iRooma 9:4 - ɛWee ne ìTsɛm iHywas

⁴ Nibhɛ bhɛ so niSɛrɛla. Nibhɛ ne ɛTaanggbey ya kɛ ne bo nibhɛ teye ninɔn ɛbhɛ, ɛ tɔɔrek nibhɛ ndiinday ɛbhɛ, ɛ rop ibol nɛ nibhɛ, ɛ nang nibhɛ iMɛmɛ ɛMuusaa, ɛ tɔɔrek nibhɛ ɛnkiinɛ ne re ntsong ntin, ɛ nang nibhɛ nikɔn na ne ɛ kɛ ku sim-mɛ.

iRooma 9:4 ပူးပေါင်းရင်းမြစ်များ

ɛMacu 21:33

ɛYɛso gha ne yɔngɔ, “Tenes ɛn idɛ ibol ne igɔrɔp be. ɛDɛ ɛnyi gha kaa bok ihwap ɛnap. Ɛ kaa ne gan ifɛ, ɛ tɛm ɛyek ne sɛ pharak ne ikpam ɛnap ba, ɛ ji lɔl ɛlɔ ne yaa wara i shɛɛ nɛ i ta ɛkanang ne ihwap ba. Ɛ ji nang nidɛng ninyi na ihwap ba wu tɛ nibhɛ wɛɛ ɛbhɛ nɛ, ɛ ji hyel ihywel.

ɛYohana 1:17

Kɛ lenɛ ne ɛMuusaa ne nang ɛShara gha; kɛ ne ji lenɛ ne ɛYɛso ɛKiriti gha ne nang izɛɛng ne itin de.

ɛYohana 1:47

Kɛ ne sɛ ɛYɛso gha yaang ɛNatanyɛl legha ɛ hyel ɛ phɛɛs ɛlɔ ɛbhɛ gha, ne ɛ boote daa ne ito ɛNatanyɛl de ɛ yɔng ngo, “Ji so ɛnyi niSɛrɛla ɛririk kɛghaa ɛ yaaso. Sɔng sɛɛ ji ta rip ɛbhɛ ɛdɛ ɛkɔn nang.”

ɛTomɛ 2:39

ɛKɔn ne ɛTaanggbey ya kaa ku sim-mɛ wo kaa so ɛhaa mon, nɛ ninɔn mon, ne gbik ne ɛhiha ɛnyi ne ɛ kaa so kyakyak; kaabi i bo ɛhaa ne ɛDaray ɛTaanggbey nyɛɛn kyi yel-le ɛbhɛ ɛ kɛ teye ɛhaa ɛbhɛ.”

iRooma 3:2

ɛTsak, nikɔn na sonɛ gbom ne ɛnyi niYahodawa gha phyin nɛ wo! niYahodawa na ne ɛTaanggbey ya kɛ tsa ɛ tek nibhɛ ne ibol ɛbhɛ de ndɔ ne iwɔ nibhɛ.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

iRooma 9:6

Sɔng nzi bo ibol ɛTaanggbey de kɛ te buu daa ne ito ninyi ɛbhɛ na nang, daa ɛli ne sɔng gbik ɛnyi gha ne so ihywee niSɛrɛla de ɛ soye ɛnyi ɛTaanggbey ya nang.

2 iKɔrɔntos 11:22

Wu nibhɛ so niBiriniyawa, ne ma nzo me ɛdɛng. Wu nibhɛ so niSɛrɛla, ne ma nzo me ɛdɛng. Wu nibhɛ so icwaang ɛBaraying, ne ma nzo me ɛdɛng.

iGalatiya 3:16

ɛTaanggbey ya kaa sim-mɛ ne ɛBaraying nga ne ɛngɔn ɛbhɛ. Sɔng ɛWee bo “Ninɔn,” ne i bo ninyi gbarang nang. Ɛbhɛ bo icwaang, te so i bo ɛnyi ɛdaan, ɛbhɛ soye ɛKiriti gha.

iFisus 2:12

Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

iBirani 9:1

iBol de ne kaa tsa rop ne ìtsɛm ɛyisɛ de kaa bok ikpii ne re ntsong, gbik ne ipho ne re ntsong ngɛ ne kaa tul kang ndɔ ɛzay yɛghaa wo.

iBirani 9:10

Nikɔn nɛnaa nggyɛ wo kaa so daa ne re ne sɔ gbik ne ikpii ne tes en wɛwɛy ihywee-ihywee. iKpii yɛdaa nggyɛ wo kaa ne so ivaa ne ibek zɔng te ji hyep nten de ne de sɛ yɛɛs ne ishwɛɛ ifas da.

iBirani 9:3

Kaa ne hobhose iduk ne ipho de ne ɛlɛbhɛlɛ, ne ji yaak ɛlɔ ne ifaa yɛ ne ɛ so ɛtsim ɛlɛbhɛlɛ gha ɛLɔ ne kɛ Tul Kang i Shɛs.

iBirani 9:5

Nidɛng nikɔn na ne i bok nibhɛ iChɛrɔbim nɛ nibhɛ tɔɔsel ndiinday ɛTaanggbey kaa ne so daa ɛco ne ɛkwaati gha. Nibhɛ kaa bok ivaat ne ifɛ kɛ ne bɛrɛt ifɛ kyɛngɛ ɛlɔ gha ne i bok ɛbhɛ ɛlɔ ne han ɛfɔt ta. Sɔng nten nɛ kɛ ne ku shii hɔn ne yaa bol ivol nikɔn na gbik ɛlyilyɛghaa wo nang.

iBirani 9:6

ɛLɛ wo ne kaa ryɔng nikɔn nɛnaa wo gbik, nibo ɛTaanggbey ya kaa ne jii leesel ndɔ ne izuk ɛyisɛ ne kɛ tul kang ngo nibhɛ mɔn ɛtomɛ nibhɛ gha cɛcɛɛy.