iRooma 8:5 - ɛWee ne ìTsɛm iHywas

⁵ Ninyi na nibhɛ shɛɛ ndɔ ne icwas ne irway ɛten ɛsii da, ihywɛɛ nibhɛ ne so daa nikɔn na ne icwas ne irway ɛten ɛsii da i sim, ninaa nibhɛ ne ma shɛɛ ishwɛɛ ne iKabyik ga, ihywɛɛ nibhɛ de ne ma so daa nikɔn na ne iKabyik ge i sim.

iRooma 8:5 ပူးပေါင်းရင်းမြစ်များ

1 iKɔrɔntos 2:14

ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.

ɛYohana 3:6

ɛTen ɛsii gha i yɛk ɛten ɛsii, iKabyik ge ne ma yɛk ikabyik.

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

ɛMarakus 8:33

ɛYɛso gha ne hyereey ɛ yɛɛn ninɔn ne icwam ɛbhɛ na ne ɛ ji sit ɛBiturus segha ne ɛbung ɛ yaak ɛbhɛ, “Cwi gɔɔ igyɛ ne ɛShɛtan! Ɛ tas ɛten ɛsii, sɔng ɛ tas te ɛTaanggbey nang.”

2 iKɔrɔntos 10:3

ɛTsak njwi so ndɔ ɛzay ya, gbik ne iphɛ ɛlɛy sɔng njwii ne hal itsom be tɛ ninaa ɛzay nang.

2 ɛBiturus 2:10

iHyɛ ɛshara yɛghaa nggyɛ wo sɛ ne phyin ne ihwet daa ninaa nɛ nibhɛ roos ihyop igywebhe ne ibek nibhɛ nɛ, gbik nɛ ninaa nɛ nibhɛ bɛɛs igbɔm. Sɔng nikyɛɛ ne icwam ne irywɛɛk kɛnaa nggyɛ wo bok ncwa nang, kɔɔ ncɛt! Nibhɛ tɔɔsek ito, sɔng bok ɛnik nang, nibhɛ ma yung towos nimalɛka ɛTaanggbey.

iFisus 5:9

Daa ɛli ne iwɛwɛy de iphɛ i yɛɛs nɛ nikɔn niyɛnɛng, ne ishwɛɛ cik, gbik ne itin ne ibol.

1 iKɔrɔntos 15:48

Ninyi na ne kɛ ne ryɔng nibhɛ ne ne ivel ɛzay yɛdaa wo ne so te ɛnyi gha ne kɛ ryɔng ɛbhɛ ne ne ivel da, ninyi na ne nɛ nibhɛ so ninaa ɛdaa ne irywa na ne so te ɛnyi gha ne ɛ le daa ne irywa wo.

iGalatiya 5:17

Daa ɛli nɛ nikɔn ne ɛfɔt ta ne ibek ge i sim mo, sɔng nibhɛ ne iKabyik ɛTaanggbey de ne sim mang. Nikɔn na ne iKabyik ɛTaanggbey ne ma sim mo, sɔng nibhɛ nɛ nikɔn ne ɛfɔt ta ne ma sim mang. Nikɔn ne ɛfɔt ta ne ibek ge i sim mo ne bok iphup iKabyik ɛTaanggbey de, iphɛ ne ring nyini ne mɔn ɛkɔn na ne ɛ sim aa mɔn ɛn no nang.