Nikɔn ne kɛ Phaal 1:5 - ɛWee ne ìTsɛm iHywas

⁵ Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 1:5 ပူးပေါင်းရင်းမြစ်များ

ɛMacu 20:28

ɛLɛy ne ɛNgɔn ɛNyi gha ne mang, sɔng ɛ kɛ yɛɛs tɛ ninyi na mɔn ɛbhɛ nitomɛ nang, ɛ kɛ yang yɛɛs te ɛ mɔn ninyi na nitomɛ na, ɛ phyii nang iken ɛbhɛ ɛ phɔt nɛ ninyi gbom.”

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛYohana 13:1

ɛTuk kɛ kaa ne mak ɛdaan ne yaa tsa iDira ne Tes iDee de Tsak ko. ɛYɛso gha ne i yɛɛ wu nten nɛ kɛ tuu ne aa tek ɛzay yɛghaa wo ɛ kyii ɛlɔ ɛKyɛɛ gha. Ɛ kaa ne ku i sim ninyi ɛbhɛ na nɛ nibhɛ kaa so ne ɛbhɛ ndɔ ɛzay ya, ne ɛ kaa tɔɔrek nibhɛ ishwim bhɛ hɔn ɛgak kɛ.

ɛYohana 13:34

“Naa nang nyini ikpii ifas: Sim ɛn nyini. ɛLi ne nggɛ sim nyini wo ɛlɛy ne iphɛ ne so nggbinggbing ɛ sim ɛn nyini.

ɛYohana 15:9

“Ɛli ne ɛkyɛɛ gha kɛ sim me wo, ɛlɛy ne nggɛ ne sim nyini. Ne ɛ shɛɛ ɛn ndɔ ishwim nge da.

ɛYohana 18:37

ɛBilatus sa ne phom ɛbhɛ ɛ yɔngɔ, “Ɛ soyɛ ɛgɔm me?” ɛYɛso gha ne kyii nɛ ɛ yɔngɔ, “Ɛ kɛ mɔng cik ne ɛ bo wu nzo ɛgɔm ma. iBol lɛ iphɛ kɛ te i yɛk me, ibol lɛ iphɛ phɛ kɛ ne ta te n yɛɛs ndɔ ɛzay ya; te n tɔng itin nɛ, gbik ɛnyi gha ne ɛ so ɛhaa ne itin na, aa ne phok me.”

ɛYohana 3:11

Nzi tɔng ngɛ itin nɛ, njwìi bol ɛkɔn negha ne njwi yɛɛ, njwii ne ta tɔng ninyi ɛkɔn na njwi kɛ yaang, gbik ne iphɛ ɛlɛy sɔng ɛnyi kɛ ne say ibol mos de nang.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

ɛYohana 3:32

Ɛɛ tɔng nikɔn na ne ɛ kɛ ku yaang gbik nɛ ninaa ne ɛ kɛ ku phok, gbik ne iphɛ ɛlɛy sɔng ninyi na kɛ ne say ibol ɛbhɛ de nang.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛTomɛ 26:23

Wu iphɛ so nggbinggbing ɛKiriti gha sɛ sɔ nggbang. Wu ɛbhɛ sɛ ne so ɛhaa ɛyisɛ yɛ ne ɛ sɛ yilitsik ndɔ ne ikpuu da. ɛLɔ ne ikpom i shɛɛ nɛ wo, ne lenɛ ɛlɛ wo i yɛɛs niYahodawa na nɛ ninaa ne hame nibhɛ so niYahodawa na ne iwɛwɛy gbik.”

iRooma 3:25

ɛTaanggbey ya kɛ tom ɛYɛso yegha te igyol ne hap itsanga, te ne ji lenɛ nɛ neyi ɛbhɛ te han ninyi na ne ɛfɔt nibhɛ wo lenɛ nɛ nibhɛ kɛ nang ne itin nɛ ne ɛbhɛ. ɛTaanggbey ya kɛ mɔn ɛlɛ wo te ɛ tɔɔrek wu ɛ so cik, daa ɛli ne ile de ɛTaanggbey ya kaa bok ɛbɔk daa ne ɛfɔt ninyi wo, sɔng ɛ kaa wɛɛ ibol lɛ nang.

iRooma 8:37

Kwa! Ndɔ nikɔn nɛ na wo gbik, njwɛɛn ma yung phyin ɛli ne yaa yaak njwɛɛn irom lenɛ ne ɛnyi gha ne ɛ sim njwɛɛn!

1 iKɔrɔntos 6:11

ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iFisus 2:4

Gbik ne iphɛ ɛlɛy, ɛTaanggbey ya ne soye ɛhaa ne san iyɔm gbom, ishwim ɛbhɛ da daa njwɛɛn no ne so gbogbom.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iKɔlɔsi 1:18

ɛKiriti gha ɛbhɛ so ito ne idira ninaa ne roos de, nibhɛ ne soye ibek ɛbhɛ. Ɛbhɛ so ɛyisɛ yɛ, ɛbhɛ ne ɛ ta so ɛyisɛ yɛ ndɔ ninaa ne yilitsik ne ikpuu da, te ɛbhɛ teye ɛyisɛ ndɔ nikɔn na gbik.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

1 ɛTimɔti 6:15

ɛTaanggbey ya sɛ yɛk ngɛ ɛkɔn nɛghaa wo te nten de ne ɛ yaang iphɛ kɛ jam mɛ. ɛTaanggbey ya ɛbhɛ soye ɛHaa ne yaa dɛp ɛbhɛ, ɛbhɛ zɔng ɛbhɛ soye ɛhaa ne re igbɔm, ɛ soye ɛGɔm Nigɔm ne ɛDaray Nidaray,

iBirani 10:29

iPhɛ sɛ ne ji so ɛlii daa ɛnyi gha ne ɛ kɛ bɛɛs ɛNgɔn ɛTaanggbey yaa? ɛNyi gha ne ɛ kɛ sang bo neyi ne rop ne ìtsɛm ne tul ɛbhɛ kang ngo te ɛkɔn naa? ɛNyi ghe ne ɛ kɛ towos iKabyik ɛTaanggbey dee? iYa ihywee ɛshara ne sɛ ne ji hyɛ ɛbhɛ nɛɛ?

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

1 ɛBiturus 1:19

Kɛ yang say nyini nɛ neyi ɛYɛso ɛKiriti na nɛ nibhɛ ku phyin ne ndiinday gbik. ɛYɛso ɛKiriti gha ne so te ɛngɔn ne pharak ne hap itsanga, byirik, wɛlɛng ɛkɔn ne tok.

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.

1 ɛYohana 4:10

iShwim ne itin da ne so ɛlɛ: sɔng njwɛɛn kɛ sim ɛTaanggbey yegha nang. Kwa! ɛTaanggbey ya ɛbhɛ kɛ yang sim njwɛɛn, ɛ tom ne ɛNgɔn ɛbhɛ gha, te ɛ teye ihap itsanga ne hana njwɛɛn ne ɛfɔt njwɛɛn no.

Nikɔn ne kɛ Phaal 11:15

ɛMalɛka ɛniitaa yɛ ne wuuti ɛntuntuung ɛbhɛ wo, ne n phok idɛ ᐩizɔlɔs nziinzay ihywɛ le daa ne irywa ihywɛ bo, “iGbɔm ɛzay da gbik kɛ teye ivaa ɛDaray mos ne ivaa ɛKiriti ɛbhɛ, ɛbhɛ ne ɛ so ɛhaa ne re igbɔm ne ishay-ishay!”

Nikɔn ne kɛ Phaal 11:3

Naa ne tom nishɛɛda nge ifaa ndɔ ne itsura ne ishwin. Ne nang nibhɛ ito ne tɔng ninyi na ibol ɛTaanggbey de nituk ɛnom ɛdaan ne ikpɔl ifaa ne nzuwubɔ ɛtaraa (1,260).”

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

Nikɔn ne kɛ Phaal 19:11

Ne n yaang irywa wo phere, ɛrɔghɔ sonɛ. I bok ɛsaa yɛ ɛHaa ne sɛ Kyinak ne iBol ɛbhɛ ne ɛHaa ne iTin. Ɛ ne bol ɛshara ɛbhɛ gha ne itsom ɛbhɛ de cik.

Nikɔn ne kɛ Phaal 19:16

Kɛ haal ne ɛtura ɛbhɛ gbik ne igbap ɛbhɛ irywɛɛk kɛwoo bɛ, “ɛGɔm ngɔm, ɛDaray nidaray.”

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.

Nikɔn ne kɛ Phaal 7:14

Ne nggyii ɛbhɛ nɛ, n yaak ɛbhɛ, “Ɛndiinday, ɛ yɛɛ.” Ne ɛ ji yɔngɔ, “Ninyi yɛnaa wo nibhɛ bhɛ kɛ wuru ndɔ ne ɛgbaang ne nggbang ngo. Nibhɛ kɛ ne kuus itsura nibhɛ da nɛ neyi ɛNgɔn ne pharak ka, neyi na kɛ ne ji te ifɛ ifɛ te ihwala da.”