Nikɔn ne kɛ Phaal 14:13 - ɛWee ne ìTsɛm iHywas

¹³ Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

Nikɔn ne kɛ Phaal 14:13 ပူးပေါင်းရင်းမြစ်များ

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛLuka 16:25

“ɛBaraying nga ne kyii nɛ ɛ yaak ɛbhɛ, ‘ɛNyɛn,’ Taate nɛ ɛli ne ɛ kɛ so ndɔ ɛzay ya, ɛ kaa ku phok iyɛnɛng mo de, ɛLaazaru gha ne sɔ nggbang. ɛLyilyɛghaa wo nang, ɛLaazaru gha ne ma ji phok iyɛnɛng ngge ɛ ma ji sɔ nggbang.

ɛLuka 16:9

ɛYɛso gha ne re ɛnu ɛyisɛ, ɛ yaak nibhɛ, “Nzi tɔng nyini, bo ɛn iryat ɛzay mon de te ɛ tɔk ɛn nɛ nitaay ndɔ ɛzay yɛghaa wo. Sɛ́ ne sɛ iryat mon de kɛ taal le ne bhɛ say nyini ne iken ne inat.

iRooma 14:8

Wu njwɛɛn sos niken njwɛɛn sos ɛDaray ye nɛ, wu njwɛɛn kɛ ne kus, njwɛɛn kɛ ne kus ɛDaray ye nɛ. iPhɛ ɛlɛy, ne njwɛɛn sos niken ne njwɛɛn kɛ kus, njwɛɛn soye ninaa ɛDaray.

1 iKɔrɔntos 15:18

Wu iphɛ ne so ɛlɛ wo, kaabi ninaa ɛKiriti na nɛ nibhɛ kɛ kus so kɛ ne birit.

1 iKɔrɔntos 15:20

Kɛ ne yiisik ɛKiriti yegha tsik ne ikpuu da ɛtsak, ɛbhɛ ne ɛ so te ire ɛyisɛ ne kɛ tsa pha ndɔ ninaa nɛ nibhɛ kɛ kus so ne sɛ yiisik nibhɛ wo.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

2 iKɔrɔntos 5:8

Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

iFilibi 2:17

ìNang ne itin mon de gbik ne ɛtomɛ mon na ndɔ ɛDaray ya so te hap itsanga ɛlɔ ɛbhɛ gha. Sɛ ne kyi yɔng yaa lok neyi nge na daa ne hap itsanga yɛdee wo, nzɛ ne phok iyɛnɛng, n da bok irway ihwala nɛ nyinɛn no gbik.

1 iTasɔlɔnika 4:14

Njwɛɛn kɛ nang ne itin nɛ wu ɛYɛso gha kɛ ku ne ɛ kyii ta yilitsik ne ikpuu da. iPhɛ ɛlɛy, njwɛɛn kɛ ne ta nang ne itin nɛ wu ɛTaanggbey ya sɛ yɛɛs ne ɛYɛso gha gbik nɛ ninaa nɛ nibhɛ kɛ wum nwa da ndɔ ɛbhɛ wo.

1 iTasɔlɔnika 4:16

Daa ɛli ne ɛDaray ya ne ito ɛbhɛ sɛ le daa ne irywa wo ɛ tɔm ne yel-le ne ɛgbaang ne izɔlɔs, ne izɔlɔs ɛndiinday nimalɛka gbik ne ɛntuntuung ɛTaanggbey. Ninaa nɛ nibhɛ kɛ ne kus ndɔ ɛKiriti gha ne ji tsa nibhɛ yilitsik.

1 iTasɔlɔnika 5:10

ɛKiriti gha kɛ ku ɛlɔ njwɛɛn, ɛlɔ ne sɛ́ sɛ ɛ kɛ yɛɛs te njwɛɛn shɛɛ ne ɛbhɛ ne njwɛɛn so niken, ne njwɛɛn kɛ wum nwa.

1 ɛTimɔti 5:24

ɛFɔt nidɛng ninyi wo i ku tɔɔrek ghe kpas, ɛbhɛ phɔt nibhɛ ɛyisɛ ɛbhɛ bhɛ hɔn ɛlɔ ɛshara gha. ɛFɔt nidɛng i ne rɛɛ ye ɛbhɛ kyi tɔɔrek ghe ɛtsim.

1 ɛTimɔti 5:25

ɛLɛy ne mang, ɛtomɛ ɛyɛnɛng nga ne ma so kpas, ɛhaa ne ɛ sang so kpas so nang, sɔng aa ne re ɛnu ɛyisɛ ne rɛrɛs se nang.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 10:4

Ne sɛ irywa wo kɛ tɛrɛ ɛniitaa gha ne n yɔng wu naa haal ibol lɛ, ne n bok idɛ izɔlɔs de ihywɛ le daa ne irywa wo ihywɛ bok me, “Rɛɛ ɛkɔn na ne irywa ne tɛrɛ ɛniitaa gha kɛ boote wo, sɔng ɛ haal nang.”

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 16:17

ɛMalɛka ɛniitaa yɛ ne bhɛ sit ɛkɔn na ne ɛ so ne ɛkpɛɛt ɛbhɛ wo ne igbil. ɛDɛ ɛgbaang ne izɔlɔs so ne ji le ɛcuruu ne igbɔm ma ndɔ ne ideng ngge ihywɛ yɔngɔ, “Kɛ taal!”

Nikɔn ne kɛ Phaal 19:9

ɛMalɛka gha ne yaak me, “Haa ɛbɛ: ‘Ninaa ɛwɛng ngaa nggyɛy ne kɛ mɔng nibhɛ idira ɛwɛrɛ ɛNgɔn ne Pharak ge.’ ” Ne ɛ ta yaak me, “iBol lɛdee wo so ibol ɛTaanggbey, iphɛ ne so itin nɛ.”

Nikɔn ne kɛ Phaal 2:1

“Haa ɛmalɛka ne idira ninaa ne roos ne iFisus nɛ te ɛ yaak nibhɛ,” “iBol lɛdee bɛ ne iphɛ lɛ ɛlɔ ɛnyi gha ne ɛ bok niyuyɔrɔ ɛniitaa na ne iwɔ ne irwye ɛbhɛ wo, ɛnyi gha ne ɛɛ hyel ndɔ ɛceree ne ncwɛng ne izinariya ɛniitaa da ne i tes ne ifitila da shak ko.

Nikɔn ne kɛ Phaal 2:7

‘Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, nzɛ ne nang ɛbhɛ ɛnkiinɛ ne ɛ re ikpam ɛHon ne Nang iKen de ne ɛ so ndɔ ne ihwap ɛTaanggbey da.’ ”

Nikɔn ne kɛ Phaal 20:6

Ninaa ɛwɛng ngaa nggyɛy, nɛ ninaa ne kɛ tul kang, nɛ nibhɛ sɛ́ so ndɔ ne yilitsik ɛyisɛ da. Sɔng iku ne ifaa de sɛ bok ihwet daa nibhɛ nang. Nibhɛ sɛ yang tes en nibo ɛTaanggbey nɛ ninaa ɛKiriti, nibhɛ re igbɔm ne ɛbhɛ ishay ɛnom ɛdaan.

Nikɔn ne kɛ Phaal 21:5

ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 22:17

iKabyik ge gbik ne ɛYɛl lo i bo, “Yɛɛs.” Gbik ɛnyi gha ne ɛ kɛ phok ibol lɛdee wo, te ne ɛ ma yɔngɔ; “Yɛɛs.” Gbik ɛnyi gha ne irway ɛbhɛ i has te ne ɛ yɛɛs. Gbik ɛnyi gha ne ɛ sim tɛ ne ɛ yɛɛs ɛ say inɛn ne iken da buu.

Nikɔn ne kɛ Phaal 6:11

Ne nang ɛrɔngɔ ɛtura ɛdɔrɔng ɛhala yɛ, ne ji yaak nibhɛ te nibhɛ kyi shɛɛ yak te kyi shwaak ɛnu nitaay ɛtomɛ nibhɛ na nɛ nigwaa nibhɛ na ne yaa ma phobho ɛli ne kaa ma phobho nibhɛ wo.