Nikɔn ne kɛ Phaal 12:10 - ɛWee ne ìTsɛm iHywas

¹⁰ Ne n ji phok ɛgbaang ne izɔlɔs daa ne irywa wo, ihywɛ bo, “Nten nɛdee wo ne iphɔrɔt ɛTaanggbey njwɛɛn da, ne ito ɛbhɛ de ne igbɔm ɛbhɛ, ne ito ɛKiriti ɛbhɛ de kɛ shwaak ghe. Daa ɛli ne kɛ top ɛhaa ne banga ikun na, ikun nigwaa njwɛɛn na ndɔ ɛzay ya. Ɛbhɛ ɛ banga ikun nigwaa njwɛɛn de ɛnu ɛyisɛ ɛTaanggbey njwɛɛn na, ne igbey ne ɛtuk gbik.

Nikɔn ne kɛ Phaal 12:10 ပူးပေါင်းရင်းမြစ်များ

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛMacu 6:10

Te igbɔm mo da yɛɛs ndɔ ɛzay ya, te ne mɔn ɛkɔn na ne ɛ sim ndɔ ɛzay ya ɛli ne ma mɔn daa ne irywa wo.

ɛLuka 11:2

ɛYɛso gha ne yaak nibhɛ, “Yaa sɛ aa boote ɛn ne ɛTaanggbey ya, te nɛ yɔngɔ ɛn, ‘ɛTaa mos daa ne irywa, te nang irywɛɛk mo wo ne ndiinday, te igbɔm mo da yɛɛs ndɔ ɛzay ya.

ɛLuka 22:31

ɛYɛso gha ne yaak ɛSimɔn negha, “ɛSimɔn, ɛSimɔn! Phok me, ɛShɛtan kɛ phom ikɛk, kɛ ne nang ɛbhɛ ne aa bɛm nyini ɛ te nyini zɛzɛk ɛli ne ɛhaa ne ihwap i bɛm ɛlikama ɛbhɛ ɛ tul ishoo yɛ.

1 iKɔrɔntos 5:4

I sɛ ɛ kɛ tum ɛn nyini ndɔ ne irywɛɛk nge wo, icwas nge ne so daa mon, gbik ne ihwet ɛDaray njwɛɛn ɛYɛso.

2 iKɔrɔntos 12:9

Ɛ kɛ ne yaak me, “iZɛɛng nge de kɛ hɔn nɛ nɛ, daa ɛli ne i lenɛ ne itaasek ga ne yaang ndiinday nge.” iPhɛ ɛlɛy naa ne hante ne hal ɛgyɛy ya ndɔ ne itaasek nge da ne irway ihwala te ihwet ne ndiinday ɛKiriti de shɛɛ ndɔ mee.

ɛTitus 2:3

Nɛ ma mɛmɛ nikuk nihelem ma nɛ tɛ nibhɛ shɛɛ ishwɛɛ da ne ifɛ yaa nang ɛTaanggbey ye ne ndiinday, ne ifɛ so kancɛng nɛ nikuk ninaa ne roos sa. Sɔng nibhɛ teye ninaa ne bees ivol nang, sɔng nibhɛ teye nikpuru ne isɔ igbuut nang. Tɛ nibhɛ yang mɛmɛ ninyi na nɛ nikɔn niyɛnɛng.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

Nikɔn ne kɛ Phaal 2:26

Gbik ɛnyi gha ne ɛ kɛ ne re ɛwɛng daa ne itsom mɛdee wo, ɛ mɔn ɛkɔn na ne nzi sim phyii hɔn itaal lɛ nzɛ ne nang ɛbhɛ igbɔm daa ne igbagha ɛzay.

Nikɔn ne kɛ Phaal 7:10

Nibhɛ ne ji kyangkey nibhɛ boote ne ɛgbaang ne izɔlɔs nibhɛ bo, “iPhɔrɔt da le ɛlɔ ɛTaanggbey mos ne ɛ kɛ soos ɛcuruu ne igbɔm, ne ɛNgɔn ne Pharak ka.”