Nikɔn ne kɛ Phaal 11:18 - ɛWee ne ìTsɛm iHywas

¹⁸ Ninaa ne doo ɛTaanggbey yegha kaa tes njenjek, nten ne njenjek mo de kɛ ne tuu. Nten ne bol ninaa ne ikpuu na ɛshara gha. Nten ne mɔn ninyi iyɛnɛng nikpuru mo ninabawa, ninyi mo ninaa ne tel ɛnik mo, nihala ne igbaang ngɛ gbik. Nten nɛ kɛ tuu ne yaa bunga ninyi na nɛ nibhɛ kaa ma bunga ɛzay ya.”

Nikɔn ne kɛ Phaal 11:18 ပူးပေါင်းရင်းမြစ်များ

ɛMacu 5:12

Taasey ɛn ne irway ihwala, daa ɛli ne ɛ sɛ bhɛ pha ɛn gbom dak ne irywa wo. Ɛlɛy ne kaa ma baasek ninabawa na nggbang ngga nɛ nibhɛ ka so ɛyisɛ mon na.

ɛLuka 1:50

iSan iyɔm ɛTaanggbey de so daa ninaa nɛ nibhɛ naas ɛbhɛ ne ndiinday, lenɛ ne izezee izam, i phɛɛs nɛ ne izezee izam.

iBirani 9:27

Kɛ ku ryɔng ngɛ, ɛnyi gha sɛ ku ɛdaan zɔng, ɛtsim mɛ ɛlɛy ɛ hyep ɛshara ɛTaanggbey.

Nikɔn ne kɛ Phaal 10:7

Ya sɛ nten de ne ɛmalɛka ne ɛniitaa yɛ kɛ wuuti ɛntuntuung ɛbhɛ wo, ɛTaanggbey ya ne ji shwaak nikɔn ne gying ɛbhɛ na ɛli ne ɛ kaa tɔng nikpuru ɛbhɛ ninabawa na.”

Nikɔn ne kɛ Phaal 11:2

Sɔng ne ɛ ma ta tɛrɛk ɛsaa ne ideng ngge nang. ɛSaa ne ideng nga ne ɛ so ne izay yo, daa ɛli ne kɛ nang ninyi ne hame nibhɛ yɛɛ ɛTaanggbey ye. Nibhɛ yaa baasek ɛgarang ɛTaanggbey ya ne ɛ kɛ tul kang ngo nggbang iphɛl nzuwubɔ nwaas ne iphɛ ifaa.

Nikɔn ne kɛ Phaal 13:10

Wu kɛ ku ryɔng ngɛ sɛ́ rop pɛ, sɛ ne rop pɛ wo. Wu kɛ ku ryɔng ngɛ sɛ́ phoo yɛ ne ihywa, sɛ́ ne phoo yɛ ne ihywa de. ɛKɔn nɛghaa wo i tɔk ɛbɔk ndɔ ne rop iku, ne ìnang ne itin ɛlɔ ninyi ɛTaanggbey ya.

Nikɔn ne kɛ Phaal 13:16

iNyam ne ifaa yɛdee wo ne yɛk ngɛ nggbinggbing i yaak ninyi na ne ɛlamba ne iwɔ ne irwye nibhɛ, hang ne itiri yɔɔ. Wu te yaak ninyi na ne ɛlamba gha gbik, kaa ne yaak ngɛ ɛlɛ: ɛnyi ɛndiinday ne ɛshɛɛrɛng ngɛ, ɛnyi ne iryat ne ɛhala yɛ, ɛkpuru ne ɛngɔn ne ijwee.

Nikɔn ne kɛ Phaal 14:10

ɛbhɛ ɛ sɛ́ ne sɔ inɛn ɛnap ne njenjek ɛTaanggbey da. iNɛn ɛnap ba ne kɛ ku ryɔng hyɔrɔ ne ihwet ndɔ ɛhyihyangas ne njenjek ɛTaanggbey ya. Sɛ́ ne baasek ɛbhɛ nggbang ndɔ ne igboo ne isɔlifa ne ifɛ bok ihwet ifɛ phyin igboo ɛtuu, ɛnu ɛyisɛ ne nimalɛka ɛTaanggbey ya ne ɛNgɔn ne Pharak ka.

Nikɔn ne kɛ Phaal 15:1

ɛTsim mɛ ɛlɛy ne n da yaang inyu ɛdɛ ɛgbaang ɛkɔn ne kparat ta daa ne irywa wo dɔng. niMalɛka ɛniitaa nɛ nibhɛ bok nggbang ɛniitaa ivaa ne taal ɛzay, daa ɛli yaa lenɛ nibhɛ wo i shwaak njenjek ɛTaanggbey de.

Nikɔn ne kɛ Phaal 15:7

ɛDɛng ndɔ nikɔn niken inwaas sa ne nang nimalɛka ɛniitaa na ikpɛɛt ne izinariya ɛniitaa ne kɛ yɛk ne njenjek ɛTaanggbey de hyɔrɔ, ɛTaanggbey ne iken ne ishay-ishay.

Nikɔn ne kɛ Phaal 18:6

Te mɔn iBabila de ɛli ne ɛ kɛ mɔn no. Gbik nikɔn na ne ɛ kɛ mon no, te tal ɛbhɛ nɛ ɛte ɛphaa. ɛKɔn na ne ɛ kɛ phuul nyini nɛ wo, phuul ɛn ɛbhɛ ɛhaa ne ɛ phyin ne ihwet ɛte ɛphaa.

Nikɔn ne kɛ Phaal 19:15

iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.

Nikɔn ne kɛ Phaal 19:18

Te ɛ re ɛn ikpom nigɔm, ne ikpom nisooja nɛ nindiinday nibhɛ, ne ivaa inantse nɛ nisaa yɛ. Te ˆɛ re ɛn ikpom ninyi da gbik, ikpom nikpuru ne ivaa ninyi nɛ nibhɛ shɛɛ ishwɛɛ ne ito nibhɛ. iKpom nindiinday ninyi ne ivaa ninɔn.”

Nikɔn ne kɛ Phaal 19:5

iDɛ izɔlɔs de ne le ɛlɔ ɛcuruu ne igbɔm ma ihywɛ yɔngɔ, “Dɛp ɛn ɛTaanggbey njwɛɛn na, nyinɛn nikpuru ɛbhɛ na. Nyinɛn no ne ɛ phok ɛn ɛnik ɛbhɛ wo, nindiinday nɛ ninɔn.”

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.