Nikɔn ne kɛ Phaal 12:4 - ɛWee ne ìTsɛm iHywas

⁴ iHywɛ ne bo ihwel ihywɛ yese ne ihop idaan ndɔ ne iphɛ itwat niyuyɔrɔ de ihywɛ sit ne ivel. ɛGbaang ne izɔ igywebhe de ne ji kyinak ɛnu ɛyisɛ ɛkuk ka ne aa yɛk ko te yaa sɛ ɛngɔn na wuusi ihywɛ wum ɛbhɛ ihywɛ reke.

Nikɔn ne kɛ Phaal 12:4 ပူးပေါင်းရင်းမြစ်များ

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

Nikɔn ne kɛ Phaal 12:7

Ne yaa ta itsom daa ne irywa wo. ɛMakyɛl la nɛ nimalɛka ɛbhɛ i ta itsom be ne ɛgbaang ne izɔ wo, ɛgbaang ne izɔ wo nɛ nimalɛka ɛbhɛ na ne maa ta itsom be ne ɛMakyɛl la.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 13:2

iNyam igywebhe de ne nggɛ yaang ngo so te ɛtsɔy. ɛNu yɛ ne so te ɛhaa ɛkuramanza, ita yɛ ne ngkpɛt tɛ ne so te mbaa ne idɛ inyam be ne i bok ihywɛ ɛbiya. ɛGbaang ne izɔ wo ne ji nang ihywɛ ihwet ɛbhɛ ne ɛcuruu ne igbɔm ɛbhɛ gha ne igbɔm ɛbhɛ gbom.

Nikɔn ne kɛ Phaal 13:4

Ninyi na ne re ɛgbaang ne izɔ igywebhe de ntsong daa ɛli ne ɛ kɛ nang inyam be ihwet ɛbhɛ da. Nibhɛ ne ma ta re inyam be ntsong nibhɛ bo, “ɛHay ɛbhɛ ji ta so te inyam bee? ɛHay ɛbhɛ yaa yɛɛ ne ta itsom ne ihywɛ?”

Nikɔn ne kɛ Phaal 16:13

Ne n ji yaang ikpabyik ivebhe ifɛ cwat ne ifɛ so te itswambɔlɔk. iKpabyik kɛdaa nggyɛ wo kaa wuusi ndɔ ɛnu ne ɛgbaang ne izɔ igywebhe de, ne ɛnu ne inyam igywebhe de gbik ne ɛnu ɛnɛbi ne rywɛɛk ka.

Nikɔn ne kɛ Phaal 17:18

“ɛKuk ka ne ˆɛ kɛ yaang ngo ɛbhɛ ɛ soye ɛgbaang ɛgarang ngɛghaa wo ne ɛɛ re igbɔm ba daa nigɔm ɛzay ya.”

Nikɔn ne kɛ Phaal 20:2

Ne ɛ ji wum izɔ igywebhe de, izɔ igywebhe ne ile yɛdee nggyɛ wo ne ihywɛ ihywɛ so ɛShɛtan na ɛ rop ɛbhɛ ishay ɛnom ɛdaan (1,000)

Nikɔn ne kɛ Phaal 8:10

ɛMalɛka ne itwat tɛ ne wuuti ɛntuntuung ɛbhɛ wo, ɛgbaang ɛyuyɔrɔ ne ɛ re igboo te igboo ne ikingit ne le daa ne irywa ɛ ho ne ihop idaan ndɔ ne iphɛ itwat ne ihel gbik ne irong inɛn.

Nikɔn ne kɛ Phaal 8:11

I bok ɛyuyɔrɔ yɛ “ɛRaghatak.” iHop idaan ndɔ ne iphɛ itwat inɛn da ne te raghatak. Ninyi na gbom ne kus daa ɛli nɛ nibhɛ kɛ sɔ inɛn da ne mpɛ kɛ te raghatak ko.

Nikɔn ne kɛ Phaal 8:12

ɛMalɛka ne nwaas sɛ ne wuuti ɛntuntuung ɛbhɛ wo, ne hale ihop idaan ndɔ ne ihop itwat ne iroy de. Ne ihop idaan ndɔ ne iphɛ itwat ne ifɛl lo. Ne ihop idaan ndɔ ne iphɛ itwat niyuyɔrɔ na, te ihop idaan ndɔ ne iphɛ itwat nikɔn nɛnaa wo te gbyik. ɛLɛy te ihop idaan ndɔ ne iphɛ itwat ne igbey kɔɔng nge tang tol, ihop idaan ndɔ ne ihop itwat ɛtuk ge ne ma kɔɔng nge tang tɔɔ tol.

Nikɔn ne kɛ Phaal 8:7

ɛMalɛka ɛyisɛ yɛ ne wuuti ɛntuntuung ɛbhɛ, nkpaaling ne igboo ne ifɛ kɛ byinket nɛ neyi ne wuru, ifɛ sirit te ndɔ ɛzay ya. iGboo yɛ ne re ihop idaan ndɔ iphɛ itwat ɛzay de, ne ihop idaan ndɔ ne iphɛ itwat nihon, ne idik gbik.

Nikɔn ne kɛ Phaal 8:8

ɛMalɛka ne ifaa yɛ ne wuuti ɛntuntuung ɛbhɛ wo, ne cwaak ɛdɛ ɛkɔn na ne ɛ so te ɛgbaang ne ɛwarang ne ɛbhɛ re igboo ndɔ ɛling. iHop idaan ndɔ ne iphɛ itwat ɛling nga ne hyereey iphɛ teye neyi.

Nikɔn ne kɛ Phaal 8:9

iHop idaan ndɔ ne iphɛ itat ndɔ nikɔn niken ɛling nga ne kus, ihop idaan ndɔ ne iphɛ itwat nigyirigyi inɛn na ne bees se.

Nikɔn ne kɛ Phaal 9:10

iHywɛ kaa ne bok ihel, ihywɛ ne i tabha tɛ nitapoo. iHwet ne ta ɛnyi gha ɛlɔ yɛ rɔ iphɛl iwii de kaa ne so ne ihel de.

Nikɔn ne kɛ Phaal 9:19

iHwet ne ᐩinantse da kaa so ɛnu ne ihywɛ gbik ne ihel lɛ. iHel ne ihywɛ de kaa so te ᐩizɔ, ihel lɛ bok itso, ihywɛ kaa ne ji mɔn ɛtomɛ ne itso ne ihel de ihywɛ phok ninyi na ikpom.