iRooma 8:10 - ɛWee ne ìTsɛm iHywas

¹⁰ Wu ɛKiriti gha ne shɛɛ ndɔ mon no, gbik ɛli ne ibek mon de ne so ne nkiinɛ ne iku wo lenɛ ne ɛfɔt to, iKabyik ɛTaanggbey de ne naas nyini iken daa ɛli ne ɛTaanggbey ya kɛ say nyini wu ɛ so ɛn cik.

iRooma 8:10 ပူးပေါင်းရင်းမြစ်များ

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

ɛYohana 17:23

Nzo ndɔ nibhɛ, ne ɛ ma so ndɔ mee. Tɛ nibhɛ ne byinkit gbik te ɛzay ya seng wu igyɛ ɛ kɛ tom me, wu ɛ sim nibhɛ ɛli ne ɛ ma sim me wo.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iFilibi 1:23

Gbik nikɔn ifaa yɛnaa wo i ne hɔ ihywɛɛ nge. Nzi yang sim te nzɛ kyii ɛlɔ ɛKiriti gha mbɛ shɛɛ ne ɛbhɛ. iPhɛ phɛ kɛ jam iphɛ shɛs.

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.

1 iKɔrɔntos 15:45

ɛLɛy ne kɛ haa ndɔ ne ɛWee ne iBol ɛTaanggbey i bo, “ɛDɛmu gha ne ɛ kaa so ɛnyi ɛyisɛ gha, kaa ryɔng ɛbhɛ i nang ɛbhɛ iken.” ɛDɛmu ɛtsim ma ne soye ikabyik ne iphɛ nang iken.

Nikɔn ne kɛ Phaal 14:13

Ne n phok idɛ izɔlɔs de le daa ne irywa ihywɛ bo, “Haal ɛbɛ, yaa tsa ɛlyilyɛghaa wo, ɛhaa ɛwɛng ngaa nggyɛ ne aa ku ɛ bok ìnang ne itin de ndɔ ɛDaray ya.” iKabyik ge ne i bo, “ɛTsak! Nibhɛ sɛ́ phɔng ndɔ ne nggbang nibhɛ da daa ɛli ne ɛtomɛ nibhɛ gha sɛ́ roos nibhɛ.”

ɛYohana 15:5

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

iBirani 12:23

ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.

iBirani 9:27

Kɛ ku ryɔng ngɛ, ɛnyi gha sɛ ku ɛdaan zɔng, ɛtsim mɛ ɛlɛy ɛ hyep ɛshara ɛTaanggbey.

1 iTasɔlɔnika 4:16

Daa ɛli ne ɛDaray ya ne ito ɛbhɛ sɛ le daa ne irywa wo ɛ tɔm ne yel-le ne ɛgbaang ne izɔlɔs, ne izɔlɔs ɛndiinday nimalɛka gbik ne ɛntuntuung ɛTaanggbey. Ninaa nɛ nibhɛ kɛ ne kus ndɔ ɛKiriti gha ne ji tsa nibhɛ yilitsik.

2 iKɔrɔntos 13:5

Tɛɛsek ɛn itso mon, ɛ phom ɛn itso mon te ɛ seng ɛn hang ɛɛ shɛɛ ɛn ndɔ ne ìnang ne itin da yɔɔ. Ɛ doo ɛn ɛli ne ɛYɛso ɛKiriti gha so ndɔ mon no naa? Wu ɛ doo ɛn ɛli ne ɛKiriti gha so ndɔ mon no, kaabi sɔng ɛ bok ɛn ɛbhɛ nang.

2 iKɔrɔntos 4:11

Gbik ndɔ ne ishwɛɛ mos da, njwi so ɛnu ne iku ɛlɔ ne ibol ɛYɛso de, te sɛ yaang ishwɛɛ ɛYɛso da ndɔ ne ibek mos de ne iphɛ so idee ne iku de.

iRooma 5:21

Kaabi i bo wu ɛli ne ɛfɔt to kaa bok ihwet daa ninyi gbom daa ɛli ne ɛbhɛ yɛɛs ne iku de, ɛlɛy ne izɛɛng ɛTaanggbey de ne bok ihwet daa ne ninyi na daa ɛli ne ihywɛ te i say nibhɛ wu nibhɛ so cik ɛnu ɛyisɛ ɛTaanggbey. iCik ge ne iphɛ nang iken ne inat lenɛ ne ɛYɛso ɛKiriti gha.

iRooma 5:12

ɛFɔt to kaa yɛɛs ndɔ ɛzay ya lenɛ ne ɛnyi ɛdaan, ɛfɔt to kɛ ne yɛɛs ne iku. iKu de kɛ ne teye idee ninaa ɛzay gbik, daa ɛli nɛ ninaa ɛzay ya gbik kɛ mɔn ɛfɔt.

ɛYohana 6:56

ɛHiha ɛnyi ne ɛɛ re ibek nge de ɛ ta i sɔ neyi nge na, ne ɛ so ndɔ mee, ma nzo ndɔ ɛbhɛ.

ɛYohana 4:14

Gbik ne iphɛ ɛlɛy, ɛhaa ne ɛ kɛ ne sɔ inɛn da ne naa nang ngo, sɔng aa ne tang phok irway ne has ba nang. iNɛn da ne naa nang ɛbhɛ wo yaa te te ɛncincɛk ndɔ ɛbhɛ wo, mpɛ ne ji naas iken ne inat.”

ɛYohana 6:54

ɛHiha ɛnyi ne ɛ kɛ re ibek nge de ɛ ta sɔ neyi nge na, ɛ bok iken ne inat, nzɛ ne yiisik ɛbhɛ ɛtuk ne taal ɛzay ya.