Nikɔn ne kɛ Phaal 11:2 - ɛWee ne ìTsɛm iHywas

² Sɔng ne ɛ ma ta tɛrɛk ɛsaa ne ideng ngge nang. ɛSaa ne ideng nga ne ɛ so ne izay yo, daa ɛli ne kɛ nang ninyi ne hame nibhɛ yɛɛ ɛTaanggbey ye. Nibhɛ yaa baasek ɛgarang ɛTaanggbey ya ne ɛ kɛ tul kang ngo nggbang iphɛl nzuwubɔ nwaas ne iphɛ ifaa.

Nikɔn ne kɛ Phaal 11:2 ပူးပေါင်းရင်းမြစ်များ

ɛMacu 27:53

Nibhɛ ne wuusi ndɔ ne ikpuu da, ne ji sɛ ɛtsim mɛ ne ɛYɛso gha kɛ yilitsik ne ikpuu da, nibhɛ ne phɛ ne ɛgarang nga ne ɛTaanggbey ya kɛ tul kang ngo, nibhɛ bhɛ wuusi ninyi na gbom.

ɛMacu 4:5

ɛShɛtan na ne bo ɛYɛso yegha ɛ phɛ ne ɛbhɛ ne iYɛrushɛlɛm, ɛgarang ne kɛ tul kang, ɛbhɛ wara ne ɛYɛso gha dak ɛco ne iDeng nga.

ɛMacu 5:13

“Ɛ so ɛn nyini ngkal ɛzay da, wu ngkal da kɛ ne te ntaghalak ko, yaa ne tang mɔn mpɛ ɛli mpɛ kyii ta teye ngkal daa? Sɔng tang ta mɔn mpɛ ne ɛkɔn nang, yaa lok mpɛ ninyi sɛng ne ita.

ɛLuka 21:24

Sɛ phobho nidɛng ne ihywa, ne kpuusi ɛbyin nɛ nibhɛ bhɛ tes se nikpuru nihak nigarang. Ninyi na ne hame nibhɛ so niYahodawa nibhɛ sɛ ne baasek iYɛrushɛlɛm be nggbang ngga, nten nibhɛ phyii bhɛ hɔn.

iBirani 10:29

iPhɛ sɛ ne ji so ɛlii daa ɛnyi gha ne ɛ kɛ bɛɛs ɛNgɔn ɛTaanggbey yaa? ɛNyi gha ne ɛ kɛ sang bo neyi ne rop ne ìtsɛm ne tul ɛbhɛ kang ngo te ɛkɔn naa? ɛNyi ghe ne ɛ kɛ towos iKabyik ɛTaanggbey dee? iYa ihywee ɛshara ne sɛ ne ji hyɛ ɛbhɛ nɛɛ?

Nikɔn ne kɛ Phaal 11:11

Ne sɛ ɛtsim nituk itwat ta da ne ngguk ge, ifɔng ne le daa ɛlɔ ɛTaanggbey ifɛ lel nibhɛ, nibhɛ ne yiisitsik. ɛNik ne wum ninyi na nɛ nibhɛ kɛ yaang ikpom nishɛɛda ifaa da, nibhɛ ne yaa kparat.

Nikɔn ne kɛ Phaal 11:3

Naa ne tom nishɛɛda nge ifaa ndɔ ne itsura ne ishwin. Ne nang nibhɛ ito ne tɔng ninyi na ibol ɛTaanggbey de nituk ɛnom ɛdaan ne ikpɔl ifaa ne nzuwubɔ ɛtaraa (1,260).”

Nikɔn ne kɛ Phaal 12:6

ɛKuk ka ne ji tel ɛ phɛ ndɔ ɛhay ɛlɔ gha ne ɛTaanggbey ya kɛ ku ryɔng ɛbhɛ nɛ aa bhɛ shɛɛ nɛ i mɛɛ ɛbhɛ nituk ɛnom ɛdaan ne ikpɔl ifaa ne nzuwubɔ ɛtaraa (1,260).

Nikɔn ne kɛ Phaal 21:10

iKabyik ne lel ndɔ mee, ɛmalɛka gha ne bo me ɛ phɛ nɛ ne ɛdɛ ɛwarang ɛndaalang ngo ɛ ji tɔɔrek me ɛGarang nga ne kɛ tul kang ngo, iYɛrushɛlɛm be ɛ le dak ne irywa ɛlɔ ɛTaanggbey ɛ tɔmɔs.

Nikɔn ne kɛ Phaal 21:2

Ne n ji yaang ɛGarang nga ne kɛ Tul Kang ngo, iYɛrushɛlɛm iphas de, ɛ le daa ne irywa wo ɛlɔ ɛTaanggbey ya ɛ tɔmɔs. Kɛ gyura ɛbhɛ te ɛyɛl ne ɛ hyep ɛ̀ras.

Nikɔn ne kɛ Phaal 22:19

Wu ɛdɛ ɛnyi gha kɛ ne tɛ idɛ ibol de ne kɛ haa ndɔ ne ɛwee yɛwoo wo, ɛTaanggbey ya yaa ne tul ihop ɛbhɛ ndɔ ɛHon ne iKen na gbik ne ndɔ ɛgarang nga ne kɛ tul kang ngo, ne kɛ kpɛl ibol lɛ ndɔ ne ɛwee yɛwoo wo.