iRooma 8:1 - ɛWee ne ìTsɛm iHywas

¹ iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iRooma 8:1 ပူးပေါင်းရင်းမြစ်များ

ɛYohana 14:20

ɛTuk kɛghaa nggyɛ wo, ɛ sɛ ne seng ɛn ɛli ne nzo ndɔ ɛKyɛɛ nge gha; ɛ ta seng ɛn ɛli ne ɛ so ɛn ndɔ me wo, ma nzo ndɔ mon no.

ɛYohana 15:4

Shɛɛ ɛn ndɔ mee, naa ne ma shɛɛ ndɔ mon. Sɔng idɛ ilywaak ko i yɛk ikpam ba nggenggerey yang, iphɛ so nggbinggbing ifɛ shɛɛ ɛhon ne inabi gha. ɛLɛy ne iphɛ so, sɔng aa yɛk ɛn ikpam ba tang ɛ so ɛn ndɔ me wo nang.”

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

iRooma 16:3

Kyili ɛn mɛɛn ɛPirisila ye ne ɛKyila, nɛ nibhɛ soye nitaay ɛtomɛ nge ndɔ ɛYɛso ɛKiriti.

iRooma 16:7

Kyili ɛn mɛɛn ɛNdoronikus se ne ɛYuniyas, nɛ nibhɛ so niYahodawa tɛ mee, ne kaa rop njwi ne nyang nɛ nibhɛ. Nibhɛ so ninyi ne yɛɛ nibhɛ gbom ndɔ ninɔn ne tom ma, nibhɛ kaa ne teye ninaa ne roos ɛKiriti yegha ɛyisɛ nge.

iRooma 5:1

iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

iRooma 5:16

Ɛlɛy ne iphɛ so, izɛɛng ɛTaanggbey de labhe ne ɛfɔt ɛnyi ɛdaan nɛwoo nggyɛ wo. ɛTsim ne ɛfɔt ɛnyi ɛdaan no, kɛ ne hyɛ ɛshara ne iku; ɛtsim mɛ nɛ ninyi gbom kɛ mɔn ɛfɔt to, ɛTaanggbey ya ne kyii yɛɛs ne izɛɛng ne say ninyi wu nibhɛ so cik.

iRooma 7:17

iPhɛ ɛlɛy, sɔng mee nzi ne mɔn nikɔn nɛnaa wo nang, ɛfɔt to ne ɛbhɛ shɛɛ ndɔ nge de ɛbhɛ bhɛ mɔn.

iRooma 7:20

Wu nzi ne mɔn ɛkɔn na ne nzi tang sim te nzɛɛ mɔn no, iphɛ kɛ ne tɔɔrek sɔng me nzi mɔn ɛkɔn nɛ nang. Yang so ɛfɔt to ne ɛbhɛ shɛɛ ndɔ nge de ɛbhɛ bhɛ mɔn.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 8:14

Ninyi na ne iKabyik ɛTaanggbey de i hyel nɛ nibhɛ wo, ne soye ninɔn ɛTaanggbey.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

iRooma 8:34

ɛHay ɛbhɛ ɛ kɛ hɔn ɛ sɛ yɛɛ ne hyɛ ɛnyi gha ɛshara ne iku ghaa? Wɛlɛng ɛnyi! ɛYɛso ɛKiriti gha ne ɛ kɛ ku, iphɛ phyinti ɛlɛy, ɛ kɛ ne yilitsik ne ikpuu da, ɛ so ne iwɔ ne irwye ɛTaanggbey yo ɛɛ bol ne ɛTaanggbey ya ɛlɔ njwɛɛn.

iRooma 8:39

Sɔng ndaalang yaa ne yɛɛ nɛ nang. Sɔng ikyukyum yaa ne yɛɛ nɛ nang. Sɔng ɛkɔn sonɛ ndɔ nikɔn na ne kɛ ryɔng ngo gbik ko yaa yɛɛ ne hosop njwɛɛn ne ishwim ɛTaanggbey da ne ɛɛ sim njwɛɛn lenɛ ne ɛDaray njwɛɛn ɛYɛso ɛKiriti gha nang.

iRooma 8:4

ɛTaanggbey ya kɛ mɔn ɛlɛ wo, te shwaak icik ge ne iMɛmɛ ɛMuusaa da bo te i mɔn ndɔ njwɛɛn, njwɛɛn no ne njwɛɛn i sang shɛɛ ɛli ne icwas ne irway ɛten ɛsii da bo wo, yang kyii shɛɛ ɛli ne iKabyik ge i bo wo.

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 15:22

ɛLi ne gbik ninyi na kɛ yaa kus daa ɛli nɛ nibhɛ so ninɔn ɛDɛmu na, ɛlɛy gbik ninyi na nɛ nibhɛ soye ninaa ɛKiriti na sɛ ne ma yiisitsik ne ikpuu da.

2 iKɔrɔntos 12:2

Nzi yɛɛ ɛdɛ ɛhaa ne roos ɛKiriti yegha, ɛhaa ne izenge ɛlɛ ishay yɛ kɛ hɔn ɛnduwubɔ ne iphɛ nwaas, ne kaa bo ɛbhɛ i phɛ nɛ daa ɛnyu ne irywa. Hang ɛ kaa so ndɔ ne ibek yɔɔ, hang ibol ne iyuwa yɔɔ, sɔng nzi yɛɛ nang, ɛTaanggbey zɔng ɛbhɛ ɛ yɛɛ.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iGalatiya 3:26

Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

iGalatiya 5:16

Nzi ne bok nyini, hyel ɛn ɛli ne ikabyik ɛTaanggbey de kɛ tɔɔrek nyinɛn, sɔng ɛ roos ɛn nikɔn ne ɛfɔt ta ne ibek ge sim mo nang.

iGalatiya 5:25

iKabyik ɛTaanggbey de iphɛ kɛ nang njwɛɛn iken de, iphɛ ɛlɛy te njwɛɛn roos ɛkɔn na ne iKabyik ge kɛ tɔɔrek njwɛɛn no gbik.

iFisus 1:1

ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

iFilibi 3:9

n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.