Nikɔn ne kɛ Phaal 1:2 - ɛWee ne ìTsɛm iHywas

² ɛYohana gha kɛ ne nang ishɛɛda nikɔn na ne ɛ kɛ yaang ngo gbik, ne ibol ɛTaanggbey ɛ ta nang ishɛɛda ne itin de ne ɛYɛso ɛKiriti gha kɛ phaal ɛbhɛ nɛ wo.

Nikɔn ne kɛ Phaal 1:2 ပူးပေါင်းရင်းမြစ်များ

ɛYohana 1:32

ɛYohana gha ne ji boote daa ɛkɔn na ne ɛ kɛ yaang ngo ɛ yɔngɔ, “Nggɛ yaang iKabyik le daa ne irywa te ihywihywaa iphɛ tɔm daa ɛbhɛ iphɛ shɛɛ nɛ.

ɛYohana 12:17

Ninyi na nɛ nibhɛ kaa sonɛ nten de ne ɛYɛso gha kaa yel-le ɛLaazaru yegha ndɔ ne ikpuu ba ɛ seme wo ne tɔng igbagha ɛkɔn na ne ɛYɛso gha kɛ mɔn.

ɛYohana 19:35

ɛNyi gha ne ɛ kɛ yaang ɛli nɛ nikɔn nɛnaa kɛ tes so, ɛbhɛ kɛ tɔng ibol lɛ, ibol ɛbhɛ de ne ɛ kɛ tɔng ngo ne soye itin nɛ. Ɛ yɛɛ wu itin nɛ ne ɛ kɛ tɔng, ɛ kɛ tɔng ngo te ɛ nang ɛn ne itin nɛ.

ɛYohana 21:24

ɛNgɔn ne icwam mɛghaa wo ɛbhɛ kɛ ne tɔng ibol nikɔn nɛdee wo, ɛbhɛ ta haa. Njwɛɛn ne yɛɛ wu ibol lɛdee wo ne i tɔng ngo iphɛ so itin nɛ.

ɛYohana 3:11

Nzi tɔng ngɛ itin nɛ, njwìi bol ɛkɔn negha ne njwi yɛɛ, njwii ne ta tɔng ninyi ɛkɔn na njwi kɛ yaang, gbik ne iphɛ ɛlɛy sɔng ɛnyi kɛ ne say ibol mos de nang.

ɛTomɛ 22:15

Daa ɛli ne aa bhɛ tɔng ninyi na gbik ibol nikɔn de ne ɛ kɛ yaang gbik nɛ ninaa ne ɛ kɛ ta phok.

ɛTomɛ 26:16

Ne ɛ yilitsik ɛ kyinak; nggɛ wuru yɛwo te n yɛk kɛ nɛ ɛ mɔn me ɛtomɛ ɛ ta tɔng ibol nikɔn de ne ɛ kɛ yaang daa mee wo gbik nɛ nikɔn na ne naa tɔɔrek kɛ gɔɔ ɛyisɛ.

ɛTomɛ 4:20

Sɔng njwi yaa yɛɛ ne shɛɛ nggbyak daa ɛkɔn na ne njwi kɛ phok ko, njwi ta yaang ngo nang.”

1 iKɔrɔntos 1:6

iPhɛ kɛ ne tɔɔrek wu ibol ɛKiriti de ne nggɛ tɔng nyini wo kɛ see iling ndɔ mon gbom.

1 iKɔrɔntos 2:1

Nigwaa en, ɛli ne nggaa yɛɛs ɛlɔ mon na, sɔng nggaa ne bol ne nyinɛn ndɔ ne yɛɛ ne ivol gbik ne ntsɛntsɛng ɛten ɛsii ɛli ngga tɔng nyini ibol ɛTaanggbey de ne kaa rɛɛ wo nang.

1 ɛYohana 1:1

Njwii haa nyini ibol ɛYɛso ɛKiriti de ne ɛ soye iBɔrɔk ne iBol de, ne ɛ ku sonɛ ne ile ne tum ɛzay de, iBɔrɔk ne iBol de ne njwi kɛ phok, njwi yaang ne irwisɛ mos njwi ta dat ɛbhɛ ne ibɔ mos de. iBɔrɔk ne iBol de ne iphɛ i nang iken de.

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.

3 ɛYohana 1:12

ɛDɛmɛtiriyus sa ne bok ishɛɛda iyɛnɛng ɛlɔ ninyi na gbik. iTin de ne ito ne iphɛ kɛ ma nang ishɛɛda ɛbhɛ. Njwit to njwii ne ma naas ishɛɛda ɛbhɛ de, ˆɛ ne ma ku yɛɛ ɛn wu ishɛɛda mos de so itin nɛ.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 1:19

iPhɛ ɛlɛy, ne ɛhaa nikɔn na ne ɛ kɛ yaang ngo, nɛ ninaa nɛ nibhɛ sonɛ ɛlyilyɛghaa wo gbik nɛ ninaa nɛ nibhɛ sɛ́ tes gɔɔ ɛnu ɛyisɛ gha.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

Nikɔn ne kɛ Phaal 12:17

ɛGbaang ne izɔ wo ne te njenjek ne ɛkuk ka, ne ɛ ji phɛ ɛ yaa bhɛ ta itsom ne ɛbyin ne ihywee ɛkuk ge, nɛ ninaa nɛ nibhɛ roos ikpii ɛTaanggbey da nɛ ninaa nɛ nibhɛ kɛ kyinak gɛy ndɔ ne ishɛɛda de nɛ nibhɛ kɛ nang ne ibol ɛYɛso de.

Nikɔn ne kɛ Phaal 20:4

ɛTsim mɛ ɛlɛy ne n yaang nicuruu ne igbɔm nɛ ninyi kɛ sooset nɛ, kɛ nang nibhɛ ito ne bol ɛshara. Ne n da yaang ikpen ninyi da ne kaa phobho nibhɛ ɛlɔ ne ishɛɛda de nɛ nibhɛ nang daa ɛYɛso gha, ne bol ɛTaanggbey de. Sɔng nibhɛ kaa re inyam igywebhe de ntsong nang, sɔng nibhɛ ne say ɛlamba ne ihywɛ gha ne icwiri nibhɛ nang, sɔng nibhɛ ne say ne ibɔ nibhɛ nang. Nibhɛ kaa kyi ta shɛɛ niken nibhɛ re igbɔm ne ɛKiriti gha ishay ɛnom ɛdaan.

Nikɔn ne kɛ Phaal 22:21

Te izɛɛng ɛDaray ɛYɛso de shɛɛ nɛ ninyi ɛTaanggbey ya gbik. Ɛɛy.

Nikɔn ne kɛ Phaal 6:9

Ne sɛ ɛNgɔn ne Pharak ka kɛ bala icwɛɛm ne iwii yɛ, ne n yaang ikpen ninyi da ne kaa phobho nibhɛ daa ɛli nɛ nibhɛ kɛ tɔng ibol ɛTaanggbey de, nibhɛ ta nang ishɛɛda yɛwo, so ndɔ ɛta ɛraa ne hap itsanga.