Nikɔn ne kɛ Phaal 1:9 - ɛWee ne ìTsɛm iHywas

⁹ Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 1:9 ပူးပေါင်းရင်းမြစ်များ

ɛMacu 20:23

ɛYɛso gha ne yaak nibhɛ, “Ɛ sɛ sɔ ɛn ɛhyihyangas nge gha ɛtsak, daa ne ibol ne soos ne iwɔ ne irwye nge de ne iwɔ ne itsan nge wo, sɔng me nzi ne yɛk ngɛ nang. Nilɔ yɛnaa nggyɛ wo so nilɔ ninaa ne ɛKyɛɛ nge gha kɛ ku ryɔng nibhɛ nɛ.”

ɛMarakus 10:39

Nibhɛ ne kyii ɛYɛso yegha nɛ nibhɛ yɔngɔ, “Ɛɛy njwi yaa yɛɛ nɛ.” ɛYɛso gha ne kyii nibhɛ nɛ ɛ yɔngɔ, “ˆƐ sɛ sɔ ɛn ndɔ ɛhyihyangas sa ne naa sɔ nɛ wo. Sɛ ne ma ta yɛk nyini ne ihywee ne ibatisima de ne yaa yɛk me nɛ wo.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

iRooma 8:25

Wu njwɛɛn kɛ yɛk ne irway da daa ɛkɔn na ne sang yaang ɛbhɛ, njwɛɛn ne i bo ɛbɔk i hyep ɛbhɛ.

2 iKɔrɔntos 1:7

Sɔng njwii to irway ne nyinɛn nang, daa ɛli ne njwii yɛɛ ihywee ne nggbang mos da ne ɛ sɔ ɛn, ɛlɛy ne aa ne ma sɛ ɛn ihywee ne iwɔrɔp ba ne kɛ wɔrɔp njwii nɛ wo.

iFilibi 1:7

Gbik mon no ˆɛ so ɛn ne irway nge. iPhɛ kɛ ne jam mɛ nzi tas nɛ nyinɛn ɛlɛ wo, daa ɛli ne ˆɛ kɛ byinki ɛn ito ne mee ndɔ ne izɛɛng ɛTaanggbey de nten de ne kɛ gangke me ndɔ ne ijwee ne inyang ngo, ˆɛ phyik ɛn mɛɛn nten de ne nggɛ kyinak ne ihwet daa ne itin ne iBol iYɛnɛng ngge ɛnu ɛyisɛ ninaa nɛ nibhɛ mbaray yo.

iFilibi 4:14

Gbik ne phɛ ɛlɛy, iphɛ kɛ ne jam mɛ ne ˆɛ kɛ phyik ɛn mɛɛn nten de ne ngga so ndɔ ne nggbang ngga.

2 iTasɔlɔnika 3:5

Te ɛDaray ya yɛk ngɛ te irway mon da seng ishwim ɛTaanggbey da ne irop iku de ne ɛ le ɛlɔ ɛKiriti gha.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

iBirani 10:36

iPhɛ so nggbinggbing ɛ bo ɛn ɛbɔk te ɛ mɔn ɛn ɛkɔn na ne ɛTaanggbey ya sim, te ɛ sɛ ne say ɛn ɛkɔn na ne kaa ku sim-mɛ wo.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

Nikɔn ne kɛ Phaal 1:2

ɛYohana gha kɛ ne nang ishɛɛda nikɔn na ne ɛ kɛ yaang ngo gbik, ne ibol ɛTaanggbey ɛ ta nang ishɛɛda ne itin de ne ɛYɛso ɛKiriti gha kɛ phaal ɛbhɛ nɛ wo.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 1:6

Ɛ kɛ te njwɛɛn njwɛɛn teye ninaa ne re igbɔm, nɛ nibo ninaa ne mɔn ɛtomɛ ɛTaanggbey ne ɛbhɛ ɛ soye ɛKyɛɛ ɛbhɛ. iPhɛ ɛlɛy, te ne yɔng ɛYɛso ɛKiriti gha bok ndiinday ne igbɔm ne ishay-ishay. Ɛɛy.

Nikɔn ne kɛ Phaal 11:7

Sɛ́ ne sɛ ninyi ifaa yɛnaa nggyɛ wo kɛ taal tɔng ibol ɛTaanggbey de, inyam igywebhe de ne ihywɛ wuusi ndɔ ne ibong kyukyum be ne tum irywen nɛ nibhɛ, ihywɛ ne re nibhɛ ne itsom be, ihywɛ phobho nibhɛ.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

Nikɔn ne kɛ Phaal 12:17

ɛGbaang ne izɔ wo ne te njenjek ne ɛkuk ka, ne ɛ ji phɛ ɛ yaa bhɛ ta itsom ne ɛbyin ne ihywee ɛkuk ge, nɛ ninaa nɛ nibhɛ roos ikpii ɛTaanggbey da nɛ ninaa nɛ nibhɛ kɛ kyinak gɛy ndɔ ne ishɛɛda de nɛ nibhɛ kɛ nang ne ibol ɛYɛso de.

Nikɔn ne kɛ Phaal 13:10

Wu kɛ ku ryɔng ngɛ sɛ́ rop pɛ, sɛ ne rop pɛ wo. Wu kɛ ku ryɔng ngɛ sɛ́ phoo yɛ ne ihywa, sɛ́ ne phoo yɛ ne ihywa de. ɛKɔn nɛghaa wo i tɔk ɛbɔk ndɔ ne rop iku, ne ìnang ne itin ɛlɔ ninyi ɛTaanggbey ya.

Nikɔn ne kɛ Phaal 14:12

iBol lɛdee wo i sim irop iku ɛlɔ ninyi na ne kɛ tul kang ngo nibhɛ roos ibol ɛTaanggbey de. Ninyi na nɛ nibhɛ so sɛɛ say ibol nibhɛ ndɔ ìnang ne itin nibhɛ de ne ɛYɛso gha.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 6:9

Ne sɛ ɛNgɔn ne Pharak ka kɛ bala icwɛɛm ne iwii yɛ, ne n yaang ikpen ninyi da ne kaa phobho nibhɛ daa ɛli nɛ nibhɛ kɛ tɔng ibol ɛTaanggbey de, nibhɛ ta nang ishɛɛda yɛwo, so ndɔ ɛta ɛraa ne hap itsanga.

Nikɔn ne kɛ Phaal 7:14

Ne nggyii ɛbhɛ nɛ, n yaak ɛbhɛ, “Ɛndiinday, ɛ yɛɛ.” Ne ɛ ji yɔngɔ, “Ninyi yɛnaa wo nibhɛ bhɛ kɛ wuru ndɔ ne ɛgbaang ne nggbang ngo. Nibhɛ kɛ ne kuus itsura nibhɛ da nɛ neyi ɛNgɔn ne pharak ka, neyi na kɛ ne ji te ifɛ ifɛ te ihwala da.”