Nikɔn ne kɛ Phaal 11:15 - ɛWee ne ìTsɛm iHywas

¹⁵ ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

Nikɔn ne kɛ Phaal 11:15 ပူးပေါင်းရင်းမြစ်များ

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛLuka 1:33

Ɛbhɛ sɛ ne teye ɛgɔm ne ijwee ɛYakub pa ishay-ishay. Sɔng igbɔm ɛbhɛ da sɛ ne taal le nang.

ɛLuka 15:10

Nzi ne tɔng nyini, ɛlɛy ne iphɛ so, niMalɛka ɛTaanggbey ya yaa ne bok irway ihwala daa ɛhaa ne ɛfɔt ɛdaan ne ɛ kɛ san ɛbɔk ka.”

ɛLuka 15:6

ɛ yɛɛsey yɛ. Ne ji yel-le nitaay ɛbhɛ gbik nɛ ninaa ɛcɛcɛk ɛbhɛ ɛ yaak nibhɛ, ‘Yɛɛs ɛn ɛ phyik ɛn mɛɛn ne irway ihwala, nggɛ sɛ igyol nge ne ihywɛ kɛ birit!’

ɛTomɛ 4:26

Nigɔm ɛzay ya kɛ ku ryɔng en ɛli nɛ nibhɛ aa ta itsom. Nindiinday nibhɛ na kɛ ne byinki ito nibhɛ bok iphup ne ɛDaray ya gbik ne ɛKiriti gha.’ ”

iBirani 1:8

Daa ɛNgɔn na nang, ɛ kɛ ne yɔngɔ, “iGyɛ ne ɛTaanggbey yo, igbɔm mo da so ivaa ne inat! ɛNtsɛng ne igbɔm mo da, ne ku so icik.

Nikɔn ne kɛ Phaal 10:7

Ya sɛ nten de ne ɛmalɛka ne ɛniitaa yɛ kɛ wuuti ɛntuntuung ɛbhɛ wo, ɛTaanggbey ya ne ji shwaak nikɔn ne gying ɛbhɛ na ɛli ne ɛ kaa tɔng nikpuru ɛbhɛ ninabawa na.”

Nikɔn ne kɛ Phaal 12:10

Ne n ji phok ɛgbaang ne izɔlɔs daa ne irywa wo, ihywɛ bo, “Nten nɛdee wo ne iphɔrɔt ɛTaanggbey njwɛɛn da, ne ito ɛbhɛ de ne igbɔm ɛbhɛ, ne ito ɛKiriti ɛbhɛ de kɛ shwaak ghe. Daa ɛli ne kɛ top ɛhaa ne banga ikun na, ikun nigwaa njwɛɛn na ndɔ ɛzay ya. Ɛbhɛ ɛ banga ikun nigwaa njwɛɛn de ɛnu ɛyisɛ ɛTaanggbey njwɛɛn na, ne igbey ne ɛtuk gbik.

Nikɔn ne kɛ Phaal 15:4

ɛDaray, ɛhay ɛbhɛ yaa sang phok ɛnik mo woo? ɛHay ɛbhɛ aa sang nang ngɛ ne ndiinday ye? iGyɛ zɔng ɛ so kang. iGbagha wo gbik yaa ne yɛɛs, nibhɛ re yɛ ntsong, daa ɛli ne kɛ phaal ɛshara ɛcik mo gha.”

Nikɔn ne kɛ Phaal 16:17

ɛMalɛka ɛniitaa yɛ ne bhɛ sit ɛkɔn na ne ɛ so ne ɛkpɛɛt ɛbhɛ wo ne igbil. ɛDɛ ɛgbaang ne izɔlɔs so ne ji le ɛcuruu ne igbɔm ma ndɔ ne ideng ngge ihywɛ yɔngɔ, “Kɛ taal!”

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 19:1

ɛTsim mɛ ɛlɛy, ne n phok ɛdɛ ɛkɔn na te izok ninyi maa nɛ nibhɛ yaak ne iywel ɛ le daa ne irywa, ɛ bo, “Te dɛp ɛTaanggbey ye! iPhɔrɔt ne ndiinday ne igbɔm so ivaa ɛTaanggbey njwɛɛn da.

Nikɔn ne kɛ Phaal 19:6

ɛTsim mɛ ɛlɛy ne n da phok ɛdɛ ɛkɔn na te izok ninyi maa, te izok ɛyuus inɛn ne ɛ tel, te irywa ne tɛɛ. Ne n phok izɔlɔs sɛ bo, “Dɛp ɛn ɛTaanggbey ye! Daa ɛli ne ɛDaray ɛTaanggbey njwɛɛn na ɛbhɛ ɛ soye ɛHaa ne iTo gbik, ɛbhɛ ɛ soye ɛhaa ne re igbɔm!

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 8:12

ɛMalɛka ne nwaas sɛ ne wuuti ɛntuntuung ɛbhɛ wo, ne hale ihop idaan ndɔ ne ihop itwat ne iroy de. Ne ihop idaan ndɔ ne iphɛ itwat ne ifɛl lo. Ne ihop idaan ndɔ ne iphɛ itwat niyuyɔrɔ na, te ihop idaan ndɔ ne iphɛ itwat nikɔn nɛnaa wo te gbyik. ɛLɛy te ihop idaan ndɔ ne iphɛ itwat ne igbey kɔɔng nge tang tol, ihop idaan ndɔ ne ihop itwat ɛtuk ge ne ma kɔɔng nge tang tɔɔ tol.

Nikɔn ne kɛ Phaal 9:1

ɛMalɛka ne iwii yɛ ne wuuti ɛntuntuung ɛbhɛ wo, ne n yaang ɛyuyɔrɔ le dak ne irywa wo ɛ ho ndɔ ɛzay ya, ne nang ɛbhɛ ɛyaya ne ibong kyukyum be.

Nikɔn ne kɛ Phaal 9:13

ɛMalɛka ne ɛtaraa yɛ ne wuuti ɛntuntuung ɛbhɛ wo, ne n phok ᐩizɔlɔs ihywɛ wuusi ne ibap nwaas ɛraa ne hap itsanga ne kɛ ryɔng izinariya ne ɛ so ɛnu ɛyisɛ ɛTaanggbey ya.