16 Ne ɛ wum niyuyɔrɔ ɛniitaa ne iwɔ irwye ɛbhɛ, ɛwal ninu ifaa ne ɛbhɛ re gbom ne i wuusi ɛnu ɛbhɛ, ɛyisɛ ɛbhɛ gha ne ji tol te iroy ne iphɛ kɛ hɔn ɛceree.
ɛGɔm! ɛLɔ yɛ ne so ɛceree ne igbey ne nzo ne nkiinɛ nzi hyel, ne nggu shii yaang ɛdɛ ɛwɛwɛy yo ne ɛbhɛ phyin ɛwɛwɛy ne iroy, ɛbhɛ le dak ne irywa, ɛbhɛ ne tolte ɛbhɛ te me gyɔɔ nɛ ninaa ne ihywel nge na.
Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.
ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.
Ne n da yaang ɛdɛ ɛgbaang ne ɛmalɛka gha ɛ le daa ne irywa ɛ tɔmɔs. Kɛ cwaal ɛbhɛ ndɔ ne inɔp, isheng-iroy so daa ne ito ɛbhɛ. ɛYisɛ ɛbhɛ gha ne so te iroy, ita ɛbhɛ de ne so te ngguk ɛhon ne igboo i re.
Ne yaang nyu ɛdɛ gbaang ɛkɔn ne kparat ta daa ne irywa wo, ɛkuk ne ɛ kɛ cwaal le ne iroy te ɛzene, ifɛl so ne itiita ɛbhɛ, ɛkɔn ne ito ne igbɔm ne ɛ bok niyuyɔrɔ ɛnduwubɔ nɛ nibhɛ ifaa so daa ito ɛbhɛ.
iHywa ne ihywɛ re gbom ne wuru ɛnu ɛnyi gha. iHywa yɛdee nggyɛ wo ne sɛ ne bo ɛ re igbagha ɛzay yo ne itsom. Ɛ sɛ re igbɔm ba daa nibhɛ ne ɛntsɛng ne igyɔs. Ɛ sɛ ne pharak nibhɛ ne njenjek ɛTaanggbey ne iTo Gbik ɛli ne i pharak ikpam ɛnap ɛlɔ ne pharak kɛ.
Ne ji phobho nisooja nibhɛ na ne ihywa de ne ihywɛ kɛ wuru ɛnu ɛnyi gha ne ɛ kɛ taay ne ɛrɔghɔ wo. Ninon ɛzay ya gbik ne re ikpom mɛ, ɛrɔngɔ re ɛli ne aa yɛɛ nɛ.
“Haa ɛmalɛka ne idira ninaa ne roos ne iFisus nɛ te ɛ yaak nibhɛ,” “iBol lɛdee bɛ ne iphɛ lɛ ɛlɔ ɛnyi gha ne ɛ bok niyuyɔrɔ ɛniitaa na ne iwɔ ne irwye ɛbhɛ wo, ɛnyi gha ne ɛɛ hyel ndɔ ɛceree ne ncwɛng ne izinariya ɛniitaa da ne i tes ne ifitila da shak ko.
Haa ɛmalɛka ne idira ninaa ne roos ne iBirigamu de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok ɛwal ninu ifaa ne ɛbhɛ re gbom mo.
San en ɛbɔk. Wu ɛ kɛ ne tang san ɛn ɛbɔk ka, naa ne yɛɛs dodooy ne n da itsom nɛ ninyi yɛnaa nggyɛ wo ne ivol da ne ifɛ wuusi ɛnu nge gha ifɛ re te ɛwal lo.
Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.