Nikɔn ne kɛ Phaal 12:9 - ɛWee ne ìTsɛm iHywas

⁹ Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 12:9 ပူးပေါင်းရင်းမြစ်များ

ɛLuka 10:18

ɛYɛso gha ne kyii nibhɛ nɛ ɛ yɔngɔ, “Nggɛ yaang ɛShɛtan negha, ɛ kɛ ho te irywa ne te derep.”

ɛYohana 12:31

ɛLyilyɛghaa wo ne yaa bol ɛzay ya ɛshara gha; ɛlyilyɛghaa ne yaa ji roos ɛgɔm ɛzay yɛghaa wo ne igbom ɛbhɛ da.

Nikɔn ne kɛ Phaal 20:10

Ne wum ɛShɛtan negha ne ɛ kɛ luk nibhɛ wo i cwaak ɛbhɛ ndɔ ne ɛling ne igboo ne isɔlifa wo ɛlɔ gha ne kɛ ku cwaak inyam igywebhe de gbik ne ɛnɛbi ne irywɛɛk ka nɛwo. Sɛ́ ne baasek nibhɛ nggbang ne igbey ne ɛtuk, ishay-ishay.

1 ɛYohana 5:19

Njwɛɛn i yɛɛ wu njwɛɛn soye ninɔn ɛTaanggbey, ɛzay ya gbik ne so ne iwɔ ɛShɛtan.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

Nikɔn ne kɛ Phaal 12:7

Ne yaa ta itsom daa ne irywa wo. ɛMakyɛl la nɛ nimalɛka ɛbhɛ i ta itsom be ne ɛgbaang ne izɔ wo, ɛgbaang ne izɔ wo nɛ nimalɛka ɛbhɛ na ne maa ta itsom be ne ɛMakyɛl la.

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

Nikɔn ne kɛ Phaal 20:8

Ɛ sɛ ne ji wuru ɛbhɛ luk igbagha ɛzay yo ne ifɛ kɛ tes en shwaa ne ibap naas ɛzay de, ne i bok nibhɛ ɛGok ka ne ɛMagok ka. ɛShɛtan na sɛ́ ne tumɛ nibhɛ ɛlɔ ɛdaan te ta itsom, nibhɛ sɛ́ ne so gbarang te imumu ne ihywel.

Nikɔn ne kɛ Phaal 12:3

Ne ta yaang ɛdɛ ɛkɔn ne kparat ta daa ne irywa wo; ɛgbaang ne izɔ igywebhe isheng ngɛ. iHywɛ bok itso ɛniitaa, ne igbumɛ ɛnduwubɔ gbik nɛ nikɔn ne ito ne igbɔm ɛniitaa ne itso da.

Nikɔn ne kɛ Phaal 9:1

ɛMalɛka ne iwii yɛ ne wuuti ɛntuntuung ɛbhɛ wo, ne n yaang ɛyuyɔrɔ le dak ne irywa wo ɛ ho ndɔ ɛzay ya, ne nang ɛbhɛ ɛyaya ne ibong kyukyum be.

Nikɔn ne kɛ Phaal 2:24

“ɛLyilyɛghaa wo, nzi ne bol ne ɛbyin mon ne ɛ so ɛn ne iTiyatira de, ne ɛ kɛ shɛɛ tang roos ɛn ibol ɛJɛjɛbhɛl de, ɛ mbaray ɛn nyini tang mɛmɛ ɛn ne ibol de nɛ ninaa ne roos ɛbhɛ i yeres ɛbhɛ, ‘ɛDuk ne ivol ɛShɛtan na.’ Nzi ne bok nyini sɔng naa ta hante nyini ne idɛ irighitik ge nang.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

2 iKɔrɔntos 11:14

Sɔng iphɛ ne so ɛkɔn ne kparat nang, daa ɛli ne ɛShɛtan na ma mɔɔng ɛ hyereey te ɛmalɛka ɛwɛwɛy.

2 iKɔrɔntos 2:11

Nggɛ ne hana wo, daa ɛli ne ɛShɛtan na yaa yung sɛ ikɛk ne luk njwɛɛn. Daa ɛli ne njwɛɛn i yɛɛ iluk ɛbhɛ da ncɛncɛng.

iRooma 16:18

Daa ɛli ne sɔng ihywee ninyi yɛdee nggyɛ wo i mɔn ɛDaray ɛKiriti ye ɛtomɛ nang, iphul nibhɛ zɔng nɛ nibhɛ tɔk iphɛ nɛ. I lenɛ ne ɛnu ɛbel nibhɛ gbik ne iluk, nibhɛ ne luk ninyi na ne icwas nibhɛ sang so kyukyum.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛLuka 22:31

ɛYɛso gha ne yaak ɛSimɔn negha, “ɛSimɔn, ɛSimɔn! Phok me, ɛShɛtan kɛ phom ikɛk, kɛ ne nang ɛbhɛ ne aa bɛm nyini ɛ te nyini zɛzɛk ɛli ne ɛhaa ne ihwap i bɛm ɛlikama ɛbhɛ ɛ tul ishoo yɛ.

2 iKɔrɔntos 11:3

Ne n bok ɛnik wu irway mon yaa yung hyereey, ɛ tek ɛn ishwim iywɛnɛng mon da ne ɛ sim ɛn ɛKiriti yegha. Aa yung hyere nyini ɛli ne ɛWaawu gha kaa hyereey yo nten de ne izɔ de kaa luk ɛbhɛ ne ntsɛntsɛng igywebhe ne ihywɛ de.

ɛLuka 22:3

ɛShɛtan na ne lel ndɔ ne irway ɛYahuza ba ne i bok ɛbhɛ ɛSikɔrɔti gha ne ɛ so ɛdaan ndɔ ninɔn ne icwam ɛnduwubɔ nɛ ninyi ifaa na.

ɛLuka 8:12

iHywee de ne ihywɛ kɛ ne ho ne nkiinɛ wo ne so tɛ ninyi nɛ nibhɛ kɛ phok ibol de, ɛShɛtan ne shii yɛɛs, ɛ bo iphɛ ndɔ ne irway nibhɛ, tɛ nibhɛ sang nang ne itin nɛ, nibhɛ phɔrɔt.

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

ɛMacu 4:8

ɛShɛtan na ne kyii ta bo ɛYɛso yegha ɛbhɛ wara nɛ dak ne igbaang ne ɛwarang, ne ɛ ji tɔɔl ɛbhɛ igbɔm ɛzay da gbik ne iryat tɛ.

ɛMacu 4:5

ɛShɛtan na ne bo ɛYɛso yegha ɛ phɛ ne ɛbhɛ ne iYɛrushɛlɛm, ɛgarang ne kɛ tul kang, ɛbhɛ wara ne ɛYɛso gha dak ɛco ne iDeng nga.

ɛMacu 4:1

iKabyik ge ne bo ɛYɛso yegha iphɛ phɛ nɛ ndɔ ɛhay te ɛShɛtan bhɛ tɛɛrek ɛbhɛ.

Nikɔn ne kɛ Phaal 19:20

Ne wum inyam be ne ɛnɛbi ne rywɛɛk ka ne ɛ kɛ mɔn nikɔn ne kparat ta daa ne irywɛɛk ne inyam be. Ne nyu nikɔn ne kparat tɛnaa nggyɛ wo ne ɛnɛbi ne rywɛɛk kɛghaa nggyɛ wo kɛ luk ninyi na nɛ nibhɛ kɛ say ɛlamba ne inyam igywebhe gha nibhɛ re izazurum ne ihywɛ de ntsong ngaa. Ne wum inyam igywebhe de ne ɛnɛbi ne irywɛɛk ka i cwaak nibhɛ niken nɛ ndɔ ɛling ne igboo ne ifɛ re ne isɔlifa.

Nikɔn ne kɛ Phaal 16:14

iKpabyik ivebhe yɛdaa nggyɛ wo so ikpabyik niphoo ne ifɛ tɔɔsel nyu nikɔn ne kparat. iFɛ ne wuru ifɛ phɛ ɛlɔ nigɔm ɛzay ya gbik te ifɛ bhɛ tumɛ nibhɛ ɛlɔ ne itsom ɛgbaang ɛtuk ɛTaanggbey ne iTo Gbik.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 9:20

Sɔng ɛbyin ninyi na ne hame kaa phoo nibhɛ ndɔ ɛkɔn ne ɛnik kɛghaa wo kaa ne san ɛbɔk daa nikɔn na nɛ nibhɛ mɔn no nang. Sɔng nibhɛ kaa kɔɔng re niphoo na, ne igunkyi de kɛ ryɔng ne izinariya de, ne idee ne kɛ ryɔng ne ɛzurufa wo, ne idee ne kɛ ryɔng ne ikpɛɛ da gbik ne itson de ntsong ngga nang. iPhɛ dee sɔng igbunkyi da bol nang, sɔng ifɛ phok nang, sɔng ifɛ ne ta hyel nang.

Nikɔn ne kɛ Phaal 3:9

Ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ninaa ne irywɛɛk, ɛguu ninyi ɛShɛtan. Nzi tɔng ngɛ, naa ne yɛk nibhɛ nɛ nibhɛ yɛɛs nibhɛ ho yɛ ne iphanta. Nibhɛ yaa ne ji seng wu nzi sim-mɛ.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

ɛYahuza 1:9

Yung yaang ɛn ɛndiinday nimalɛka gha ne kaa bok ɛbhɛ ɛMakyɛl la, kaa sɛ ɛli nɛ nibhɛ sin en ne ikom ɛMuusaa de ne ɛShɛtan na, sɔng ɛMakyɛl la kaa hyɛ ne ɛShɛtan negha ɛshara ɛ boote ne ɛbhɛ ibol ne bɛɛs nang, ɛ kaa yang yaak ɛbhɛ, “Te ɛDaray sit tɛ ne ɛbung!”

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

1 ɛTimɔti 2:14

Sɔng ɛDɛmu gha ne kaa ne ta luk ɛbhɛ nang, ɛkuk ka ne kaa yang luk ɛbhɛ, ɛ teye ɛhaa ne ɛfɔt.

2 iTasɔlɔnika 2:3

Sɔng ɛ sim ɛn ɛdɛ ɛnyi luk nyini ne idɛ ɛnkiinɛ wo kang nang. Daa ɛli ne sɔng ɛtuk ɛDaray ya yaa yɛɛs nang, sɛ yang kyi tsa ne isang-phok ge nyɛɛn, ɛgɔm nisang-phok ka ne tɔɔrek ghe, ɛhaa ne ɛ ku ryɔng sɛ́ bees gbik ko.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

2 iKɔrɔntos 12:7

Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

iRooma 16:20

ɛTaanggbey ne nang irway ne laal da yaa yungaa phɔsɔm ɛShɛtan negha ɛ tek ɛbhɛ ndɔ ɛta mon. Te izɛɛng ɛDaray njwɛɛn ɛYɛso ɛKiriti shɛɛ ne nyinɛn.

ɛTomɛ 5:3

ɛBiturus sa ne yaak ɛbhɛ, “ɛHananiya! iKyee iphɛ kɛ te ɛ sim ɛShɛtan na luk kɛ ɛ rɛɛ ɛbyin ne ijam ne ihwap ba ɛ ji ɛ hyɛ iKabyik ɛTaanggbey de irywɛɛk gaa?

ɛYohana 16:11

Nibhɛ kɛ ne ta ben daa ne ibol hyɛ ɛshara gha daa ɛli ne kɛ ku hyɛ ɛgɔm ɛzay yɛghaa wo ɛshara.

ɛYohana 14:30

Sɔng ne ndɔ ne nten ne naa tɔ bol ne nyinɛn nang, daa ɛli ɛhaa ne igbɔm ɛzay yɛghaa wo yaaso. Sɔng ne ɛ bok igbɔm daa me wo nang.

ɛLuka 13:16

ɛKuk kɛghaa wo ne so ihywèè ɛBaraying ne ɛShɛtan kɛ rop ishay ɛnduwubɔ ne iphɛ ɛnaras. Yaa ne mɔn ɛlii i sang biri ɛbhɛ izenge wo wu ɛtuk kɛ so ɛtuk ne iWɛsɛ ghaa?”

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 13:39

ɛHaa ne iphup pa ne ɛ kɛɛ sanga idik ge, ɛbhɛ so ɛShɛtan na, nten ne pha de iphɛ phɛ ne so nten ne taal ɛzay de, ninaa ne pha na nibhɛ ne ji so nimalɛka ɛTaanggbey.

Nikɔn ne kɛ Phaal 18:2

Ne ɛ boote ne ɛgbaang ne izɔlɔs, ɛ yɔngɔ, “Ɛ kɛ ho! ɛGbaang ne iBabila wo kɛ ho! Ɛ kɛ teye ɛlɔ ne shɛɛ niphoo, ne icwak ne ikpabyik ne ishis, ɛlɔ ne ninon ne ishis ne ᐩinyam igywebhe izee ne ishis.

Nikɔn ne kɛ Phaal 18:23

Sɔng tang yaang ɛwɛwɛy ne ifitila nang. Sɔng tang phok izɔlɔs ne ɛyiyaam ne yɛl, ne izɔlɔs ɛyɛl lɛ ndɔ mo dɔng nang. Daa ɛli nɛ ninaa ne iza mo na, nibhɛ bhɛ kaa so ninaa ne igbɔm ɛzay ya. iGbagha ɛzay yo kaa te buruburu ne ikyarakyut mo de.

Nikɔn ne kɛ Phaal 12:8

Ne re ɛgbaang ne izɔ wo ne itsom be, i phɔt ɛlɔ ɛbhɛ nɛ nimalɛka ɛbhɛ na daa ne irywa wo.

Nikɔn ne kɛ Phaal 12:12

iPhɛ ɛlɛy, igyɛ ne irywa nɛ ninaa ɛdak kɛ gbik ne ɛ yɛk ɛn irway ihwala! iGyɛ ne ɛzay yo ne ɛling nga, ɛ so ɛn ɛKɔn ne ɛnik! Daa ɛli ne ɛPhoo yɛghaa wo kɛ tɔm ndɔ ɛlɔ mon na ne njenjek gbom, daa ɛli ne ɛ ku yɛɛ nten ɛbhɛ de kɛ mak ncɛt.”