Nikɔn ne kɛ Phaal 14:15 - ɛWee ne ìTsɛm iHywas

¹⁵ ɛDɛ ɛMalɛka gha ne wuru ndɔ ne ideng ngge ɛ yel-le ɛhaa ne ɛ kɛ soos ne inɔp be ne ɛgbaang ne izɔlɔs, ɛ yaak ɛbhɛ, “Bo ɛluwujɛ mo wo te ɛ pha ne ɛzay ya, nten ne pha ɛzay de kɛ tuu.”

Nikɔn ne kɛ Phaal 14:15 ပူးပေါင်းရင်းမြစ်များ

ɛMarakus 4:29

Yaa ne sɛ ire de kɛ bel nang, ɛnyi gha ne bhɛ pha ire ɛbhɛ de, daa ɛli ne nten ne pha yɛ iphɛ kɛ tuu.”

ɛMacu 13:39

ɛHaa ne iphup pa ne ɛ kɛɛ sanga idik ge, ɛbhɛ so ɛShɛtan na, nten ne pha de iphɛ phɛ ne so nten ne taal ɛzay de, ninaa ne pha na nibhɛ ne ji so nimalɛka ɛTaanggbey.

Nikɔn ne kɛ Phaal 14:18

ɛTsim mɛ ɛlɛy, ɛdɛ ɛmalɛka gha ne ɛbhɛ ɛ wɛɛ igboo ɛraa ne hap itsanga gha ne wuru ɛraa ne hap itsanga gha. Ne ɛ yel-le ne ɛhaa ne ɛ bok ɛluwujɛ wo ne ɛbhɛ re wo ne ɛgbaang ne izɔlɔs, ɛ yaak ɛbhɛ, “Bo ɛluwujɛ mo wo ne ɛbhɛ re wo te ɛ pha ne ikpam ne ɛnap ɛzay da, ikpam mɛ kɛ bel.”

ɛMacu 13:30

Tek ɛn te iphɛ hɔn gbik, sɛ ne sɛ nten ne pha yɛ, ne mɔng ninaa ne pha na, nibhɛ ne tsa nibhɛ sɛs idik ge nibhɛ robhos ikpɔng ngɛ nibhɛ ne wɔɔ, nibhɛ ne ji pha ɛlikama gha nibhɛ bhɛ sit me nɛ ne igban.’ ”

Nikɔn ne kɛ Phaal 16:17

ɛMalɛka ɛniitaa yɛ ne bhɛ sit ɛkɔn na ne ɛ so ne ɛkpɛɛt ɛbhɛ wo ne igbil. ɛDɛ ɛgbaang ne izɔlɔs so ne ji le ɛcuruu ne igbɔm ma ndɔ ne ideng ngge ihywɛ yɔngɔ, “Kɛ taal!”

ɛMacu 23:32

See ɛn ito, te ɛ taal ɛn ɛbyin ɛkɔn na nɛ nikyɛɛ mon na kɛ ku tsa wo!

Nikɔn ne kɛ Phaal 15:6

niMalɛka ɛniitaa yɛnaa nggyɛ wo nɛ nibhɛ bok nggbang ɛniitaa da ne wuusi ndɔ ne ideng ngge, ne itsura ne ililing ne ifɛ tol wɛwɛy, nigagha ne izinariya ne ji so nigyɛy nibhɛ.

Nikɔn ne kɛ Phaal 14:14

Ne nyɛɛn ne n yaang inɔp ihala ne ɛdɛ ɛnyi gha ne ɛ so te ɛNgɔn ɛNyi ɛ kɛ soos ne inɔp be. ɛKɔn ne ito ne igbɔm izinariya so ne ito ɛbhɛ, ɛluwujɛ ne ɛbhɛ re ne so ne iwɔ ɛbhɛ.

Nikɔn ne kɛ Phaal 6:10

Nibhɛ yeres ne izɔlɔs nziinzay nibhɛ bo, “ɛDaray ne iTo Gbik, ne ɛ so kang, ɛhaa ne itin, ne nggyibhii ne ɛ sɛ bol ninaa ɛzay ya ɛshara gha, ɛ bak nibhɛ nggbang daa ɛli nɛ nibhɛ kɛ lok neyi mos saa?”

1 iTasɔlɔnika 2:16

Nibhɛ ring njwi ne tɔng ninyi na ne hame nibhɛ soye niYahodawa na ibol iyɛnɛng ngge, ɛlɔ nɛ nibhɛ aa ma yung sɛ iphɔrɔt da. Ɛlɛ wo nɛ nibhɛ ne hanas ne shwaasek ɛgyuuru ne ɛfɔt nibhɛ gha hyɔrɔ. iPhɛ dee njenjek ɛTaanggbey de kɛ ne tɔm daa nibhɛ.

Nikɔn ne kɛ Phaal 13:12

iHywɛ bo igbɔm ne inyam ɛyisɛ de ihywɛ mɔn ne ɛtomɛ ɛnu ɛyisɛ ne ihywɛ. iHywɛ yɛk ɛzay ya nɛ gbik nɛ ninaa nɛ nibhɛ so ndɔ ɛzay ya nibhɛ re inyam ɛyisɛ de ntsong. iNyam be ne inyuu ne ihywɛ de kɛ bel lo.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 14:16

ɛHaa ne ɛ kɛ soos ne inɔp be ne bo ɛluwujɛ ɛbhɛ wo ɛ pha nɛ ninyi ɛzay ya.

Nikɔn ne kɛ Phaal 14:17

ɛDɛ ɛmalɛka gha ne ta wuru ndɔ ne ideng ngge daa ne irywa wo, ɛ ma bok ɛluwujɛ ne ɛbhɛ re gbom.