ɛFilimɔn 1:6 - ɛWee ne ìTsɛm iHywas

⁶ Nzi bol ne ɛTaanggbey te ìnang ne itin nɛdaa wo ne iphɛ kɛ byinki njwɛɛn no hantey yɛ, iphɛ nang ngɛ ishweng ikyukyum daa nikɔn na nɛ nibhɛ kɛ jam mo nɛ nibhɛ so ninaa njwɛɛn na ndɔ ɛKiriti gha.

ɛFilimɔn 1:6 ပူးပေါင်းရင်းမြစ်များ

2 ɛBiturus 1:8

Daa ɛli ne wu ɛ bok ɛn nikɔn nɛnaa wo gbom mo, ɛ ta i hɔnɔs ɛn ndɔ nibhɛ, nibhɛ yaa ne te ɛ te ɛn cwacwat ɛ yɛk ɛn ikpam lenɛ ne iyɛɛ ɛDaray njwɛɛn ɛYɛso ɛKiriti yegha.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

ɛYakub 2:17

Ɛlɛy ne ìnang ne itin de ne iphɛ sang tɔɔrek ghe ndɔ nitomɛ na ne so, iphɛ soye ikom mɛ.

ɛYakub 2:14

Nigwaa en, wu ɛdɛ ɛnyi gha kɛ yɔng wu i bok ìnang ne itin de nitomɛ na ne ɛ mɔn no sang kyii tɔɔrek ɛlɛy, iyɛnɛng ngɛ ne so ɛbii? iHywee ne ìnang ne itin nɛdee wo sɛ yɛɛ ne phɔt ɛbhɛ?

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

1 iKɔrɔntos 14:25

Yaa ne phaal nikɔn ne gying ndɔ ne irway ɛbhɛ da, ne lenɛ ɛlɛy aa ne ji te ne irwa-nggburuk ɛ re ɛTaanggbey ye ntsong, ɛ yɔngɔ, “ɛTsak, ɛTaanggbey so ndɔ mon.”

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 3:1

ɛLɛy ne mang, nyinɛn nikuk ko, roos ɛn ibol niras mon de. Daa ɛli ne wu nidɛng niras sa sonɛ nɛ nibhɛ kɛ sang nang ne itin nɛ ne ibol ɛTaanggbey, sɛɛ ne yɛɛ ne lenɛ ne ihywɛɛ nikuk nibhɛ de nɛ nibhɛ kɛ tɔɔrek ko i hɔwɔ nibhɛ ma yung tɔ tang ku mɔng nibhɛ ibol.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

1 iKɔrɔntos 16:9

Daa ɛli ne kɛ phaal me nkpiinɛ nitomɛ na gbom ndɔ ne iFisus de, ninaa ne iphup ne ma jung sonɛ gbom.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

ɛMacu 25:16

ɛKpuru gha ne kɛ nang ɛbhɛ ninom iwii na ne ɛ bo ɛ dat ne iza, ɛ ma sɛ nihak ninom iwii ne ɛdaa ɛco yɛ.