Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




iRooma 8:16 - ɛWee ne ìTsɛm iHywas

16 iKabyik ɛTaanggbey de ne ito ne iphɛ gbik ne idee njwɛɛn de kɛ tɔɔrek wu njwɛɛn soye ninɔn ɛTaanggbey ya.

အခန်းကိုကြည့်ပါ။ ကော်ပီ




iRooma 8:16
27 ပူးပေါင်းရင်းမြစ်များ  

Njwɛɛn i yɛɛ njwɛɛn i shɛɛ ndɔ ɛTaanggbey ya ɛ ma shɛɛ ndɔ njwɛɛn, daa ɛli ne ɛ kɛ nang njwɛɛn iKabyik ɛbhɛ.


ɛTaanggbey ya kɛ yɛk njwɛɛn ne ɛlamba ne aa tɔɔrek wu njwɛɛn soye ninaa ɛbhɛ. Ɛ kɛ ne nang njwɛɛn iKabyik ɛbhɛ ndɔ ne irway njwɛɛn, te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.


ɛTaanggbey ya ne ito ɛbhɛ, ɛbhɛ kɛ ryɔng njwɛɛn ìsunu yɛdaa wo. Ɛ kɛ nang njwɛɛn iKabyik ɛbhɛ te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.


Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.


Ɛlɛy ne iKabyik ge ne phyighis njwɛɛn ndɔ ne taasek njwɛɛn da. Sɔng njwɛɛn ne yɛɛ ɛli ne yaa ma yung boote ne ɛTaanggbey ya nang, iKabyik ge ne ito mpɛ, iphɛ ne bol njwɛɛn ne ɛTaanggbey ya ndɔ, iphɛ tum ndɔ ne ivol da ne hame i yɛɛ ne bol.


Sɔng ˆɛ bees ɛn iKabyik ɛTaanggbey de irway nang. iKabyik ge ne iphɛ so ɛlamba gha daa ne mon no, ne iphɛ kɛ tɔɔrek wu ˆɛ so ɛn ninaa ɛTaanggbey ya ˆɛ hyep ɛtuk ka ne ɛTaanggbey ya sɛ phɔt nyini wo.


Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.


Sɔng nikɔn na ne kɛ ryɔng ngo zɔng nibhɛ tum mo nang, gbik ne njwɛɛn ne mang. Njwɛɛn no ne njwɛɛn kɛ ku sɛ iKabyik ɛTaanggbey de ne iphɛ so ɛkɔn ɛyisɛ yɛ ndɔ nikɔn na ne kɛ nang njwɛɛn no, njwɛɛn i tum ndɔ ne irway njwɛɛn, njwɛɛn i has irway i hyep te ɛTaanggbey bo njwɛɛn i teye ninɔn ɛbhɛ, ɛ ta phɔt ibek njwɛɛn nɛdee wo.


Gbik ɛnyi gha ne ɛ kɛ nang ne itin nɛ ne ɛNgɔn ɛTaanggbey ya, ne ɛ bok ishɛɛda yɛdee wo ndɔ ne irway ɛbhɛ. Gbik ɛnyi gha ne ɛ kɛ ne sang nang ne itin nɛ ɛTaanggbey ya, ɛ kɛ ne bo ɛTaanggbey yegha ɛ so ɛhaa ne irywɛɛk. Daa ɛli ne ɛ kɛ sang nang ne itin nɛ ne ishɛɛda ɛTaanggbey de ne ɛ kɛ nang daa ɛNgɔn ɛbhɛ gha.


Ninaa ɛwɛng ngaa nggyɛy nɛ nibhɛ te i shɛɛ ncaang ngo, daa ɛli ne sɛ yaak nibhɛ ninɔn ɛTaanggbey.


Nibhɛ sɛ tes tɛ niMalɛka sɔng iku sɛ ne tang sɛ nibhɛ nang. Nibhɛ sɛ ne tes se ninɔn ɛTaanggbey daa ɛli nɛ nibhɛ kɛ yiisitsik ndɔ ne ikpuu ba.


Gbik ne iphɛ ɛlɛy ɛhiha ɛnyi ne ɛ kɛ ne say ɛbhɛ, ɛ ta nang ne itin nɛ ne ɛbhɛ, ɛ kɛ ne nang ɛbhɛ ɛnkiinɛ ne teye ɛngɔn ɛTaanggbey.


Njwii tɔng nyini ibol nikɔn de ne njwi kɛ yaang, ɛlɛy ne iKabyik ɛTaanggbey de ne ɛTaanggbey ya kɛ nang ninyi nɛ nibhɛ kɛ roos ibol ɛbhɛ de.”


Ninyi na ne iKabyik ɛTaanggbey de i hyel nɛ nibhɛ wo, ne soye ninɔn ɛTaanggbey.


Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.


Kaabi i bo wu hang ninɔn na ne kɛ yɛk nibhɛ ndɔ ne ibek nibhɛ bhɛ soye ninɔn ɛTaanggbey ya. Yang so ninɔn na ne kɛ yɛk nibhɛ daa ne ibol de ne ɛTaanggbey ya kɛ ku sim-mɛ nibhɛ ne i bok nibhɛ ninɔn ɛTaanggbey ya.


“Ɛlɔ gha ne nggɛ ne yaak ɛbhɛ, ‘Sɔng ɛ so ɛn ninyi nge nang.’ ɛLɔ yɛ ne sɛ ne yaak ɛbhɛ, ‘Ninɔn ɛTaanggbey ne iken.’ ”


Naa ne te me ɛKyɛɛ mon, aa ne ma te nyini ninɔn nge, niras sɛ nɛ nikuk kɛ, n phok ɛDaray ne iGbom Gbik.”


Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.


ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”


Yaang ɛn, sɔng ishwim ba ne ɛTaa gha kɛ sim njwɛɛn no bok ɛgak nang. Ɛ kɛ sim njwɛɛn gbom ishwim mɛ te i yaa yeres njwɛɛn ninɔn ɛTaanggbey! ɛLɛy ne njwɛɛn ne so. ɛKɔn na ne ɛ kɛ te ɛzay ya i doo njwɛɛn no daa ɛli ne ɛzay ya i doo ɛTaa yegha.


Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.


I yɛɛ ne seng ɛngɔn ɛTaanggbey ya ne ɛngɔn ɛShɛtan na ɛlɛ: Gbik ɛnyi gha ne hame ɛ mɔn ɛkɔn na ne ɛ so cik sɔng ne ɛ soye ɛNgɔn ɛTaanggbey ya nang, ɛhaa ne ɛ ne mbaray ɛgwaa ɛbhɛ sɔng ne ɛ soye ɛngɔn ɛTaanggbey ya nang.


Gbik ɛnyi gha ne ɛ kɛ re ɛwɛng, aa ne re isha nikɔn nɛnaa wo ɛlɔ nge, naa ne te me ɛTaanggbey ɛbhɛ, ne ɛ ma teye ɛngɔn nge.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ