Nikɔn ne kɛ Phaal 13:6 - ɛWee ne ìTsɛm iHywas

⁶ iNyam be ne tsa bol ivol ne bɛɛs ɛTaanggbey yegha, ihywɛ bɛɛs irywɛɛk ɛbhɛ, ne ɛlɔ ne shɛɛ ɛbhɛ gbik nɛ ninaa nɛ nibhɛ so daa ne irywa wo.

Nikɔn ne kɛ Phaal 13:6 ပူးပေါင်းရင်းမြစ်များ

Nikɔn ne kɛ Phaal 12:12

iPhɛ ɛlɛy, igyɛ ne irywa nɛ ninaa ɛdak kɛ gbik ne ɛ yɛk ɛn irway ihwala! iGyɛ ne ɛzay yo ne ɛling nga, ɛ so ɛn ɛKɔn ne ɛnik! Daa ɛli ne ɛPhoo yɛghaa wo kɛ tɔm ndɔ ɛlɔ mon na ne njenjek gbom, daa ɛli ne ɛ ku yɛɛ nten ɛbhɛ de kɛ mak ncɛt.”

iBirani 9:24

Sɔng ɛKiriti gha kaa lel ɛLɔ gha ne kɛ Tul Kang i Shɛs ne ɛten ɛsii ɛbhɛ kɛ ryɔng nang. ɛLɔ gha ne ɛten ɛsii gha kɛ ryɔng ngo soye izazurum ninaa ɛdaa ne irywa de. ɛKiriti gha kɛ ne bhɛ lel daa ne irywa wo, te ɛbhɛ tɔɔrek ito ɛbhɛ ɛnu ɛyisɛ ɛTaanggbey ya ɛlɔ njwɛɛn ɛlyilyɛghaa wo.

ɛMacu 15:19

Ndɔ ne irway ɛnyi da ne icwas ivebhe da i wuusi nɛ. iCwas ne phoo ɛnyi, nzangas, re ihwel, ɛyi, iwul irywɛɛk daa nikɔn ne hame nibhɛ so itin nɛ, ne bees ɛnyi irywɛɛk.

ɛMacu 12:34

Nyinɛn no ne ɛ so ɛn te izɔ igywebhe de! Aa mɔn ɛn ɛli ɛ bol ɛn ivol iywɛnɛng ngga nɛ so ɛn nibebhe ninyi naa? Nzi shii bo ɛnu gha ɛbhɛ bol ɛkɔn na ne ɛ so ndɔ ne irway da.

Nikɔn ne kɛ Phaal 21:3

Ne n phok ɛgbaang ne izɔlɔs ihywɛ le ɛcuruu ne igbɔm ma ihywɛ bo, “ɛLyilyɛghaa wo ɛlɔ ne shɛɛ ɛTaanggbey ya ne so ɛlɔ nɛ nibhɛ shɛɛ nɛ nɛ ninyi. Aa shɛɛ nɛ nibhɛ, nibhɛ ne teye ninyi ɛbhɛ. ɛTaanggbey ya ne ito ɛbhɛ aa shɛɛ nɛ nibhɛ, ɛ teye ɛTaanggbey nibhɛ.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 11:12

niShɛɛda ifaa yɛnaa nggyɛ wo ne ji phok idɛ izɔlɔs de ihywɛ le daa ne irywa, ihywɛ bok nibhɛ, “Wara ɛn nyini te ɛ yɛɛs ɛn ɛbɛ!” iPhɛ ɛlɛy, nishɛɛda ifaa na ne roos inɔp nibhɛ wara en daa ne irywa wo, ninaa ne iphup nibhɛ na ne sit nibhɛ ne irwisɛ nibhɛ wɛɛ nibhɛ.

Nikɔn ne kɛ Phaal 7:9

Ɛtsim nikɔn nɛnaa wo, ne nyɛɛn, ne n yaang ɛgbaang ne idira ne hame ɛnyi sɛ yɛɛ ne tɔng ngɛ. Nibhɛ kaa les ne igbagha ɛzay yo, ne ihywee ɛzay de, ne itaang ɛzay de gbik ne ilwem ɛzay da gbik, nibhɛ kɛ kyinasek ɛnu ɛyisɛ ɛcuruu ne igbɔm ma ne ɛNgɔn ne Pharak ka. Nibhɛ so ndɔ ne itsura dɔrɔng ihwala yɛ, nibhɛ ne ji bok ivee ne izezeres ne bo nibhɛ.

Nikɔn ne kɛ Phaal 5:13

Ne n ji ta phok gbik nikɔn na ne ɛTaanggbey ya kɛ ryɔng wo, nɛ nibhɛ so daa ne irywa wo, ne ndɔ ɛzay ya, ne ndɔ ɛta ne ivel la, ne ndɔ ɛling nga. Gbik nɛ nikɔn na nɛ nibhɛ sonɛ ndɔ yɛwo, nibhɛ yaak ne iywel nibhɛ bo, “Te seng wu idɛp, ne igbom, ne ndiinday ne ihwet idee ne ishay-ishay, so idee ɛhaa ne ɛ kɛ soos ɛcuruu ne igbɔm ma, ne ɛNgɔn ne Pharak ka!”

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

Nikɔn ne kɛ Phaal 4:1

Ɛtsim nikɔn nɛnaa wo ne n ji yɛɛn, ne n yaang ɛnu ne izuk phere daa ne irywa. iZɔlɔs de ne nggɛ i phok ihywɛ kɛɛ wungare te ɛntuntuung ngo ɛyisɛ gha ne yaak me, “Wara ɛ yɛɛs daa ɛbɛ, te n tɔɔrek kɛ ɛkɔn na ne iphɛ so nggbinggbing nibhɛ te ɛtsim ne ninaa na.”

iBirani 9:2

Kaa ta ipho ne i hobhose iphɛ iduk iphaa, izuk ɛyisɛ yɛ kaa bok ɛntsɛng ne tes ifitila shak, ne ɛtɛbul, ne ibɛrɛdi ne kɛ tek ɛTaanggbey ye nɛ. Kaa ne i bok ɛlɔ yɛ ɛLɔ ne kɛ Tul Kang.

iRooma 3:13

iVol nibhɛ da so ivaa ne phobho ninyi, ilwem nibhɛ da kɛ teye nikɔn ne luk ninyi. iVol nibhɛ da ne so te ncwincway ne ᐩizɔ igywebhe.

iKɔlɔsi 2:9

Daa ɛli ne ibek ɛKiriti de ne ɛTaanggbey ya i shɛɛ nɛ hyɔrɔ ndɔ iTaanggbey ɛbhɛ.

iKɔlɔsi 1:19

Daa ɛli ne iphɛ so ɛTaanggbey yegha ɛkɔn ne irway ihwala ɛ shɛɛ ndɔ ɛYɛso gha hyɔrɔ ne iTaanggbey ɛbhɛ.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

Nikɔn ne kɛ Phaal 7:15

iPhɛ phɛ kɛ te, “Nibhɛ kyinasek ɛyisɛ ɛcuruu ne igbɔm ɛTaanggbey ya, nibhɛ mɔn ɛtomɛ ɛbhɛ gha ne ideng ge ne ɛtuk ne igbey. ɛHaa ɛcuruu ne igbɔm ma, yaa ne cwaal nibhɛ ndɔ ɛlɔ ɛsirim ɛbhɛ.

Nikɔn ne kɛ Phaal 15:5

ɛTsim nikɔn nɛnaa wo, ne n yaang kɛ phaal iDeng ɛdaa ne irywa de, ipho ne rop ìtsɛm be sonɛ ndɔ yɛ.