Nikɔn ne kɛ Phaal 1:1 - ɛWee ne ìTsɛm iHywas

¹ ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

Nikɔn ne kɛ Phaal 1:1 ပူးပေါင်းရင်းမြစ်များ

ɛYohana 12:49

Daa ɛli ne sɔng ibol ne ito nge ne nzi bol nang, ɛTaa gha ne ɛ kɛ tom me wo ɛbhɛ kɛ nang me igbɔm ne bol lɛ, ɛ ta tɔng me ɛli ne naa bol.

ɛYohana 15:15

Sɔng naa yeres nyini nikpuru na nang, daa ɛli ne sɔng ɛkpuru i seng ɛduk ɛhaa ne ijwee ɛbhɛ gha nang. Naa yaa yeres nyini nitaay nge daa ɛli ne nggɛ tɔng nyini nikɔn na ne nggɛ phok ɛlɔ ɛKyɛɛ nge gha gbik.

ɛYohana 17:8

Daa ɛli ne nggɛ mɔng nibhɛ ibol de ne ɛ kɛ tɔng me wo nibhɛ kɛ ne say; nibhɛ yɛɛ wu ɛtsak ne daa ɛlɔ mo gha, nibhɛ kɛ ne nang ne itin nɛ wu igyɛ ɛ kɛ tom me.

ɛYohana 3:32

Ɛɛ tɔng nikɔn na ne ɛ kɛ ku yaang gbik nɛ ninaa ne ɛ kɛ ku phok, gbik ne iphɛ ɛlɛy sɔng ninyi na kɛ ne say ibol ɛbhɛ de nang.

ɛYohana 8:26

N bok nikɔn na gbom ne nzɛɛ bol daa ne ito mon de, ninaa ne nzɛɛ bol n phoo nyini nɛ. Nzi ne tɔng ɛzay ya ɛkɔn na ne nggɛ phok ɛlɔ ɛhaa ne ɛ kɛ tom me wo, nibhɛ ne ɛ so itin nɛ.”

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

iFisus 3:3

kaabi ɛTaanggbey ya kɛ phaal me ɛkɔn ɛbhɛ ne ɛ so gying, ɛ tɔɔl me ɛli ne nggɛ ne ma ku haal ncɛt to.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

Nikɔn ne kɛ Phaal 1:19

iPhɛ ɛlɛy, ne ɛhaa nikɔn na ne ɛ kɛ yaang ngo, nɛ ninaa nɛ nibhɛ sonɛ ɛlyilyɛghaa wo gbik nɛ ninaa nɛ nibhɛ sɛ́ tes gɔɔ ɛnu ɛyisɛ gha.

Nikɔn ne kɛ Phaal 1:9

Mee ɛYohana ɛgwaa mon ne ɛtaay mon ndɔ ne sɔ nggbang, ɛtaay mon ndɔ ne igbɔm ɛTaanggbey gbik ne ɛbɔk ne rop iku ne ɛYɛso gha kɛ yel-le njwɛɛn nɛ. Kaa bo me bhɛ hana me ne idɛ ikop inɛn de ne i bok iphɛ iBatamos daa ɛli ne nggɛ tɔng ibol ɛTaanggbey de n da nang ishɛɛda ɛYɛso de.

Nikɔn ne kɛ Phaal 17:1

ɛDɛng ndɔ ne nimalɛka ɛniitaa na nɛ nibhɛ bok ikpɛɛt ɛniitaa da ne yɛɛs ɛ yaak me, “Yɛɛs te n tɔɔrek kɛ nggbang ngga ne yaa baasek ɛkuk ka ne re shwaa gha, ɛgarang nga ne ɛ bok igbɔm ba daa ne ihel gbarang ge.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 19:9

ɛMalɛka gha ne yaak me, “Haa ɛbɛ: ‘Ninaa ɛwɛng ngaa nggyɛy ne kɛ mɔng nibhɛ idira ɛwɛrɛ ɛNgɔn ne Pharak ge.’ ” Ne ɛ ta yaak me, “iBol lɛdee wo so ibol ɛTaanggbey, iphɛ ne so itin nɛ.”

Nikɔn ne kɛ Phaal 21:2

Ne n ji yaang ɛGarang nga ne kɛ Tul Kang ngo, iYɛrushɛlɛm iphas de, ɛ le daa ne irywa wo ɛlɔ ɛTaanggbey ya ɛ tɔmɔs. Kɛ gyura ɛbhɛ te ɛyɛl ne ɛ hyep ɛ̀ras.

Nikɔn ne kɛ Phaal 21:9

ɛDɛng ndɔ nimalɛka ɛniitaa na nɛ nibhɛ bok ikpɛɛt ɛniitaa da ne kɛ yɛk ne nggbang mpɛ ɛniitaa ɛtsim ba hyɔrɔ wo ne yɛɛs ɛ yaak me, “Yɛɛs, naa tɔɔrek kɛ ɛyɛl lo ne ɛbhɛ bhɛ soye ɛkuk ɛNgɔn ne ɛpharak ka.”

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

Nikɔn ne kɛ Phaal 22:6

ɛMalɛka gha ne yaak me, “iVol lɛdee wo so itin nɛ, ifɛ ne so sɛ kyinak daa ne ifɛ. ɛDaray ɛTaanggbey ya ne ɛbhɛ ɛ kɛ nang ninabawa na ikabyik ɛbhɛ de ɛbhɛ kɛ tom ɛmalɛka ɛbhɛ te ɛ tɔɔrek nikpuru ɛbhɛ nikɔn na ne iphɛ so nggbinggbing nibhɛ yaa phyɔngɔle nibhɛ tes.”

Nikɔn ne kɛ Phaal 22:8

Mee ɛYohana, mee nggɛ phok n da yaang nikɔn nɛnaa wo. Kɛ sɛ nggɛ phok n da yaang nikɔn nɛnaa wo gbik, ne n ji ho ne ita ɛmalɛka de ne ɛ kɛ tɔɔsel me nibhɛ wo te n re ɛbhɛ ntsong.

Nikɔn ne kɛ Phaal 22:9

ɛMalɛka ghe ne yaak me; “Sɔng ɛ mɔn ɛlɛ wo nang! Ma nzo ɛkpuru ɛTaanggbey ya te igyɛ wo nɛ nigwaa mo ninabawa na, gbik nɛ ninaa nɛ nibhɛ roos ibol ne ɛwee yɛdee wo. Re ɛTaanggbey ye ntsong ngga!”

Nikɔn ne kɛ Phaal 4:1

Ɛtsim nikɔn nɛnaa wo ne n ji yɛɛn, ne n yaang ɛnu ne izuk phere daa ne irywa. iZɔlɔs de ne nggɛ i phok ihywɛ kɛɛ wungare te ɛntuntuung ngo ɛyisɛ gha ne yaak me, “Wara ɛ yɛɛs daa ɛbɛ, te n tɔɔrek kɛ ɛkɔn na ne iphɛ so nggbinggbing nibhɛ te ɛtsim ne ninaa na.”

Nikɔn ne kɛ Phaal 5:7

ɛNgɔn ne Pharak ka ne yɛɛs ɛ say ɛwee ne ihuhu wo ne ɛbhɛ so ne iwɔ ne irwye ɛhaa ɛcuruu ne igbɔm ma.