Nikɔn ne kɛ Phaal 13:10 - ɛWee ne ìTsɛm iHywas

¹⁰ Wu kɛ ku ryɔng ngɛ sɛ́ rop pɛ, sɛ ne rop pɛ wo. Wu kɛ ku ryɔng ngɛ sɛ́ phoo yɛ ne ihywa, sɛ́ ne phoo yɛ ne ihywa de. ɛKɔn nɛghaa wo i tɔk ɛbɔk ndɔ ne rop iku, ne ìnang ne itin ɛlɔ ninyi ɛTaanggbey ya.

Nikɔn ne kɛ Phaal 13:10 ပူးပေါင်းရင်းမြစ်များ

ɛMacu 26:52

ɛYɛso gha ne yaak ɛbhɛ, “Sɔɔl ihywa mo de nɛ ne ifaran nɛ, ɛnyi gha ne ɛ lɛng irywen da ne ihywa de, ihywa de ne sɛ phoo ɛbhɛ nɛ.

ɛMacu 7:2

Daa ɛli ne ɛTaanggbey ya sɛ bhɛ hyɛ yɛ ɛshara gha ɛli ne ɛ kɛ hyɛ ɛbyin ninyi nɛ wo, ɛgyuuru gha ne ɛ kɛ nang ngo, ɛbhɛ ne sɛ ne nang ngɛ nɛ.

ɛLuka 21:19

Kyinak ɛn nting, ɛ sɛ ne phɔt ɛn ito mon.

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

iBirani 6:12

Sɔng ɛ te ɛn nyini ninaa ne itek nang, yang mɛmɛ ɛn nɛ nɛ ninaa ne ìnang ne itin na, nɛ nibhɛ kɛ bo ɛbɔk ka nibhɛ i hyep nibhɛ yaa say ɛkɔn na ne ɛTaanggbey ya kɛ sim-mɛ wo.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 11:18

Ninaa ne doo ɛTaanggbey yegha kaa tes njenjek, nten ne njenjek mo de kɛ ne tuu. Nten ne bol ninaa ne ikpuu na ɛshara gha. Nten ne mɔn ninyi iyɛnɛng nikpuru mo ninabawa, ninyi mo ninaa ne tel ɛnik mo, nihala ne igbaang ngɛ gbik. Nten nɛ kɛ tuu ne yaa bunga ninyi na nɛ nibhɛ kaa ma bunga ɛzay ya.”

Nikɔn ne kɛ Phaal 14:12

iBol lɛdee wo i sim irop iku ɛlɔ ninyi na ne kɛ tul kang ngo nibhɛ roos ibol ɛTaanggbey de. Ninyi na nɛ nibhɛ so sɛɛ say ibol nibhɛ ndɔ ìnang ne itin nibhɛ de ne ɛYɛso gha.

Nikɔn ne kɛ Phaal 16:6

Daa ɛli nɛ ninyi na kaa loghɛ neyi ninyi mo na nɛ ninaa ninabawa mo na. iPhɛ dee, ɛ kɛ ne ji nang nibhɛ neyi na tɛ nibhɛ sɔ, iphɛ kɛ jam nibhɛ nɛ.

Nikɔn ne kɛ Phaal 17:11

iNyam igywebhe yɛdee wo ne ihywɛ kaa tsa ihywɛ sonɛ itsen nɛ wo ne ihywɛ sang kyi sonɛ itsen nɛ ɛlyilyɛghaa wo ihywɛ ihywɛ ne soye ɛgɔm ne ɛnaras sɛ. iHywɛ ne so ndɔ nigɔm ɛniitaa na, ihywɛ ne phɛɛs ɛlɔ gha ne yaa bhɛ phoo ihywɛ nɛ.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 2:19

Nzi yɛɛ nitomɛ mo ne ishwim mo gbik ne ìnang ne itin mo. Nzi ne yɛɛ ɛtomɛ mo gha ne ɛ phyighis nigwaa mo na nɛwo, gbik ne ɛbɔk mo gha. Nzi yɛɛ wu ɛtomɛ mo gha ɛlyilyɛghaa phyin ɛhaa ɛyisɛ mo gha.

Nikɔn ne kɛ Phaal 2:2

Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.