Nikɔn ne kɛ Phaal 13:16 - ɛWee ne ìTsɛm iHywas

¹⁶ iNyam ne ifaa yɛdee wo ne yɛk ngɛ nggbinggbing i yaak ninyi na ne ɛlamba ne iwɔ ne irwye nibhɛ, hang ne itiri yɔɔ. Wu te yaak ninyi na ne ɛlamba gha gbik, kaa ne yaak ngɛ ɛlɛ: ɛnyi ɛndiinday ne ɛshɛɛrɛng ngɛ, ɛnyi ne iryat ne ɛhala yɛ, ɛkpuru ne ɛngɔn ne ijwee.

Nikɔn ne kɛ Phaal 13:16 ပူးပေါင်းရင်းမြစ်များ

ɛTomɛ 26:22

Gbik ne iphɛ ɛlɛy ɛTaanggbey kɛ ne phyik me nggɛ hɔn izenge wo. iPhɛ ne nggɛ kyinak ɛbɛ wo nzi tɔng igbaang ninyi nɛ nihala yɛ gbik ibol nikɔn de ne nggɛ yaang ngo. Sɔng ihak ibol ne nzi bol nang. Nzi yang bol ibol nikɔn de nɛ ninabawa gbik ne ɛMuusaa kaa ku yɔng wu nibhɛ sɛ tes.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iGalatiya 6:17

Naa ne ta yaak nyini, sɔng ɛdɛ ɛnyi ne tang ta tak me iyɔm be nang, daa ɛli ne itsili de ne n bok ne ibek nge de kɛ tɔɔrek wu n some ɛkpuru ɛYɛso gha.

iFisus 6:8

Daa ɛli ne ˆɛ yɛɛ ɛn, gbik iyɛnɛng ngge ne ɛrɔngɔ kɛ mɔn, hang ɛkpuru yɔɔ, hang ɛngɔn ne ijwee yɔɔ, ɛ sɛ́ bhɛ say iphɛ ɛlɔ ɛDaray ya.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

2 ɛTimɔti 3:8

Te ɛli nɛ ne ɛYanes ne ɛYamberes kaa yɛk iphup be ne ɛMuusaa gha, ɛlɛy nɛ ninyi yɛnaa nggyɛ wo ne bok iphup be ne itin de. Nibhɛ soye ninyi nɛ nibhɛ bok nggyuk, ìnang ne itin nibhɛ da so buu.

Nikɔn ne kɛ Phaal 11:18

Ninaa ne doo ɛTaanggbey yegha kaa tes njenjek, nten ne njenjek mo de kɛ ne tuu. Nten ne bol ninaa ne ikpuu na ɛshara gha. Nten ne mɔn ninyi iyɛnɛng nikpuru mo ninabawa, ninyi mo ninaa ne tel ɛnik mo, nihala ne igbaang ngɛ gbik. Nten nɛ kɛ tuu ne yaa bunga ninyi na nɛ nibhɛ kaa ma bunga ɛzay ya.”

Nikɔn ne kɛ Phaal 15:2

Ne n yaang ɛdɛ ɛkɔn na ɛ so te ɛling ne kɛ ryɔng ne igyilas i kyɛrɛ ne igboo. Ne n da yaang ninyi na nibhɛ kɛ re ɛwɛng nga ne inyam igywebhe de ne izazurum ihywɛ de gbik ne ɛlamba ne irywɛɛk ne ihywɛ gha. Ninyi yɛnaa nggyɛ wo kɛ kyinasek ɛnu ɛling ne igyilas sa nibhɛ bok ᐩnzom ɛkyee ne ɛTaanggbey kɛ nang nibhɛ.

Nikɔn ne kɛ Phaal 19:18

Te ɛ re ɛn ikpom nigɔm, ne ikpom nisooja nɛ nindiinday nibhɛ, ne ivaa inantse nɛ nisaa yɛ. Te ˆɛ re ɛn ikpom ninyi da gbik, ikpom nikpuru ne ivaa ninyi nɛ nibhɛ shɛɛ ishwɛɛ ne ito nibhɛ. iKpom nindiinday ninyi ne ivaa ninɔn.”

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 19:5

iDɛ izɔlɔs de ne le ɛlɔ ɛcuruu ne igbɔm ma ihywɛ yɔngɔ, “Dɛp ɛn ɛTaanggbey njwɛɛn na, nyinɛn nikpuru ɛbhɛ na. Nyinɛn no ne ɛ phok ɛn ɛnik ɛbhɛ wo, nindiinday nɛ ninɔn.”

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 6:15

Nigɔm ɛzay ya, ne igbaang ninyi na, nɛ nindiinday nisooja na, nɛ ninaa ne iryat ta, nɛ ninaa ne ihwet ta, ne ɛbyin ninyi na, nikpuru na, gbik nɛ ninyi na nibhɛ bok ishwɛɛ ne ito nibhɛ, ne bhɛ rɛrɛs en ndɔ ne itak, ne ndɔ ne ikpɛɛ daa ne ibarang.

Nikɔn ne kɛ Phaal 7:3

Ɛ bo, “Sɔng ɛ ku shii bees ɛn ivel ba nɛ niling nga, nɛ nihon na nang, shɛɛ ɛn yak te njwi kyi yaak nikpuru ɛTaanggbey njwɛɛn na ne ɛlamba ne icwiri nibhɛ nyɛɛn.”