Nikɔn ne kɛ Phaal 11:13 - ɛWee ne ìTsɛm iHywas

¹³ Nten nɛdee nggyɛ wo, ɛzay ya ne kyangkey ɛ sungket, ihop idaan ndɔ ihop ɛnduwubɔ ɛgarang nga ne bungaay. Ninyi na ninom ɛniitaa ne kus ɛlɔ ne ɛzay ya kɛ kyangkey ɛ sungket to. Ninyi na nɛ nibhɛ kɛ shɛɛ niken na ne yaa kparat, nibhɛ naas ɛTaanggbey ɛdaa ne irywa ye ne ndiinday.

Nikɔn ne kɛ Phaal 11:13 ပူးပေါင်းရင်းမြစ်များ

ɛYohana 9:24

niFarisawa na ne kyii ta yel-le ɛnyi gha ne ɛ kaa bok iwil da dɔng nibhɛ yaak ɛbhɛ, “Mɔng itin nɛ te ɛ nang ɛTaanggbey ye ne ndiinday, njwii yɛɛ ɛnyi yɛghaa wo so ɛhaa ne ɛfɔt.”

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

Nikɔn ne kɛ Phaal 11:11

Ne sɛ ɛtsim nituk itwat ta da ne ngguk ge, ifɔng ne le daa ɛlɔ ɛTaanggbey ifɛ lel nibhɛ, nibhɛ ne yiisitsik. ɛNik ne wum ninyi na nɛ nibhɛ kɛ yaang ikpom nishɛɛda ifaa da, nibhɛ ne yaa kparat.

Nikɔn ne kɛ Phaal 11:19

Ne ji phaal ideng ɛTaanggbey de daa ne irywa wo, ne yaang ɛKwaati ne ìtsɛm mo ne ndɔ yɛ. ɛLɔ gha ne yaa tes derep, ɛɛ wunga, ɛɛ tɛɛ, ɛzay ya sungket, igbaang ne nkpaaling ne i hoghɛ.

Nikɔn ne kɛ Phaal 14:7

Ne ɛ boote ne ɛgbaang ne izɔlɔs, ɛ yɔngɔ, “Phok ɛn ɛnik ɛTaanggbey yo, te ɛ nang ɛn ɛbhɛ ne ndiinday, daa ɛli ne nten ne bol ɛshara ɛbhɛ de kɛ tuu. Re ɛn ɛbhɛ ntsong, ɛbhɛ wo ne ɛ kɛ ryɔng irywa wo, ne ɛzay ya, ne ɛling nga, ne irong inɛn da.”

Nikɔn ne kɛ Phaal 15:4

ɛDaray, ɛhay ɛbhɛ yaa sang phok ɛnik mo woo? ɛHay ɛbhɛ aa sang nang ngɛ ne ndiinday ye? iGyɛ zɔng ɛ so kang. iGbagha wo gbik yaa ne yɛɛs, nibhɛ re yɛ ntsong, daa ɛli ne kɛ phaal ɛshara ɛcik mo gha.”

Nikɔn ne kɛ Phaal 19:7

Te njwɛɛn yɛk irway ihwala! Njwɛɛn yɛk izinɛ ne ishwɛ te njwɛɛn nang ɛbhɛ ne ndiinday! Daa ɛli ne nten nɛ kɛ tuu, nten ɛwɛrɛ ɛNgɔn ne ɛpharak ge. ɛYɛl ɛbhɛ wo kɛ ne ku ryɔng nge gbik.

Nikɔn ne kɛ Phaal 3:4

Gbik ne phɛ ɛlɛy, nidɛng ne sonɛ ncɛt ndɔ iSadis de nɛ nibhɛ hyel wɛwɛy, sɔng nibhɛ kɛ kpɔtɔk ghe ne ɛfɔt to nang. Nibhɛ sɛ hyel ne mee ne itsura ihwala ne ibek nibhɛ daa ɛli nɛ nibhɛ kɛ hɔn ɛlɔ yɛ.

Nikɔn ne kɛ Phaal 6:12

Ne sɛ ɛNgɔn ne ɛpharak ka kɛ bala icwɛɛm ɛtaraa yɛ, ne nyɛɛn, n yaang ɛzay ya kɛ rungket gbom, iroy de ne hyereey iphɛ te isii yɛ te iwulu isii, ifɛl lo gbik ne ma hyereey ifɛ te seng ngɛ tɛ neyi.

Nikɔn ne kɛ Phaal 8:5

ɛMalɛka ɛTaanggbey ya ne bo ɛkpɛɛt ne izinariya wo, ɛ bone igboo ndɔ ɛraa ne hap itsanga gha hyɔrɔ. Ɛ ji sangare ifɛ ndɔ ɛzay ya. ɛLɔ yɛ ne yaa wunga, ɛɛ tɛɛ, gburung! Gburung! Ɛɛ tes derep, ivel runket.