Nikɔn ne kɛ Phaal 12:12 - ɛWee ne ìTsɛm iHywas

¹² iPhɛ ɛlɛy, igyɛ ne irywa nɛ ninaa ɛdak kɛ gbik ne ɛ yɛk ɛn irway ihwala! iGyɛ ne ɛzay yo ne ɛling nga, ɛ so ɛn ɛKɔn ne ɛnik! Daa ɛli ne ɛPhoo yɛghaa wo kɛ tɔm ndɔ ɛlɔ mon na ne njenjek gbom, daa ɛli ne ɛ ku yɛɛ nten ɛbhɛ de kɛ mak ncɛt.”

Nikɔn ne kɛ Phaal 12:12 ပူးပေါင်းရင်းမြစ်များ

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”

Nikɔn ne kɛ Phaal 18:20

Yɛk ɛn irway ihwala daa ɛbhɛ, nyinɛn ninyi ɛdaa ne irywa! Yɛk ɛn irway ihwala daa ɛbhɛ nyinɛn ne kɛ tul nyini kang, nɛ ninɔn ne tom, nɛ ninabawa! Daa ɛli ne ɛTaanggbey ya kɛ hyɛ ɛBabila wo ɛshara, daa ɛkɔn na ɛ kɛ mɔn nyini nɛ wo.”

Nikɔn ne kɛ Phaal 10:6

Ne ɛ lɛlɛm ihywa ne irywɛɛk ɛTaanggbey ne ɛ so ɛken ne ishay-ishay, ne ɛbhɛ kɛ ryɔng irywa wo nɛ nikɔn na nɛ nibhɛ sonɛ ɛdak kɛ gbik, ne ɛzay nɛ nikɔn na nɛ nibhɛ sonɛ ne ndɔ yɛ gbik. ɛMalɛka gha ne yɔngɔ: “Sɔng ya ta bese nten dɔng nang!

Nikɔn ne kɛ Phaal 11:10

Ninyi ɛzay ya gbik sɛ ne bok irway ihwala ɛlɔ nɛ ninyi ifaa yɛnaa nggyɛ wo kɛ kus so. Nibhɛ sɛ ne yel isham, nibhɛ naas en ire, daa ɛli nɛ nishɛɛda ifaa yɛnaa nggyɛ wo kɛ baasek ninyi ɛzay ya nggbang gbom.

Nikɔn ne kɛ Phaal 9:12

ɛKɔn ne ɛnik ɛyisɛ gha kɛ phee, ne phok ɛn nidɛng nikɔn ne ɛnik ka ifaa ne ji yaaso ɛtsim ɛhihaa gha.

ɛLuka 15:10

Nzi ne tɔng nyini, ɛlɛy ne iphɛ so, niMalɛka ɛTaanggbey ya yaa ne bok irway ihwala daa ɛhaa ne ɛfɔt ɛdaan ne ɛ kɛ san ɛbɔk ka.”

Nikɔn ne kɛ Phaal 11:14

ɛKɔn ne ɛnik ne ifaa da kɛ phee, iphɛ dee ɛhaa ne itwat tɛ ne yek cɛcɛk.

2 ɛBiturus 3:8

Nigwaa nge ne nzi sim, sɔng nɛ te ɛn bap ne bol lɛdee bɛ nang. Ɛlɔ ɛTaanggbey ya, ɛtuk ɛdaan na so te ishay ɛnom ɛdaan; ishay ɛnom ɛdaan de ne ma so te ɛtuk ɛdaan.

iBirani 10:37

Daa ɛli ne ɛWee ne iBol ɛTaanggbey yo i bo, “Yaa phyɔngɔle ncɛt, ɛhaa ne yaaso gha ne yɛɛs, sɔng aa rɔn nang.

ɛLuka 2:14

“ito-ndiinday so idee ɛTaanggbey ɛdaa ne irywa! Te irway ne laal ne shɛɛ ɛzay ya, ndɔ ninaa ne ɛTaanggbey ya i phok iyɛnɛng nibhɛ de.”

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

Nikɔn ne kɛ Phaal 13:6

iNyam be ne tsa bol ivol ne bɛɛs ɛTaanggbey yegha, ihywɛ bɛɛs irywɛɛk ɛbhɛ, ne ɛlɔ ne shɛɛ ɛbhɛ gbik nɛ ninaa nɛ nibhɛ so daa ne irywa wo.