Nikɔn ne kɛ Phaal 12:1 - ɛWee ne ìTsɛm iHywas

¹ Ne yaang nyu ɛdɛ gbaang ɛkɔn ne kparat ta daa ne irywa wo, ɛkuk ne ɛ kɛ cwaal le ne iroy te ɛzene, ifɛl so ne itiita ɛbhɛ, ɛkɔn ne ito ne igbɔm ne ɛ bok niyuyɔrɔ ɛnduwubɔ nɛ nibhɛ ifaa so daa ito ɛbhɛ.

Nikɔn ne kɛ Phaal 12:1 ပူးပေါင်းရင်းမြစ်များ

ɛMacu 12:38

Nidɛng Ninaa ne Kpɛl ɛShara gha nɛ niFarisawa na ne yaak ɛYɛso yegha, “ɛKyɛɛ ne iCwam, njwi sim te njwi sɛɛ yaang nyu ɛkɔn ne kparat ɛlɔ mo.”

ɛMacu 24:30

“Nɛ nten nɛ ne nyu ne yɛɛs ɛNgɔn ɛNyi de ne ji wuru daa ne inɔp. iLwem ɛzay da sɛ ne sirit niyilis daa ɛli nɛ nibhɛ kɛ yaang ɛNgɔn ɛnyi gha yaaso ndɔ ne inɔp ndɔ ne igbom ne ito-ndiinday.

ɛMarakus 13:25

Niyuyɔrɔ na ne hoghɛ ne ivel. iGbaang nikɔn ɛdaa ne irywa da sɛ ne runket, nibhɛ shoome nibhɛ teesek nilɔ na nɛ nibhɛ ku sos nɛ wo.

ɛLuka 21:11

iVel ɛzay ba sɛ ne rungket nilɔ na kang-ka-kang, iyɔm ne ishwa ihywee-ihywee sɛ ne leesel nilɔ na kang-ka-kang ndɔ ɛzay ya. Nyu ne nikɔn ne kparat sɛ ne les daa ne irywa nibhɛ yɛɛset ɛzay ya.”

ɛLuka 21:25

“Sɛ ne yaang nyu nikɔn ne kparat daa ne iroy, ne ifɛl, gbik nɛ niyuyɔrɔ. Ninyi ɛzay ya sɛ tes buruburu daa ɛli ne inɛn niling ngga sɛ yɛk nisan, mpɛ yaa pheese, mpɛ tuul igbugbung.

ɛYohana 3:29

Naa ten nyini ibol lɛdee wo ne idee ne Tom ɛYɛl, ɛyiyaam ne yɛl la ɛbhɛ bok ɛyɛl lo; ɛtaay ɛbhɛ gha ne ɛ kɛ soos ɛlɔ ne tom ɛyɛl lo ɛ ten itoro. Yaa ne sɛ nten de ne ɛnyi ɛbhɛ gha bol lo, ne ɛ bok irway ihwala dak ne izɔlɔs ɛyiyaam ne yɛl de. iRway ihwala yɛdaa nggyɛ wo ne so ivaa nge ɛlyilyɛghaa wo, ifɛ ne so hyɔrɔ.

ɛTomɛ 2:19

Nzɛ ne mɔn nikɔn ne kparat daa ne irywa, ne n tɔɔrek nyu nikɔn ne kparat nɛ nikɔn ne ɛnik ndɔ ne ivel. Sɛ yaang neyi ne igboo gbik ne ɛguu ngkoy.

iRooma 13:14

Te njwɛɛn yang boos ɛDaray ɛYɛso ɛKiriti yegha cɛcɛk ne ibek te ɛtura ne njwɛɛn kɛ yɛk ngɛ, sɔng njwɛɛn sim i roos icwas ne irway njwɛɛn da ne ifɛ aa te njwɛɛn yaa sim ibebhe de nang.

iRooma 3:22

iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

2 iKɔrɔntos 11:2

N bok iphup ne nyinɛn, ihywee ne iphup ne ishwim ne ɛTaanggbey bok ne nyinɛn. Nggɛ ne ku ryɔng ɛKiriti ye nyinɛn te ɛli ne ɛnyi i ryɔng ɛngɔn ɛlyilyap ɛjejep te ɛ nang ɛtɛm ɛbhɛ.

iGalatiya 3:27

Kɛ ne sɛ kɛ yɛk nyini ne ibatisima de, iphɛ ne so te ɛKiriti gha ne ɛ kɛ sɔɔl ɛn nyini te ɛtura ɛphas.

iGalatiya 4:26

Kaa ne i bok ɛhaa ne ifaa yɛ ɛSaratu, sɔng ɛ kaa ne so ɛkpuru nang, ne ɛ so te iYɛrushɛlɛm ɛdaa ne irywa da. Ɛbhɛ so ɛgyinɛ ninaa ne nang ne itin na.

iGalatiya 6:14

Sɛɛ so te me wo, sɔng naa ne hal ɛgyɛy ya nang. Wu naa yung hal ɛgyɛy ya, naa ne hal daa ne bol ne gangat ɛDaray njwɛɛn ɛYɛso ɛKiriti ye, daa ɛli ne ibol ne gangat ɛYɛso yede kɛ te nikɔn ɛzay ya te te ikom ɛlɔ nge gha, nggɛ ne ma te te ikom mɛ ɛlɔ nikɔn ɛzay ya.

iFisus 5:32

iBol lɛdee wo so gying, iphɛ so kyukyum gbom, nggɛ ne bo iphɛ daa ne ibol ne ìtsɛm ne ɛKiriti bok ne idira ninaa ne roos.

Nikɔn ne kɛ Phaal 1:20

ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 12:3

Ne ta yaang ɛdɛ ɛkɔn ne kparat ta daa ne irywa wo; ɛgbaang ne izɔ igywebhe isheng ngɛ. iHywɛ bok itso ɛniitaa, ne igbumɛ ɛnduwubɔ gbik nɛ nikɔn ne ito ne igbɔm ɛniitaa ne itso da.

Nikɔn ne kɛ Phaal 15:1

ɛTsim mɛ ɛlɛy ne n da yaang inyu ɛdɛ ɛgbaang ɛkɔn ne kparat ta daa ne irywa wo dɔng. niMalɛka ɛniitaa nɛ nibhɛ bok nggbang ɛniitaa ivaa ne taal ɛzay, daa ɛli yaa lenɛ nibhɛ wo i shwaak njenjek ɛTaanggbey de.

Nikɔn ne kɛ Phaal 21:14

iWabha ɛgarang ngo kaa bok ikpɛɛ ne itsum ɛnduwubɔ ne ifɛ ifaa. Ne haa irɛɛk ninɔn ne tom ɛnduwubɔ nɛ nibhɛ ifaa ɛNgɔn ne Pharak ge ne itsum ba. ɛWowoo ɛtum ne i bok irywɛɛk ɛngɔn ne tom ɛdaan.

Nikɔn ne kɛ Phaal 21:23

Sɔng ɛgarang ngɛ i tɔk iroy ne ifɛl ne nɛ nibhɛ yaa te ɛbhɛ saa nang, daa ɛli ne ito-ndiinday ɛTaanggbey de iphɛ nang ɛgarang ngɛ iwɛwɛy de, ɛNgɔn ne ɛpharak ka ɛbhɛ soye ɛpitila ɛgarang ngɛ.