Nikɔn ne kɛ Phaal 11:8 - ɛWee ne ìTsɛm iHywas

⁸ Sɛ ne tek ikpom nibhɛ da ne ɛnkiinɛ ɛgbaang ɛgarang ngo ne kaa ma gangat ɛndiinday nibhɛ gha nɛ wo. I ten ɛgbaang ɛgarang ngɛwoo nggyɛ wo ne iSɔdɔm, ne iMasad.

Nikɔn ne kɛ Phaal 11:8 ပူးပေါင်းရင်းမြစ်များ

ɛMacu 10:15

Nzi ne tɔng nyini itin nɛ, sɛ ne san iyɔm ɛgarang ne iSɔdɔm gbik ne iGomora i phyin ɛgarang ngɛghaa nggyɛ wo ɛtuk ɛshara gha.

ɛTomɛ 9:4

Ne ɛ hɔ ne ivel, ne ɛ ji phok izɔlɔs ihywɛ bok ɛbhɛ, “ɛShawulu! ɛShawulu! iKyee iphɛ kɛ te ɛ baasek me nggbang nggaa?”

iBirani 13:12

ɛLɛy ne ɛYɛso gha kaa ne ma bhɛ sɔ nggbang ngga ɛtsim ɛgarang nga, te ɛ te ninyi na iwɛwɛy nɛ neyi ɛbhɛ.

iBirani 6:6

nibhɛ jung kyii nibhɛ tek ìnang ne itin nibhɛ de, sɔng ne tang yɛɛ ne kyii nɛ nibhɛ nibhɛ san ɛbɔk ka nang. iPhɛ so ɛlɛ wo daa ɛli nɛ nibhɛ kyii ta gangat ɛNgɔn ɛTaanggbey yegha dɔng, nibhɛ baasek ɛbhɛ ncwa wɛsɛrɛk.

2 ɛBiturus 2:6

ɛTaanggbey ya kaa phoo ɛgarang ne iSɔdɔm gbik ne iGomora nibhɛ teye ntsong te ɛ tɔɔrek ɛkɔn na ne ɛ sɛ sɛ̀ ninaa nɛ nibhɛ sang tel ɛnik ɛbhɛ wo.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

Nikɔn ne kɛ Phaal 11:13

Nten nɛdee nggyɛ wo, ɛzay ya ne kyangkey ɛ sungket, ihop idaan ndɔ ihop ɛnduwubɔ ɛgarang nga ne bungaay. Ninyi na ninom ɛniitaa ne kus ɛlɔ ne ɛzay ya kɛ kyangkey ɛ sungket to. Ninyi na nɛ nibhɛ kɛ shɛɛ niken na ne yaa kparat, nibhɛ naas ɛTaanggbey ɛdaa ne irywa ye ne ndiinday.

Nikɔn ne kɛ Phaal 11:9

iKpom nibhɛ da sɛ ne shɛɛ nituk itwat ne ngguk, ihywee ɛzay de, itaang ɛzay de, ne ilwem ɛzay da gbik ne igbagha ɛzay yo i wɛɛ ifɛ, nibhɛ ring ne rɛrɛs ifɛ.

Nikɔn ne kɛ Phaal 14:20

Ne pharak ikpam ne ɛnap ba ɛlɔ ne pharak kɛ ne ɛ so ɛtsim ɛgarang. Ne sɛ i pharak ko, neyi ne i wuusi te inɛn ne ihywel ɛyuus sɛ ne tel ɛli ne iphɛ sɛɛ hɔn nihyay ikpɔl icwat (300). iKyukyum mɛ ne hɔn ɛli ne iphɛ sɛɛ dad ɛdet ne inantse.

Nikɔn ne kɛ Phaal 14:8

ɛMalɛka ne ifaa yɛ ne ma kungke ɛ yɔngɔ, “Ɛ kɛ ho! ɛGbaang ɛgarang ne iBabila wo kɛ ho. ɛGarang nga ne ɛ kɛ shɔk ninyi na nibhɛ lel ne nzangas ne sɔ inɛn ɛnap nibhɛ da, inɛn ɛnap ba ne mpɛ yɛɛs ne iku de.”

Nikɔn ne kɛ Phaal 16:19

ɛGbaang ɛgarang ne iBabila wo ne tasat ɛ hobhoset ɛtat. Nigarang ne igbagha na ne bungaay gbik. ɛTaanggbey ya ne taate ne ɛgbaang ɛgarang ne iBabila wo, ne ɛ yɛk ɛbhɛ nɛ ɛ sɔ ɛhyihyangas ne njenjek ɛTaanggbey ya.

Nikɔn ne kɛ Phaal 17:1

ɛDɛng ndɔ ne nimalɛka ɛniitaa na nɛ nibhɛ bok ikpɛɛt ɛniitaa da ne yɛɛs ɛ yaak me, “Yɛɛs te n tɔɔrek kɛ nggbang ngga ne yaa baasek ɛkuk ka ne re shwaa gha, ɛgarang nga ne ɛ bok igbɔm ba daa ne ihel gbarang ge.

Nikɔn ne kɛ Phaal 17:18

“ɛKuk ka ne ˆɛ kɛ yaang ngo ɛbhɛ ɛ soye ɛgbaang ɛgarang ngɛghaa wo ne ɛɛ re igbɔm ba daa nigɔm ɛzay ya.”

Nikɔn ne kɛ Phaal 17:5

Kɛ haa idɛ irywɛɛk ko ne ɛnting ngɛ so gying ne itiri ɛbhɛ de ɛlɛ, “ƐBABILA ƐNDIINDAY, ƐGYINƐ NINAA NE RE SHWAA, ƐGYINƐ NIKƆN NE ISHIS ƐZAY GBIK.”

Nikɔn ne kɛ Phaal 18:10

Nibhɛ sɛ́ ne ta ɛn kyakyak daa ɛli nɛ nibhɛ tel ɛnik kɛ ne yaa yung yɛk nibhɛ ne nggbang ɛbhɛ da, nibhɛ ne yɔngɔ, “ɛKɔn ne ɛnik! ɛKɔn ne ɛnik! Aa, ɛgbaang ɛgarang ne iBabila, ɛgarang ne ɛ bok ihwet gbom, ndɔ ɛwa ɛdaan kɛ shii hyɛ yɛ ɛshara gha!”

Nikɔn ne kɛ Phaal 18:18

Sɛ́ ne sɛ nibhɛ kɛ yaang ngkoy ne igboo da ne ifɛ re ɛbhɛ wo. Nibhɛ sɛ ne ta ikun, nibhɛ yɔngɔ, ‘Sɔng kɛ ku sɛ ɛdɛ ɛgarang nga te ɛgarang ngɛgha wo nang.’

Nikɔn ne kɛ Phaal 18:2

Ne ɛ boote ne ɛgbaang ne izɔlɔs, ɛ yɔngɔ, “Ɛ kɛ ho! ɛGbaang ne iBabila wo kɛ ho! Ɛ kɛ teye ɛlɔ ne shɛɛ niphoo, ne icwak ne ikpabyik ne ishis, ɛlɔ ne ninon ne ishis ne ᐩinyam igywebhe izee ne ishis.

Nikɔn ne kɛ Phaal 18:21

ɛDɛ ɛgbaang ɛmalɛka gha ne bo ɛdɛ ɛgbaang ne kɛɛ wo ne igbom mɛ kɛ hɔn te ɛgbaang ne ikɛɛ ne hɔng nkpana ɛ cwaak ndɔ ɛling. Ne ɛ ji yɔngɔ, “Sɛ́ cwaak ɛgbaang ɛgarang ne ɛBabila wo ndɔ ne ivel ba ne ihwet, ɛlɛ wo. Sɔng ne tang yaang ɛbhɛ nang.

Nikɔn ne kɛ Phaal 18:24

Ndɔ ne ɛBabila wo ne kaa sɛ nɛ neyi ninabawa na, nɛ neyi ninyi na ne kɛ tul kang ngo. Ɛɛy! Gbik neyi ninyi na ne kɛ phobho ndɔ ɛzay ya.”