iRooma 8:3 - ɛWee ne ìTsɛm iHywas

³ ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

iRooma 8:3 ပူးပေါင်းရင်းမြစ်များ

ɛMarakus 15:27

Nibhɛ kaa ne ma gangat ninaa ɛyi ifaa ɛnggyɛ wo. ɛDɛng kaa ne so ne iwɔ ne irwye ɛYɛso wo, ɛdɛng ne so ne iwɔ ne itsan ɛbhɛ. [

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 9:24

niFarisawa na ne kyii ta yel-le ɛnyi gha ne ɛ kaa bok iwil da dɔng nibhɛ yaak ɛbhɛ, “Mɔng itin nɛ te ɛ nang ɛTaanggbey ye ne ndiinday, njwii yɛɛ ɛnyi yɛghaa wo so ɛhaa ne ɛfɔt.”

ɛTomɛ 13:39

Kɛ ne lenɛ ne ɛYɛso, gbik ɛnyi gha ne ɛ kɛ nang ne itin nɛ, kɛ ne say ɛbhɛ wu ɛ so cik ɛnu ɛyisɛ ɛTaanggbey, ɛkɔn na ne hame ɛShara ɛMuusaa gha kaa sang yɛɛ ne mɔn nɛ wo.

iRooma 3:20

Daa ɛli ne sɔng ɛTaanggbey ya sɛ bhɛ say ɛnyi wu ɛ so cik daa ɛli ne ɛ kɛ roos ɛShara gha nang. Kwa! ɛShara gha yang te ɛnyi gha ɛ seng ɛfɔt ɛbhɛ.

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iRooma 7:18

Nzi yɛɛ sɔng ɛkɔn ɛyɛnɛng i shɛɛ ndɔ mee wo nang, ndɔ ne icwas ne irway ɛten ɛsii da ne ifɛ so ndɔ nge de. Nzi yang sim te nzɛ mɔn ɛkɔn ɛyɛnɛng nga, sɔng nzi ne ji kyi yɛɛ ne mɔn nɛ nang.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

iRooma 9:3

Sɛ ma yung yɔng nggɛ te me ɛhaa ɛkawɛy i hosop me ne ɛKiriti gha tɛ nigwaa nge ne ihywee nge ndɔ ne iyɛk ne ibek sɛ iphɔrɔt.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iGalatiya 3:21

Yaa ne ji yɔng wu ɛShara gha bok iphup ne ibol de ne ɛTaanggbey ya kɛ sim-mɛ woo? Kwa! Sɔng ɛlɛy nang. Sɛɛ yɔng i bo ɛShara gha bhɛ nang iken de, ɛrɔngɔ sɛ ne yɛɛ ne teye ɛnyi ɛcik daa ɛli ne ɛ kɛ roos ɛshara gha gbyak.

iFilibi 2:7

Ɛ kɛ yang kyii ne ito ɛbhɛ de te ɛkɔn ɛbuu. Ɛ kyii ne ito ɛbhɛ te ɛkpuru, ndɔ ne ibek ɛten ɛsii ne kɛ yɛk ɛbhɛ nɛ, ɛ yɛɛs te ɛten ɛsii.

iBirani 10:12

ɛKiriti gha kɛ ne nang ibek ɛbhɛ ɛdaan zɔng te hap itsanga ne kuus ɛfɔt ne ishay-ishay, ne ɛ kɛ ne ji bhɛ soos ne iwɔ ne irwye ɛTaanggbey.

iBirani 10:14

Kɛ ne lenɛ ne ihap itsanga ɛdaan ɛbhɛ de ɛ kɛ hap po, ɛ kɛ ne te ninyi na ne ɛTaanggbey kɛ tul kang ngo nibhɛ te hyɔrɔ, ihyɔrɔ ne ishay-ishay.

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

iBirani 2:17

iPhɛ ɛlɛy, iphɛ ne so nggbinggbing i ma te ɛbhɛ ɛ te tɛ nigwaa ɛbhɛ na ndɔ nikɔn na gbik, te ɛ teye ɛgɔm nibo ɛTaanggbey, ɛhaa ne ɛ so sɛ kyinak daa ne ibol ɛbhɛ, ɛhaa ne san iyɔm ndɔ ɛtomɛ gha ne ɛ mɔn ɛTaanggbey yegha nɛ wo, te ɛ teye ɛkɔn ne hap itsanga te ɛTaanggbey ya han ninyi ne ɛfɔt.

iBirani 4:15

Sɔng ɛGɔm Nibo njwɛɛn na ne so ɛnyi ne ɛ sang tas itaasek njwɛɛn da nang. Ɛ yang so ɛnyi ne kɛ ma ku tɛɛsek ɛbhɛ ndɔ nikɔn na gbik te njwɛɛn no, gbik ne iphɛ ɛlɛy sɔng ne ɛ mɔn ɛfɔt nang.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”