Nikɔn ne kɛ Phaal 10:1 - ɛWee ne ìTsɛm iHywas

¹ Ne n da yaang ɛdɛ ɛgbaang ne ɛmalɛka gha ɛ le daa ne irywa ɛ tɔmɔs. Kɛ cwaal ɛbhɛ ndɔ ne inɔp, isheng-iroy so daa ne ito ɛbhɛ. ɛYisɛ ɛbhɛ gha ne so te iroy, ita ɛbhɛ de ne so te ngguk ɛhon ne igboo i re.

Nikɔn ne kɛ Phaal 10:1 ပူးပေါင်းရင်းမြစ်များ

ɛMacu 17:2

ɛNggyɛ wo ibek ɛYɛso de ne hyereey ɛnu ɛyisɛ nibhɛ. ɛYisɛ ɛbhɛ gha te te iroy, itsura ɛbhɛ da ne te ihwala yɛ hyahyak.

Nikɔn ne kɛ Phaal 5:2

Ne n yaang ɛgbaang ɛmalɛka ɛɛ bol ne ɛgbaang ne izɔlɔs, ɛ bo, “ɛHay ɛbhɛ kɛ hɔn aa bala icwɛɛm ne ɛwee ne ihuhu wo, ɛ ta phaal le?”

Nikɔn ne kɛ Phaal 4:3

ɛNyi gha ne ɛ kɛ soos ɛcuruu ne igbɔm ma ne i tol nggyɛnggyɛl te idɛ kpɛɛ ne izel da ne i bok idɛng iyasipa, i yaak idɛng ikaniliya. iSheng-iroy ne ihywɛ i tol te idɛ ikɛɛ de ne i bok iphɛ ɛmirad ne te ɛcuruu ne igbɔm ma gyɔɔ. iKɛɛ yɛdee nggyɛ wo ne so isii yɛ te ihway.

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

ɛTomɛ 26:13

ɛGɔm! ɛLɔ yɛ ne so ɛceree ne igbey ne nzo ne nkiinɛ nzi hyel, ne nggu shii yaang ɛdɛ ɛwɛwɛy yo ne ɛbhɛ phyin ɛwɛwɛy ne iroy, ɛbhɛ le dak ne irywa, ɛbhɛ ne tolte ɛbhɛ te me gyɔɔ nɛ ninaa ne ihywel nge na.

ɛLuka 21:27

Nten nɛdee nggyɛ wo ne sɛ ne ji yaang ɛNgɔn ɛNyi gha yaaso ndɔ ne inɔp, ne igbɔm gbik ne ito-ndiinday gbom.

Nikɔn ne kɛ Phaal 18:1

ɛTsim mɛ ɛlɛy, ne n da yaang ɛdɛ ɛmalɛka gha ɛ le daa ne irywa ɛ yaaso. Ɛ bok igbɔm gbom. iTo-ndiinday ɛmalɛka de ne tolte ɛzay ya gbik.

Nikɔn ne kɛ Phaal 18:21

ɛDɛ ɛgbaang ɛmalɛka gha ne bo ɛdɛ ɛgbaang ne kɛɛ wo ne igbom mɛ kɛ hɔn te ɛgbaang ne ikɛɛ ne hɔng nkpana ɛ cwaak ndɔ ɛling. Ne ɛ ji yɔngɔ, “Sɛ́ cwaak ɛgbaang ɛgarang ne ɛBabila wo ndɔ ne ivel ba ne ihwet, ɛlɛ wo. Sɔng ne tang yaang ɛbhɛ nang.

Nikɔn ne kɛ Phaal 20:1

ɛTsim mɛ ɛlɛy ne n yaang ɛmalɛka ɛ le daa ne irywa ɛ tɔmɔs, ɛ bok ɛyaya ne ibong kyukyum be ne ɛgbaang ne nyang ne iwɔ ɛbhɛ.