne ɛ sɛ phɔt ninaa nɛ nibhɛ so ninaa ɛbhɛ na. Ɛ kɛ mɔn ɛlɛ wo te ɛ say idɛp gbik ne ito-ndiinday.

iFisus 5:27

Te sɛ́ ne sɛ aa nang ito ɛbhɛ idira ninaa ne roos de, tɛ nibhɛ ne so ɛkɔn ne ɛ kɛ jam byirik, wɛlɛng irwirwik, ne ɛkɔn ɛkpɛɛ. Tɛ nibhɛ so kang wɛlɛng ɛkɔn ne tok.

1 ɛTimɔti 4:3

iHywee ninyi yɛdee nggyɛ wo sɛ yɛk ngɛ i ring ne robhos niwɛrɛ. Nibhɛ ta yɛk ngɛ wu hang i re idɛ ihywee ne irwye da dɔng. iPhɛ dee ɛTaanggbey ɛbhɛ kɛ ne ryɔng irwye da gbik tɛ ninyi na nɛ nibhɛ kɛ nang ne itin nɛ wo nibhɛ ta yɛɛ itin de say iphɛ ne irway ihwala.

iBirani 12:23

ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 21:22

Sɔng ne n yaang ideng ndɔ ɛgarang nga nang, daa ɛli ne ɛDaray ɛTaanggbey ne iTo Gbik ka ne ɛNgɔn ne ɛpharak ka bhɛ soye ideng ɛgarang ngɛ.

Nikɔn ne kɛ Phaal 21:23

Sɔng ɛgarang ngɛ i tɔk iroy ne ifɛl ne nɛ nibhɛ yaa te ɛbhɛ saa nang, daa ɛli ne ito-ndiinday ɛTaanggbey de iphɛ nang ɛgarang ngɛ iwɛwɛy de, ɛNgɔn ne ɛpharak ka ɛbhɛ soye ɛpitila ɛgarang ngɛ.

Nikɔn ne kɛ Phaal 3:4

Gbik ne phɛ ɛlɛy, nidɛng ne sonɛ ncɛt ndɔ iSadis de nɛ nibhɛ hyel wɛwɛy, sɔng nibhɛ kɛ kpɔtɔk ghe ne ɛfɔt to nang. Nibhɛ sɛ hyel ne mee ne itsura ihwala ne ibek nibhɛ daa ɛli nɛ nibhɛ kɛ hɔn ɛlɔ yɛ.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.