Nikɔn ne kɛ Phaal 14:10 - ɛWee ne ìTsɛm iHywas

¹⁰ ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

Nikɔn ne kɛ Phaal 14:10 ပူးပေါင်းရင်းမြစ်များ

ɛMacu 20:22

ɛYɛso gha ne kyii nɛ ɛ yaak ninɔn na, “Sɔng ɛ yɛɛ ɛn ɛkɔn na ne ɛ roro ɛn nang, aa yɛɛn ne sɔ ɛn ɛhyihyangas sa ne na sɔ nɛ woo?” Nibhɛ ne kyii nɛ, nibhɛ yɔngɔ, “Njwi yaa yɛɛ nɛ.”

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMacu 26:39

ɛYɛso gha kɛ shompeey gyigyɔɔ, ɛ ho ne ivel, ɛyisɛ ɛbhɛ ne so ne ivel da, ne ɛ roo ɛ yɔngɔ, “ɛKyɛɛ nge, sɛɛ yɔng ˆaa sim ˆɛ sɛɛ ne ba me ɛhyihyangas nggbang ngɛdaa wo, gbik ne iphɛ ɛlɛy, sɔng nzi ne bo wu te ɛ roos idee nge nang, idee mo ne yaa roos.”

ɛMarakus 8:38

ɛHiha ɛnyi ne kɛ phok ncwa nge ne ncwa ne ibol nge de ndɔ ne izam ne ɛfɔt tɛdee wo nɛ nibhɛ doo ɛTaanggbey yegha, mee ne ɛngɔn ɛnyi wo n nzɛ ne ma phok ncwa ɛbhɛ nten de ne nggɛ bhɛ kyii, nɛ niMalɛka ɛTaanggbey ya nibhɛ kɛ tul en kang ngo ndɔ ne igbom ɛKyɛɛ nge da.”

ɛMarakus 9:44

[“Ndɔ ɛnggyɛ wo nang, itsutsuu ne inat sɛ ne i re nibhɛ, igboo ne ta i re dɔng sɔng ifɛ sɛ ne kuuy nang.”]

ɛTomɛ 10:22

Ninyi na ne yaak ɛBiturus segha, “ɛDɛ ndiinday nisooja na ne i bok ɛbhɛ ɛKɔnɛliyas ɛbhɛ kɛ tom njwii. Ɛɛ phok ɛnik ɛTaanggbey, niYahodawa na gbik i naas ɛbhɛ ne ndiinday. ɛMalɛka ne kɛ tul kang ne yaak ɛbhɛ wu te ɛ yel-le yɛ ne ijwee ɛbhɛ te ɛ tenes ibol de ne aa tɔng ɛbhɛ.”

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

Nikɔn ne kɛ Phaal 15:7

ɛDɛng ndɔ nikɔn niken inwaas sa ne nang nimalɛka ɛniitaa na ikpɛɛt ne izinariya ɛniitaa ne kɛ yɛk ne njenjek ɛTaanggbey de hyɔrɔ, ɛTaanggbey ne iken ne ishay-ishay.

Nikɔn ne kɛ Phaal 16:19

ɛGbaang ɛgarang ne iBabila wo ne tasat ɛ hobhoset ɛtat. Nigarang ne igbagha na ne bungaay gbik. ɛTaanggbey ya ne taate ne ɛgbaang ɛgarang ne iBabila wo, ne ɛ yɛk ɛbhɛ nɛ ɛ sɔ ɛhyihyangas ne njenjek ɛTaanggbey ya.

Nikɔn ne kɛ Phaal 18:3

Daa ɛli ne igbagha ɛzay yo kɛ sɔ inɛn ɛnap ne ihyop ne nzangas ne ɛbhɛ de. Nigɔm ɛzay ya gbik kɛ ra ne ɛbhɛ. Ninaa ne iza ɛzay ya gbik kɛ yɛk iryat daa ne ihyop ne ishwɛɛ ne phok iyɛnɛng ɛbhɛ.”

Nikɔn ne kɛ Phaal 18:6

Te mɔn iBabila de ɛli ne ɛ kɛ mɔn no. Gbik nikɔn na ne ɛ kɛ mon no, te tal ɛbhɛ nɛ ɛte ɛphaa. ɛKɔn na ne ɛ kɛ phuul nyini nɛ wo, phuul ɛn ɛbhɛ ɛhaa ne ɛ phyin ne ihwet ɛte ɛphaa.

Nikɔn ne kɛ Phaal 19:15

iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

Nikɔn ne kɛ Phaal 20:14

Ne ji cwaak iku de gbik ne ɛlɔ ne ikpom ma ndɔ ɛling ne igboo wo. ɛLing ne igboo gha bhɛ ne soye iku ne ifaa de.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”