Nikɔn ne kɛ Phaal 11:3 - ɛWee ne ìTsɛm iHywas

³ Naa ne tom nishɛɛda nge ifaa ndɔ ne itsura ne ishwin. Ne nang nibhɛ ito ne tɔng ninyi na ibol ɛTaanggbey de nituk ɛnom ɛdaan ne ikpɔl ifaa ne nzuwubɔ ɛtaraa (1,260).”

Nikɔn ne kɛ Phaal 11:3 ပူးပေါင်းရင်းမြစ်များ

ɛMacu 11:21

“ɛKɔn ne ɛnik nyinɛn ninaa ɛgarang ne iKɔrazi! ɛKɔn ne ɛnik nyinɛn ninaa ɛgarang ne iBasɛda! Daa ɛli ne sɛɛ yɔng kɛ mɔn ninaa ɛgarang ne iTaya gbik ne iSidɔn ihywee nikɔn ne kparat ta ne kɛ mɔn ndɔ mon no, nibhɛ sɛɛ ne ku sɔsɔɔy itsura ne ishwin, nibhɛ bungaay ne ntsong te iphɛ tɔɔrek wu nibhɛ kɛ san ɛbɔk.

ɛMacu 18:16

Wu ɛ kɛ ne bhɛ shɛɛ tang phok kɛ, ne ɛ bo ɛnyi ɛdaan, hang ifaa yɔɔ ɛ phɛ nɛ, daa ɛli ne ɛWee ne iBol ɛTaanggbey yo i bo, ‘Wu i lenɛ ne ibol ninyi ifaa, hang itwat yɔɔ ne ryɔng ibol de.’

ɛLuka 10:13

Ɛ so ɛn ɛkawɛy, nyinɛn ninyi ɛgarang ne iKɔrazi! ɛKɔn ne ɛnik nyinɛn ninyi ɛgarang ne iBasɛda! Sɛɛ yɔng kɛ mɔn ninaa ɛgarang ne iTaya gbik ne iSidɔn nikɔn ne kparat ta ne kɛ mɔn nyini nɛ wo, nibhɛ saa ne ku sɔsɔɔy ne itsura ne ishwin, nibhɛ bungaay ne ntsong, te iphɛ tɔɔl wu nibhɛ kɛ san ɛbɔk.

ɛLuka 24:48

Nyinɛn ɛ kɛ ne yaang ɛ nikɔn nɛnaa wo ne irwisɛ mon.

ɛYohana 15:27

Nyinɛn no ne mang, ɛ sɛ ne tɔng ɛn ibol nge de daa ɛli ne ɛ ku so ɛn ne mee ne ile ne itsa yɛ.”

ɛYohana 3:27

ɛYohana gha ne kyii nɛ ɛ yɔngɔ, “Sɔng ɛdɛ ɛnyi gha sonɛ, ne ɛ bok ɛkɔn na ne hame ɛTaanggbey ɛbhɛ kɛ nang ɛbhɛ nang.

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛTomɛ 13:31

Ɛ kaa ne bonɛ nituk maa ɛɛ mɔɔng ɛbhɛ wuru ninyi ɛbhɛ na nɛ nibhɛ kaa hyel nɛ nibhɛ nibhɛ le ne iGalili nibhɛ yɛɛs ne iYɛrushɛlɛm be. Nibhɛ bhɛ ne so ninaa ne tɔng ninyi na nikɔn na nɛ nibhɛ kɛ yaang ngo.”

ɛTomɛ 2:32

ɛTaanggbey ya kaa yiisik ɛYɛso yɛghaa wo tsik ndɔ ne ikpuu da, gbik mos so njwi kaa yaang ɛlɛy ɛtsak.

ɛTomɛ 3:15

Ɛ kaa phoo ɛn ɛHaa ne ɛ nang iken, ɛbhɛ ne ɛTaanggbey ya kɛ ne yiisik ɛbhɛ tsik ndɔ ne ikpuu da. Njwi kaa yaang ɛli nɛ nikɔn nɛnaa wo kɛ tes.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

2 iKɔrɔntos 13:1

iYɛɛs sɛdaa wo yaa teme iyɛɛs ne itwat tɛ ɛlɔ mon na. ɛLi ne ɛWee ne iBol ɛTaanggbey yo i bo, “iPhɛ ne so ngbingbing i taal ibol de daa ne ibol nishɛɛda ifaa hang itwat yɔɔ.”

iFisus 4:11

Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 11:2

Sɔng ne ɛ ma ta tɛrɛk ɛsaa ne ideng ngge nang. ɛSaa ne ideng nga ne ɛ so ne izay yo, daa ɛli ne kɛ nang ninyi ne hame nibhɛ yɛɛ ɛTaanggbey ye. Nibhɛ yaa baasek ɛgarang ɛTaanggbey ya ne ɛ kɛ tul kang ngo nggbang iphɛl nzuwubɔ nwaas ne iphɛ ifaa.

Nikɔn ne kɛ Phaal 11:6

Ninyi yɛnaa nggyɛ wo bok ito ne rop irywa inɛn shɛɛ tang reey nten de nɛ nibhɛ tɔng ibol ɛTaanggbey. Nibhɛ bok ito ne hyere inɛn da mpɛ teye neyi, nibhɛ bok ito ne yɛk ngɛ isha hywee-hywee lel ɛzay ya ɛli nɛ nibhɛ i sim.

Nikɔn ne kɛ Phaal 12:6

ɛKuk ka ne ji tel ɛ phɛ ndɔ ɛhay ɛlɔ gha ne ɛTaanggbey ya kɛ ku ryɔng ɛbhɛ nɛ aa bhɛ shɛɛ nɛ i mɛɛ ɛbhɛ nituk ɛnom ɛdaan ne ikpɔl ifaa ne nzuwubɔ ɛtaraa (1,260).

Nikɔn ne kɛ Phaal 13:5

Ne i nang inyam be ɛnu ne bol, ihywɛ ne tɔɔk ito ihywɛ bol ivol ne bɛɛs ɛTaanggbey ye. Ne i ta tek ihywɛ re igbɔm ba iphɛl de nzuwubɔ nwaas ne ifɛ ifaa.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.