iRooma 8:7 - ɛWee ne ìTsɛm iHywas

⁷ Gbik ɛnyi gha ne ɛ kɛ nang ihywɛɛ ɛbhɛ de daa nikɔn na ne icwas ne irway ɛten ɛsii da i sim mo ɛ kɛ ne teye ɛhaa ne iphup ɛTaanggbey ya, daa ɛli ne sɔng ɛ roos iMɛmɛ ɛTaanggbey da nang, sɔng aa ne ma yɛɛ nɛ nang.

iRooma 8:7 ပူးပေါင်းရင်းမြစ်များ

1 iKɔrɔntos 2:14

ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

iRooma 7:22

Ndɔ ɛkyukyum ne irway nge, ɛshara ɛTaanggbey ya kɛ jam.

iBirani 8:10

Phok ɛn, ìtsɛm mɛdee bɛ ne nzɛ rop nɛ niSɛrɛla na, ndɔ nituk ka nɛ nibhɛ yaaso wo. Nzɛ yɛk imɛmɛ nge da ndɔ ne irway nibhɛ, ne n da haa ndɔ ne ikok nibhɛ. Nzɛ te me ɛTaanggbey nibhɛ, nibhɛ ne teye ninyi nge.

2 ɛTimɔti 3:4

Nɛ ninaa ne re ihel. Nɛ ninaa sang icwas. Nɛ ninaa ne hal ɛgyɛy. Nɛ ninaa ne sim ɛnggɔnggɔɔt ɛzay iphɛ phyin ɛli nɛ nibhɛ sim ɛTaanggbey ye.

iKɔlɔsi 1:21

ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

iRooma 8:4

ɛTaanggbey ya kɛ mɔn ɛlɛ wo, te shwaak icik ge ne iMɛmɛ ɛMuusaa da bo te i mɔn ndɔ njwɛɛn, njwɛɛn no ne njwɛɛn i sang shɛɛ ɛli ne icwas ne irway ɛten ɛsii da bo wo, yang kyii shɛɛ ɛli ne iKabyik ge i bo wo.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

ɛYohana 7:7

Nyinɛn no nang, sɔng ɛzay ya yaa ne yɛɛ mbaray nang, ɛ mbaray mee daa ɛli ne nzi tɔng ɛbhɛ wu ɛkɔn ne ɛ mɔn ɛ so ɛkpɛɛ yɛ.

iRooma 3:31

ìNang ne itin de yaa te njwɛɛn ji hana ɛshara ghaa? Kwa! Njwɛɛn i yang shwaasek ɛshara gha.

iRooma 1:30

Nibhɛ so ninaa ne ivol ikpɛɛ, ninaa ne iphup ne ɛTaanggbey. Ninaa ne towos, ninaa ne tɔɔsek ito, ninaa ne hal ɛgyɛy, ninaa ne robhos ibebhe, nɛ ninaa nibhɛ sang phok ibol nikyɛɛ.

ɛMacu 12:34

Nyinɛn no ne ɛ so ɛn te izɔ igywebhe de! Aa mɔn ɛn ɛli ɛ bol ɛn ivol iywɛnɛng ngga nɛ so ɛn nibebhe ninyi naa? Nzi shii bo ɛnu gha ɛbhɛ bol ɛkɔn na ne ɛ so ndɔ ne irway da.

2 ɛBiturus 2:14

iCwas nibhɛ da ku so ivaa ne nzangas, sɔng nibhɛ te kpos ne mɔn ɛfɔt to nang. Nibhɛ luk ninaa nɛ nibhɛ so kyɔkyɔt ndɔ ne ìnang ne itin. Nibhɛ kɛ ku tɔk irway nibhɛ da ne irisɛ. Nibhɛ ne so ninaa ɛkawɛy.

ɛMacu 5:19

ɛHiha ɛnyi ne ɛ kɛ mbaray ɛdɛ kyikyɔnɔ ncɛt ndɔ ne ikpii da, ɛ ma ta mɛmɛ nihak ngɛ tɛ nibhɛ mɔn ɛlɛy, ɛ sɛ ne bhɛ teye ɛtsim mɛ ne igbɔm ɛdaa ne irywa da, ɛhiha ɛnyi ne ɛ kɛ ne roos, ɛ ma ta mɛmɛ nihak ngɛ tɛ nibhɛ ma mɔn ɛlɛy ɛ sɛ ne bhɛ teye ɛgbaang ngɛ ne igbɔm ɛdaa ne irywa da.

1 iKɔrɔntos 9:21

I ne sɛ nzo ɛlɔ ninaa nɛ nibhɛ sang so niYahodawa na, ne iMɛmɛ ɛMuusaa da sang bok ito de daa nibhɛ wo, ne ma n te tɛ nibhɛ te nzɛ n hɔ ninaa ne iMɛmɛ ɛMuusaa da sang bok ito de daa nibhɛ wo. Gbik ne iphɛ ɛlɛy sɔng i bo wu hang nzi roos ikpii ɛTaanggbey ba nang, kwa, nzo me ɛhaa ne roos ikpii ɛKiriti da ririk.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.