iRooma 8:2 - ɛWee ne ìTsɛm iHywas

² Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iRooma 8:2 ပူးပေါင်းရင်းမြစ်များ

iRooma 6:14

Mɔn ɛn ɛlɛ wo daa ɛli ne sɔng ɛfɔt to bok igbɔm daa mon nang. Sɔng ɛ tɔ ɛn nikpuru ne iMɛmɛ ɛMuusaa da nang, ɛ so ɛn ndɔ ne izɛɛng ɛTaanggbey.

2 iKɔrɔntos 3:17

ɛDaray ya ɛbhɛ ne ɛ so iKabyik ge. ɛLɔ gha ne iKabyik ɛDaray de ne sonɛ wo, ninyi yɛ yaa ne sɛ ishwɛɛ ne ito nibhɛ.

iRooma 6:18

Kɛ tul nyini ndɔ ne ɛfɔt to, ɛ kɛ te ɛn nyini nikpuru nicik.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

1 iKɔrɔntos 15:45

ɛLɛy ne kɛ haa ndɔ ne ɛWee ne iBol ɛTaanggbey i bo, “ɛDɛmu gha ne ɛ kaa so ɛnyi ɛyisɛ gha, kaa ryɔng ɛbhɛ i nang ɛbhɛ iken.” ɛDɛmu ɛtsim ma ne soye ikabyik ne iphɛ nang iken.

ɛYohana 8:36

iPhɛ ɛlɛy, wu ɛNgɔn na kɛ ne phɔt nyini wo, ˆɛ kɛ phɔrɔt ɛn nɛ ntin nɛ.

ɛYohana 8:32

Aa ne ji seng ɛn itin de, itin de iphɛ yaa ne te nyini ɛ phɔrɔt ɛn.”

iRooma 7:4

Nigwaa en, kɛ ne ten ibol lɛdee wo ne nyinɛn. iKu ɛKiriti de daa ne ihon no kɛ te ˆɛ kɛ ku ɛn daa ne ihwet ɛshara da. Sɔng ɛshara gha ne tɔ ne ihwet daa nyinɛn no nang, ɛshara so te ˆɛ kyii ɛn ne iwɔ ɛhak ɛnyi, ɛnyi gha ne kɛ yiisik ɛbhɛ tsik ndɔ ne ikpuu da. Te ˆɛ kyii ɛn ndɔ iwɔ ɛbhɛ wo ˆɛ mɔn ɛn ɛTaanggbey ye ɛtomɛ ne aa nang ikpam iywɛnɛng ndɔ ne ihywel mon da.

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

ɛYohana 6:63

iKabyik ɛTaanggbey de iphɛ phɛ so ɛkɔn na ne iphɛ nang iken; sɔng ibek bok ito ne nang iken nang. iVol da ne nggɛ ne bol ne nyinɛn no ne so ivaa ne iKabyik ɛTaanggbey ne ifɛ ne nang iken.

ɛYohana 4:14

Gbik ne iphɛ ɛlɛy, ɛhaa ne ɛ kɛ ne sɔ inɛn da ne naa nang ngo, sɔng aa ne tang phok irway ne has ba nang. iNɛn da ne naa nang ɛbhɛ wo yaa te te ɛncincɛk ndɔ ɛbhɛ wo, mpɛ ne ji naas iken ne inat.”

ɛYohana 4:10

ɛYɛso gha ne kyii ɛbhɛ nɛ ɛ yɔngɔ, “Sɛɛ yɔng ɛ yɛɛ ɛkɔn negha ne ɛTaanggbey yaa nang ngo, ɛ ta i yɛɛ ɛnyi gha ne ɛɛ phomos sɛ inɛn ba nang, ɛ sɛɛ ne ku roo ɛbhɛ, ɛ sɛɛ ne nang ngɛ inɛn ne mpɛ nang iken.”

iGalatiya 5:1

ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

iGalatiya 2:19

Ne ile de kaa sɛ nzɔng te n roos ɛShara gha nɛ gbyak, ɛshara ne kyii tɔɔrek me wu nggɛ ben. iPhɛ ɛlɛy nggɛ ne te te ikom daa ne ibol ɛshara de ne n shɛɛ ishwɛɛ ɛTaanggbey.

iRooma 5:21

Kaabi i bo wu ɛli ne ɛfɔt to kaa bok ihwet daa ninyi gbom daa ɛli ne ɛbhɛ yɛɛs ne iku de, ɛlɛy ne izɛɛng ɛTaanggbey de ne bok ihwet daa ne ninyi na daa ɛli ne ihywɛ te i say nibhɛ wu nibhɛ so cik ɛnu ɛyisɛ ɛTaanggbey. iCik ge ne iphɛ nang iken ne inat lenɛ ne ɛYɛso ɛKiriti gha.

iRooma 7:21

iPhɛ kɛ te te ibek nge, i sɛ nzi sim na mɔn ɛkɔn ɛyɛnɛng nga, ibebhe de ne jung sonɛ.

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

iRooma 3:27

Njwɛɛn ya ne ji hale ne ɛgyɛy ya daa ne ikyee? Wɛlɛng ɛkɔn! Daa ɛyakɔn ne? Daa ɛli ne njwɛɛn kɛ roos ɛShara ghaa? Kwa! Daa ɛli ne njwɛɛn kɛ yang nang ne itin nɛ.

Nikɔn ne kɛ Phaal 11:11

Ne sɛ ɛtsim nituk itwat ta da ne ngguk ge, ifɔng ne le daa ɛlɔ ɛTaanggbey ifɛ lel nibhɛ, nibhɛ ne yiisitsik. ɛNik ne wum ninyi na nɛ nibhɛ kɛ yaang ikpom nishɛɛda ifaa da, nibhɛ ne yaa kparat.

iRooma 7:23

Nzi ne jung kyii phok ɛdɛ ɛkɔn na kang ne ɛ mɔn ɛtomɛ nɛ nilɔ ne ibek nge na. ɛKɔn nɛghaa nggyɛ wo i ne dat iphup ne ɛkɔn na ne irway nge da sim. ɛKɔn kɛgha kɛ ne te nggɛ te me ɛkpuru ɛkɔn ne ɛfɔt tɛghaa nggyɛ wo ne ɛ tɔ ndɔ ne ibek nge de.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iRooma 16:3

Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iGalatiya 6:2

Tɔɔk ɛn nggbang nigwaa da, ɛlɛy ne aa ne shwaak ɛn ɛShara ɛKiriti gha.

ɛYakub 1:25

ɛNyi gha ne ɛ kɛ kyii ne ihywɛɛ ɛbhɛ de daa ne phɛl imɛmɛ yɛdaa wo ne ifɛ so hyɔrɔ wo, ifɛ i nang ɛnyi gha ishwɛɛ ne ito ɛbhɛ da, yaa ne sit ɛbhɛ ne ɛwɛng daa nikɔn na ne ɛ mɔn no. Yaa sit ɛbhɛ ne ɛwɛng nga wu ɛ kɛ sang teye ɛhaa ne phok zɔng ɛ tenɛ bap, ɛ yang kyii teye ɛhaa ne ɛ kɛ yɛk ne ito ndɔ ne mɔn ɛtomɛ ne iphɛ.