ɛFilimɔn 1:7 - ɛWee ne ìTsɛm iHywas

⁷ Ɛgwaa, ishwin mo da kɛ nang me irway ihwala gbom, Ifɛ ne ta te me itsɔngɔl gɛgɛy. Daa ɛli ne ɛ hanas ninyi ɛTaanggbey ya ne ihwet.

ɛFilimɔn 1:7 ပူးပေါင်းရင်းမြစ်များ

2 iKɔrɔntos 7:13

iPhɛ phɛ kɛ te itsɔngɔl mos de kɛ te gɛgɛy yo. Kang ne itsɔngɔl de ne kɛ te njwii nɛ gɛgɛy yo, izenge ɛlɛ njwi ne bok irway ihwala gbom daa ne ihywee ne irway ihwala da ne ɛTitus sa bok ko, daa ɛli ne gbik mon no ɛ kɛ phyik ɛn ne te ɛbhɛ itsɔngɔl de gɛgɛy.

1 iTasɔlɔnika 3:9

iYa ihywee ne irway ihwala ne njwi yaa ne ji tɔɔrek ɛTaanggbey yegha ɛlɔ mon naa? Njwi yaa ne tɔɔrek ɛbhɛ irway ihwala da gbom daa ne irway ihwala da ne njwi bok ɛlɔ mon na.

2 iKɔrɔntos 7:4

Nggɛ cwaak nyini ndɔ ne irway gbom, nzi ne ta hal ɛgyɛy ne nyinɛn. Ɛ kɛ te ɛn mɛɛn itsɔngɔl gɛgɛy. Gbik ne nggbang ngga ne njwɛɛn i sɔ wo, sɔng irway ihwala nge da ne bok ɛgak nang.

ɛFilimɔn 1:20

iPhɛ ɛlɛy ɛgwaa nge ɛFilimɔn, nzi roro ne igyɛ, mɔn me iyɛnɛng ngɛdee wo ndɔ ɛDaray. Te ˆɛ nang me irway ihwala daa ɛli ne nzo ɛgwaa mo ndɔ ɛKiriti gha.

1 iTasɔlɔnika 2:19

iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

2 ɛYohana 1:4

iPhɛ kɛ nang me irway ihwala gbom ne nggɛ yaang nidɛng ninɔn mo na i hyel ndɔ ne itin de, ɛli ne ɛTaa gha kɛ ku yɛk njwɛɛn nɛ wo.

2 ɛTimɔti 1:16

Te ɛTaanggbey ya sit ninaa ne ijwee ɛNisipharus sa ne ɛwɛng. Ɛbhɛ kɛ i phyighis me cɛcɛɛy, sɔng ɛ kɛ ne ta kyii phok ncwa ne inyang ngge ne nzo nɛ wo nang.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iKɔrɔntos 16:18

Nibhɛ kɛ nang me irway ihwala gbik ne nyinɛn no, ihywee ninyi yɛdee nggyɛ wo, iphɛ jam mɛ sɛɛ nang nibhɛ ne ndiinday.