iRooma 8:9 - ɛWee ne ìTsɛm iHywas

⁹ Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

iRooma 8:9 ပူးပေါင်းရင်းမြစ်များ

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

2 ɛTimɔti 1:14

Boos imɛmɛ ne itin nɛdaa wo ne kɛ tek kɛ nɛ ne iwɔ wo yɛnɛng. Boos iphɛ lenɛ ne iphyik ne iKabyik ɛTaanggbey de ne iphɛ i shɛɛ ndɔ mos so.

1 iKɔrɔntos 6:19

Ɛ doo ɛn te ibek mon de so ideng ne iKabyik ɛTaanggbey de ne iphɛ shɛɛ ndɔ mon no, ne iphɛ le ɛlɔ ɛTaanggbey ya naa? Sɔng nyinɛn ne ɛ bok ɛn ito mon nang ɛTaanggbey ɛbhɛ bok nyini.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iFisus 2:22

Kɛ ne ta lenɛ ne ìtsɛm be ne ˆɛ bok ɛn ne ɛKiriti gha, ne lɔl nyini nɛ ɛbyin ninyi na ˆɛ te ɛn nyini ijwee ne ɛTaanggbey i shɛɛ nɛ lenɛ ne iKabyik ɛbhɛ.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

ɛYohana 3:6

ɛTen ɛsii gha i yɛk ɛten ɛsii, iKabyik ge ne ma yɛk ikabyik.

iFilibi 1:19

daa ɛli ne nzi yɛɛ yaa lenɛ ne ivol da ne ˆɛ bol ɛn ne ɛTaanggbey ya daa me wo, ne iphyik ne iKabyik ɛYɛso ɛKiriti de, ne i tul me ne inyang nge.

1 ɛYohana 4:13

Njwɛɛn i yɛɛ njwɛɛn i shɛɛ ndɔ ɛTaanggbey ya ɛ ma shɛɛ ndɔ njwɛɛn, daa ɛli ne ɛ kɛ nang njwɛɛn iKabyik ɛbhɛ.

ɛLuka 11:13

Wu nyinɛn no, ne ɛ bok ɛn ibebhe de, ɛɛ jung yɛɛ ɛn nikɔn niyɛnɛng nga ne aa nang ɛn ninɔn mon na, ɛKyɛɛ mon ɛdaa ne irywa gha yaa nang ninaa nɛ nibhɛ kɛ phom ɛbhɛ iKabyik ɛTaanggbey de gbom.

1 ɛYohana 4:4

Nyinɛn ninɔn nge ne nzi sim, ˆɛ so ɛn nyini ninɔn ɛTaanggbey. ˆƐ kɛ re ɛn daa ninabawa ne irywɛɛk ka daa ɛli ne iKabyik ɛTaanggbey de ne iphɛ so ndɔ mon no phyin idee ninaa ɛzay de ne ihwet.

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 ɛYohana 3:24

Ninaa nibhɛ roos ikpii ɛTaanggbey da i shɛɛ ndɔ ɛTaanggbey ya, ɛTaanggbey ya ne maa shɛɛ ndɔ nibhɛ. ɛLɛ wo ne njwɛɛn i seng wu ɛ shɛɛ ndɔ njwɛɛn no: njwɛɛn i seng lenɛ ne iKabyik ne ɛ kɛ nang njwɛɛn.

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

Nikɔn ne kɛ Phaal 20:15

Gbik ɛnyi gha ne kɛ sang sɛ irywɛɛk ɛbhɛ ndɔ ne ɛWee ne iKen no, ne cwaak ɛbhɛ ndɔ ne ɛling ne igboo gha.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

2 iKɔrɔntos 10:7

Ɛ wɛɛ ɛn ɛgɔɔ ne izay nikɔn na zɔng! Wu ɛdɛ ɛnyi gha hal ɛn ɛgyɛy wu ɛ soye ɛnyi ɛKiriti gha, nzi ne sim te ɛ sɛ seng wu njwi ma soye ninaa ɛKiriti na ne mang.

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

ɛTomɛ 16:7

Ne sɛ nibhɛ kɛ tuu ɛgak ne ivel ne iMasiya, nibhɛ ne i sim tɛ nibhɛ yaa phɛ ne ivel ne iBitaniya, iKabyik ɛYɛso de ne ring nibhɛ nɛ.

iRooma 7:5

Daa ɛli ne nten de ne njwɛɛn kaa i roos izɔlɔs ne irway ɛten ɛsii da nɛ wo, iMɛmɛ ɛMuusaa da kaa ne yɛɛs ne ihyop igywebhe ne ibek njwɛɛn. iHyop igywebhe yɛdee wo ne i mɔn ɛtomɛ ndɔ ne ibek njwɛɛn de, ne ɛ nang ikpam ivebhe ne ifɛ yɛɛs ne iku.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

1 iKɔrɔntos 6:17

Gbik ɛnyi gha ne ɛ kɛ ne byinki ito ɛbhɛ de ne ɛDaray ya, nibhɛ kɛ ne teye nidaan nɛ ndɔ ne ikabyik.

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,