iRooma 9:5 - ɛWee ne ìTsɛm iHywas

⁵ Nibhɛ so ihywee nikyɛɛ-nikyɛɛ niYahodawa na ne i yɛɛ nibhɛ gbom. ɛKiriti gha ne so ihywee nibhɛ ndɔ ne iyɛk ne ibek. Te ne dɛp ɛTaanggbey ye ne ɛbhɛ ɛ bok igbɔm nikɔn na gbik wɛlɛng ɛgak. Ɛɛy.

iRooma 9:5 ပူးပေါင်းရင်းမြစ်များ

iRooma 1:25

Nibhɛ kɛ sunu itin ɛTaanggbey de iphɛ teye irywɛɛk. Nibhɛ ne kyi yaa re nikɔn ne ɛTaanggbey ya kɛ ryɔng ntsong nibhɛ mɔn nibhɛ nitomɛ, nibhɛ ji kyii tek ɛTaanggbey yegha ne ɛbhɛ ɛ kɛ ryɔng nikɔn na, ne ɛbhɛ ɛ so ɛhaa ne ya ku i dɛp ɛbhɛ ishay-ishay. Ɛɛy.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

ɛYohana 10:30

Mee wo ne ɛkyɛɛ gha njwi so nidaan nɛ.”

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iRooma 1:3

iBol iYɛnɛng ngge kaa ne so daa ɛNgɔn ɛbhɛ, ɛhaa ne ndɔ ne ibol ne ibek ɛten ɛsii, i kɛ yɛk ɛbhɛ ndɔ ne icwaang ɛDoda.

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”

2 iKɔrɔntos 11:31

ɛTaanggbey i yɛɛ sɔng irywɛɛk ne nzi tɔng nang. ɛTaanggbey ya ne ɛbhɛ so ɛKyɛɛ ɛDaray ɛYɛso ɛKiriti gha. Te ne dɛp irywɛɛk ɛbhɛ cɛcɛɛy.

iRooma 11:28

Daa ɛli nɛ niYahodawa na gbom kɛ mbaray ibol iyɛnɛng ngge, nibhɛ kɛ ne teye ninaa ne iphup ɛTaanggbey ya, iphɛ kɛ ne yang kyi phyik nyini ne hame ɛ so ɛn nyini niYahodawa na. Daa ɛli ne ɛTaanggbey ya kɛ ne ku kasa nibhɛ wo, nibhɛ kɛ teye nitaay ɛTaanggbey da lenɛ nɛ nikyɛɛ-nikyɛɛ nibhɛ ɛBaraying ne ɛYakub gbik ne ɛShaaku.

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

Nikɔn ne kɛ Phaal 22:20

ɛNyi gha ne ɛ kɛ nang ishɛɛda ne ivol lɛdaa wo i bo; “ɛTsak n yek cɛcɛk ne yɛɛs.” Ɛɛy! Ne ɛ yɛɛs ɛDaray ɛYɛso yɔɔy!

2 ɛTimɔti 2:8

Taate ne ɛYɛso ɛKiriti gha ne kɛ yiisik ɛbhɛ ne ikpuu da. Ɛbhɛ wo ne ɛ le ne icwaang ɛDoda wo ɛli ne kɛ mɛmɛ nɛ ndɔ iBol iYɛnɛng ngge ne nzi tɔng ngo.

1 ɛTimɔti 6:15

ɛTaanggbey ya sɛ yɛk ngɛ ɛkɔn nɛghaa wo te nten de ne ɛ yaang iphɛ kɛ jam mɛ. ɛTaanggbey ya ɛbhɛ soye ɛHaa ne yaa dɛp ɛbhɛ, ɛbhɛ zɔng ɛbhɛ soye ɛhaa ne re igbɔm, ɛ soye ɛGɔm Nigɔm ne ɛDaray Nidaray,

1 iKɔrɔntos 14:16

Wu ɛ kɛ ne tɔɔrek ɛTaanggbey yegha irway ihwala da ndɔ ne ikabyik ge zɔng ngo, ninaa nɛ nibhɛ ne tenes sɛ wo yaa ne yɔng wu “Ɛɛy” yɛ ɛlii, nɛ nibhɛ kɛ sang seng ɛkɔn na ne ɛ bol loo?

ɛMacu 28:20

Te ɛ mɛmɛ ɛn nibhɛ nɛ, tɛ nibhɛ hyep nikɔn na gbik ne nzi bok nyini ɛlɛy yo. Ne n so ne nyinɛn cɛcɛɛy ɛzay ya phyii taal le.”

Nikɔn ne kɛ Phaal 5:14

Nikɔn niken nwaas sa ne kyii nɛ nibhɛ yɔngɔ, “Ɛɛy!” Ninu nikɔɔn na ne ji ho ne ivel nibhɛ re ɛTaanggbey ye ntsong.

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛTomɛ 3:13

ɛTaanggbey ɛBaraying ne ɛShaaku, ne ɛYakub, ɛTaanggbey nikyɛɛ-nikyɛɛ njwɛɛn na kɛ nang ɛkpuru ɛbhɛ ɛYɛso yegha ne ndiinday. ɛYɛso gha ne ɛ kaa nang ɛn ɛbhɛ te i phoo wo. Ɛ kaa ne mbaray ɛn nyini ɛbhɛ ɛnu ɛyisɛ ɛBilatus ɛli ne ɛ kaa jung i sim te aa tek ɛbhɛ ɛ hyel.

iBirani 7:24

Daa ɛli ne ɛYɛso gha bok iken ne inat de, sɔng ɛɛ ne nang ɛhak ɛnyi ɛtomɛ ne ɛbo gha nang.

ɛLuka 20:44

“ɛDoda gha kɛ yel-le ɛKiriti yegha ‘ɛDaray.’ Yaa ne mɔn ɛlii ɛKiriti gha kyii ta so ɛngɔn ɛDoda ghaa?”