Nikɔn ne kɛ Phaal 1:11 - ɛWee ne ìTsɛm iHywas

¹¹ iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”

Nikɔn ne kɛ Phaal 1:11 ပူးပေါင်းရင်းမြစ်များ

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.

Nikɔn ne kɛ Phaal 3:7

Haa ɛmalɛka ne idira ninaa ne roos ne iFiladafiya na nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ kɛ tul le kang ɛ so ɛhaa ne itin na. ɛNyi gha ne ɛyaaya igbɔm ɛGɔm ɛDoda gha, ne i sɛ ɛ kɛ phaal ɛhak ɛnyi gha sang yɛɛ ne gangke wo, ne sɛ ɛ kɛ gangke wo ɛhak ɛnyi gha sang ta yɛɛ ne phaal lo.

Nikɔn ne kɛ Phaal 2:18

Haa ɛmalɛka ne idira ninaa ne roos ne iTiyatira de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ so ɛNgɔn ɛTaanggbey ya, ne irwisɛ ɛbhɛ da i tol te ilem ne igboo wo, ita ɛbhɛ de ta i tol hyahyak te igyɔs de ne i bok ihywɛ itagula de ne kɛ phan no.

Nikɔn ne kɛ Phaal 2:12

Haa ɛmalɛka ne idira ninaa ne roos ne iBirigamu de nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok ɛwal ninu ifaa ne ɛbhɛ re gbom mo.

Nikɔn ne kɛ Phaal 2:8

Haa ɛmalɛka ne idira ninaa ne roos ne iSimirina de nɛ te ˆɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛbhɛ ɛ so ɛYisɛ yɛ ne ɛTsim mɛ wo, ɛnyi gha ne ɛ kɛ ku ɛ kyii ta so ɛken na.

iFisus 1:1

ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

Nikɔn ne kɛ Phaal 21:5

ɛNyi gha ne ɛ kɛ soos ɛcuruu ne igbɔm ma ne ɛ ji yɔngɔ, “ɛLyilyɛghaa wo nzi ryɔng nikɔn na niphas sɛ gbik!” Ne ɛ ta yaak me, “Haa ɛkɔn nɛghaa wo, daa ɛli ne ibol lɛdee wo so i sɛ kyinak daa ne iphɛ, iphɛ ne ta so itin nɛ.”

Nikɔn ne kɛ Phaal 19:9

ɛMalɛka gha ne yaak me, “Haa ɛbɛ: ‘Ninaa ɛwɛng ngaa nggyɛy ne kɛ mɔng nibhɛ idira ɛwɛrɛ ɛNgɔn ne Pharak ge.’ ” Ne ɛ ta yaak me, “iBol lɛdee wo so ibol ɛTaanggbey, iphɛ ne so itin nɛ.”

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

Nikɔn ne kɛ Phaal 10:4

Ne sɛ irywa wo kɛ tɛrɛ ɛniitaa gha ne n yɔng wu naa haal ibol lɛ, ne n bok idɛ izɔlɔs de ihywɛ le daa ne irywa wo ihywɛ bok me, “Rɛɛ ɛkɔn na ne irywa ne tɛrɛ ɛniitaa gha kɛ boote wo, sɔng ɛ haal nang.”

Nikɔn ne kɛ Phaal 1:19

iPhɛ ɛlɛy, ne ɛhaa nikɔn na ne ɛ kɛ yaang ngo, nɛ ninaa nɛ nibhɛ sonɛ ɛlyilyɛghaa wo gbik nɛ ninaa nɛ nibhɛ sɛ́ tes gɔɔ ɛnu ɛyisɛ gha.

Nikɔn ne kɛ Phaal 1:8

ɛDaray ɛTaanggbey ya bo, “Mee nzo me ɛHaa ɛYisɛ yɛ ne ɛHaa ɛTsim mɛ. Mee nzo ɛTaanggbey ya ne ɛ sonɛ ɛlyilyɛghaa, ɛhaa ne ɛ kaa ku sonɛ, ɛhaa ne ɛ sɛ ta yaaso, ɛHaa ne iGbɔm Gbik.”

1 ɛTimɔti 1:3

Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

Nikɔn ne kɛ Phaal 1:17

Ne sɛ nggɛ yaang ɛbhɛ, ne n ho ne ivel ɛnu ɛyisɛ ɛbhɛ te ikom. Ne ɛ ji bo iwɔ ne irwye ɛbhɛ ɛ dat me nɛ, ne ɛ yaak me, “Sɔng ɛ phok ɛnik ko nang, mee nzo me ɛYisɛ yɛ ne ɛTsim mɛ.”

Nikɔn ne kɛ Phaal 1:2

ɛYohana gha kɛ ne nang ishɛɛda nikɔn na ne ɛ kɛ yaang ngo gbik, ne ibol ɛTaanggbey ɛ ta nang ishɛɛda ne itin de ne ɛYɛso ɛKiriti gha kɛ phaal ɛbhɛ nɛ wo.

1 iKɔrɔntos 16:8

Naa phyɔngɔle ne iFisus de phyii re iDira ne iPɛntakos.

1 iKɔrɔntos 15:32

Wu nggɛ ta itsom be ne inyam ɛhay de ndɔ ɛgarang ne iFisus sa, daa ne icwas ɛten ɛsii, naa ne sɛ ikyee, wu sɛ sang yilitsik ninyi na ne ikpuu daa? “Nɛ njwɛɛn ku i re, ku i sɔ, daa ɛli ne njwɛɛn sɛ kus ne ihwɛlɛ, ɛli nɛ ninyi na i bol lo.”

ɛTomɛ 20:17

ɛBulus sa ne bhɛ shɛɛ ne iMilitus de ɛ tom mɛ bhɛ yel-le ɛbhɛ ninu ne ikɔɔn ninaa ne roos ne iFisus sa.

ɛTomɛ 18:24

ɛDɛ ɛnyi ne iYahudiya gha ne i bok ɛbhɛ ɛPolos, ne ɛ so ɛnyi ne ɛLɛzɛndariya, kaa ne yɛɛs ne iFisus de. ɛPolos sa kaa ne so ɛnyi ne ɛ yɛɛ ne bol byirik, ne ɛ yɛɛ ɛWee ne iBol ɛTaanggbey yo gbom.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

iKɔlɔsi 2:1

Nzi sim te ˆɛ sɛ seng ɛn ihywee ɛtomɛ de ne nzi kyangas me nɛ ɛlɔ mon na, nɛ ninyi ne iLɔdakiya na, gbik nɛ ninyi na ne hame nibhɛ kɛ ku yaang me wo.

Nikɔn ne kɛ Phaal 1:20

ɛDuk Niyuyɔrɔ ɛniitaa na nɛ ɛ yaang ne iwɔ ne irwye nge wo, nɛ ɛduk ne ncwɛng ne izinariya ɛniitaa da ne i tes ne ifitila da shak ko so ɛlɛ: Niyuyɔrɔ ɛniitaa na so nimalɛka ne ijwira ɛniitaa ninaa ne roos sa, ncwɛng ɛniitaa ne ji so ijwɛng ɛniitaa yɛ.

Nikɔn ne kɛ Phaal 2:1

“Haa ɛmalɛka ne idira ninaa ne roos ne iFisus nɛ te ɛ yaak nibhɛ,” “iBol lɛdee bɛ ne iphɛ lɛ ɛlɔ ɛnyi gha ne ɛ bok niyuyɔrɔ ɛniitaa na ne iwɔ ne irwye ɛbhɛ wo, ɛnyi gha ne ɛɛ hyel ndɔ ɛceree ne ncwɛng ne izinariya ɛniitaa da ne i tes ne ifitila da shak ko.

Nikɔn ne kɛ Phaal 2:24

“ɛLyilyɛghaa wo, nzi ne bol ne ɛbyin mon ne ɛ so ɛn ne iTiyatira de, ne ɛ kɛ shɛɛ tang roos ɛn ibol ɛJɛjɛbhɛl de, ɛ mbaray ɛn nyini tang mɛmɛ ɛn ne ibol de nɛ ninaa ne roos ɛbhɛ i yeres ɛbhɛ, ‘ɛDuk ne ivol ɛShɛtan na.’ Nzi ne bok nyini sɔng naa ta hante nyini ne idɛ irighitik ge nang.

Nikɔn ne kɛ Phaal 3:4

Gbik ne phɛ ɛlɛy, nidɛng ne sonɛ ncɛt ndɔ iSadis de nɛ nibhɛ hyel wɛwɛy, sɔng nibhɛ kɛ kpɔtɔk ghe ne ɛfɔt to nang. Nibhɛ sɛ hyel ne mee ne itsura ihwala ne ibek nibhɛ daa ɛli nɛ nibhɛ kɛ hɔn ɛlɔ yɛ.

Nikɔn ne kɛ Phaal 22:10

Ne ɛ ta yaak me; “Sɔng ɛ rɛɛ ivol da ne kɛ tɔng ndɔ ne ɛwee yɛwoo wo nang, daa ɛli ne nten nɛ ne yaa shwaak nikɔn nɛnaa wo yek cɛcɛk.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”