Nikɔn ne kɛ Phaal 12:17 - ɛWee ne ìTsɛm iHywas

¹⁷ ɛGbaang ne izɔ wo ne te njenjek ne ɛkuk ka, ne ɛ ji phɛ ɛ yaa bhɛ ta itsom ne ɛbyin ne ihywee ɛkuk ge, nɛ ninaa nɛ nibhɛ roos ikpii ɛTaanggbey da nɛ ninaa nɛ nibhɛ kɛ kyinak gɛy ndɔ ne ishɛɛda de nɛ nibhɛ kɛ nang ne ibol ɛYɛso de.

Nikɔn ne kɛ Phaal 12:17 ပူးပေါင်းရင်းမြစ်များ

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

ɛYohana 8:44

Ɛ so ɛn ninaa ɛkyɛɛ mon ɛShɛtan, ɛɛ sim ɛn te ɛ sɛɛ roos ɛn ɛkɔn na ne ɛkyɛɛ mon na sim. Ne le ne itsa yɛ ɛ kaa ku so ɛhaa ne phobho ninyi ne ɛ sang bok itin nɛ, daa ɛli ne hame itin de so ndɔ ɛbhɛ. I sɛ ɛ kɛ hyɛ irywɛɛk ga, kaa so ɛɛ ku bol ɛkɔn na ne ɛbhɛ yɛ ɛ ku so, daa ɛli ne ɛ ku so ɛhaa ne irywɛɛk ka, ne ɛ ta so ɛkyɛɛ ninaa ne irywɛɛk ka.

1 iKɔrɔntos 2:1

Nigwaa en, ɛli ne nggaa yɛɛs ɛlɔ mon na, sɔng nggaa ne bol ne nyinɛn ndɔ ne yɛɛ ne ivol gbik ne ntsɛntsɛng ɛten ɛsii ɛli ngga tɔng nyini ibol ɛTaanggbey de ne kaa rɛɛ wo nang.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

1 ɛYohana 2:3

Wu njwɛɛn kɛ ne roos ikpii ɛTaanggbey da, iphɛ kɛ ne tɔɔrek njwɛɛn wu njwɛɛn i yɛɛ ɛbhɛ wɛlɛng ito irway.

1 ɛYohana 5:10

Gbik ɛnyi gha ne ɛ kɛ nang ne itin nɛ ne ɛNgɔn ɛTaanggbey ya, ne ɛ bok ishɛɛda yɛdee wo ndɔ ne irway ɛbhɛ. Gbik ɛnyi gha ne ɛ kɛ ne sang nang ne itin nɛ ɛTaanggbey ya, ɛ kɛ ne bo ɛTaanggbey yegha ɛ so ɛhaa ne irywɛɛk. Daa ɛli ne ɛ kɛ sang nang ne itin nɛ ne ishɛɛda ɛTaanggbey de ne ɛ kɛ nang daa ɛNgɔn ɛbhɛ gha.

1 ɛYohana 5:2

ɛLɛ ne njwɛɛn yaa seng wu njwɛɛn i sim ninɔn ɛTaanggbey ya: njwɛɛn yaa seng ɛlɛ wo wu njwɛɛn i sim ɛTaanggbey yegha i roos ikpii ɛbhɛ da.

Nikɔn ne kɛ Phaal 1:2

ɛYohana gha kɛ ne nang ishɛɛda nikɔn na ne ɛ kɛ yaang ngo gbik, ne ibol ɛTaanggbey ɛ ta nang ishɛɛda ne itin de ne ɛYɛso ɛKiriti gha kɛ phaal ɛbhɛ nɛ wo.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 11:7

Sɛ́ ne sɛ ninyi ifaa yɛnaa nggyɛ wo kɛ taal tɔng ibol ɛTaanggbey de, inyam igywebhe de ne ihywɛ wuusi ndɔ ne ibong kyukyum be ne tum irywen nɛ nibhɛ, ihywɛ ne re nibhɛ ne itsom be, ihywɛ phobho nibhɛ.

Nikɔn ne kɛ Phaal 12:16

iVel ne phyik ɛkuk ka. iFɛ ku shii bala ɛnu ifɛ wɔl ɛyuus inɛn na ne ɛ kɛ wuru ɛnu ne izɔ gha.

Nikɔn ne kɛ Phaal 13:7

Kɛ nang ihywɛ ihwet ne ta itsom nɛ ninyi ɛTaanggbey ya te ihywɛ re nibhɛ. Kɛ ne ta nang ihywɛ igbɔm daa ne icwaang ɛzay, ne ihywee ɛzay de, ne ilwem ɛzay da gbik ne igbagha ɛzay yo.

Nikɔn ne kɛ Phaal 14:12

iBol lɛdee wo i sim irop iku ɛlɔ ninyi na ne kɛ tul kang ngo nibhɛ roos ibol ɛTaanggbey de. Ninyi na nɛ nibhɛ so sɛɛ say ibol nibhɛ ndɔ ìnang ne itin nibhɛ de ne ɛYɛso gha.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 17:6

Ne n yaang ɛkuk ka kɛ te ziizii nɛ neyi ninyi ɛTaanggbey ne kɛ tul kang gbik nɛ ninyi na ne kɛ phobho lenɛ ne ishɛɛda nibhɛ daa ɛYɛso. Ne sɛ nggɛ yaang ɛbhɛ wo ne n wum me zii.

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 19:19

Ne n ji yaang inyam igywebhe de nɛ nigɔm ɛzay ya gbik nɛ nisooja nibhɛ, nibhɛ kɛ tumɛ en ɛlɔ ɛdaan tɛ nibhɛ ta itsom ne ɛnyi gha ne ɛ so daa ne ɛrɔghɔ wo nɛ nisooja ɛbhɛ.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

Nikɔn ne kɛ Phaal 6:9

Ne sɛ ɛNgɔn ne Pharak ka kɛ bala icwɛɛm ne iwii yɛ, ne n yaang ikpen ninyi da ne kaa phobho nibhɛ daa ɛli nɛ nibhɛ kɛ tɔng ibol ɛTaanggbey de, nibhɛ ta nang ishɛɛda yɛwo, so ndɔ ɛta ɛraa ne hap itsanga.