iRooma 7:7 - ɛWee ne ìTsɛm iHywas

⁷ Njwɛɛn yaa ne ji yɔng ɛli da mɛɛ? iMɛmɛ ɛMuusaa da so ɛfɔt naa? Kwa! Yang so ikpii ne iMɛmɛ da ifɛ i te ɛfɔt to kpas. Sɛɛ yɔng iMɛmɛ ɛMuusaa da kɛ sang yɔngɔ, “Sɔng ɛ phok ihyop ɛkɔn ɛnyi nang,” sɔng nzɛɛ ne seng ɛkɔn na ne bok ɛbhɛ ihyop be nang.

iRooma 7:7 ပူးပေါင်းရင်းမြစ်များ

iRooma 3:20

Daa ɛli ne sɔng ɛTaanggbey ya sɛ bhɛ say ɛnyi wu ɛ so cik daa ɛli ne ɛ kɛ roos ɛShara gha nang. Kwa! ɛShara gha yang te ɛnyi gha ɛ seng ɛfɔt ɛbhɛ.

iRooma 4:15

iMɛmɛ ɛMuusaa da i yɛɛs ne njenjek ɛTaanggbey, ɛlɔ gha ne ɛshara gha ne sang ngɛ wo nang, sɔng ya ne ben ɛshara gha nɛ nang.

1 iKɔrɔntos 15:56

ɛFɔt i nang iku de ihwet ne phoo, ɛfɔt to ne sɛ ihwet nibhɛ da lenɛ ne iMɛmɛ ɛMuusaa.

iRooma 13:9

iKpii ndɔ ne iMɛmɛ ɛMuusaa da bo, “Sɔng ˆɛ ra nzangas sang, sɔng ˆɛ phoo ɛnyi nang, sɔng ˆɛ hyel ɛyi nang, sɔng ˆɛ phok ihyop ɛkɔn ɛnyi nang,” kɛ byinki nikɔn nɛnaa wo ne ɛbyin ne ikpii ne iMɛmɛ ɛMuusaa da ndɔ ne ibol idaan ne iphɛ bo; “Sim ɛgwaa mo ɛli ne ɛ sim ito mo.”

iRooma 7:8

Kɛ ne lenɛ ne ibol ɛshara de ɛfɔt to phaal me ikɛk n yɛk ihyop nikɔn na gbom ndɔ nge de. Wu ikpii ne iMɛmɛ da ne sang ngɛ, ɛfɔt to ne so te ikom ne hosop iphɛ ne iken.

1 iTasɔlɔnika 4:5

Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

iRooma 3:5

Wu iyɔm ne icik njwɛɛn de kɛ ne kyii ɛnkiinɛ wo ne yaa seng ɛli ne ɛTaanggbey ya so icik ko, njwɛɛn yaa ne ji yɔng ɛli daa mɛɛ? Njwɛɛn yaa yɔng wu ɛTaanggbey ya sang so icik ne ɛ so njenjek ne njwɛɛn noo? ɛLi ne nzi bol ɛlɛ wo, nzi maa bol icwas ɛten ɛsii.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iFisus 5:3

Sɔng ne i phok ngka ne nzangas ndɔ nang, sɔng ne phok ngka ɛkɔn ne ishis, ne irisɛ ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang.

iRooma 7:13

ɛKɔn na ne ɛ kɛ jam mo ɛbhɛ aa ne kyii yɛɛs me ne iku dee? Kwa! Sɔng ɛlɛy yang. ɛFɔt to ɛbhɛ kɛ ne yɛɛs me ne iku lenɛ ne ɛkɔn na ne ɛ kɛ jam mo te sɛ i seng ɛli ne ɛfɔt to soye ɛfɔt to. iPhɛ ɛlɛy, yaa ne lenɛ ne ikpii ne iMɛmɛ da ɛfɔt to ne ji tɔɔl ibebhe ne bhɛ de kpas.

iRooma 7:11

ɛFɔt to kɛ sɛ ikɛk lenɛ ne ikpii ne imɛmɛ da ne ifɛ kɛ luk me, ifɛ ne phoo me.

iRooma 7:5

Daa ɛli ne nten de ne njwɛɛn kaa i roos izɔlɔs ne irway ɛten ɛsii da nɛ wo, iMɛmɛ ɛMuusaa da kaa ne yɛɛs ne ihyop igywebhe ne ibek njwɛɛn. iHyop igywebhe yɛdee wo ne i mɔn ɛtomɛ ndɔ ne ibek njwɛɛn de, ne ɛ nang ikpam ivebhe ne ifɛ yɛɛs ne iku.

iRooma 6:15

iPhɛ ne ji so ɛlii daa mɛɛ? Njwɛɛn yaa ne mɔn ɛfɔt to daa ɛli ne hame njwɛɛn so ndɔ ne iMɛmɛ ɛMuusaa da, wu njwɛɛn so ndɔ ne izɛɛng ɛTaanggbey dee? Kwa! Sɔng ɛlɛ nang!

iRooma 4:1

Njwɛɛn na ne yɔng ɛli daa ɛkɔn na ne ɛkyɛɛ-nikyɛɛ njwɛɛn ɛBaraying ndɔ ne ibek ge kɛ seng daa ne ibol lɛ de woo?

ɛTomɛ 20:33

Sɔng nggɛ yɛk irisɛ ne ijam gbik nɛ nikɔn niyɛnɛng ɛdɛ mon nang.

ɛLuka 12:15

ɛYɛso gha ne ji boote nɛ ninyi na ɛ yaak nibhɛ, “Wɛɛ ɛn nyini yɛnɛng daa ne irisɛ nikɔn nigwaa mon da, daa ɛli ne sɔng iryat de ihywɛ nang ɛnyi gha iken de nang.”

ɛMacu 5:28

Mee wo nzi ne bok nyini, gbik ɛnyi gha ne ɛ kɛ yɛɛn ɛkuk ka ne irwisɛ ne ihyop ne ibek, ɛ kɛ ne ku ra nzangas de ne ɛkuk ka nggyɛ wo ndɔ ne irway ɛbhɛ.

ɛLuka 20:16

Aa yɛɛs ɛ phobho ninaa ne wɛɛ ihwap pɛdaa nggyɛ wo ɛ ji nang nihak ninyi ihwap pɛ.” Kɛ ne sɛ ninyi na kɛ phok ɛlɛ wo, nibhɛ ne yɔngɔ, “Njwii bo wu hang ihywee ɛkɔn nɛdee wo sɛɛ te.”

iRooma 5:20

Kaa yɛɛs ne iMɛmɛ ɛMuusaa da te sɛ tɔɔrek ɛfɔt to kpas. Kɛ ne sɛ ɛfɔt to kɛ hantey yɛ, izɛɛng ɛTaanggbey de kɛ ne ma hantey yɛ gbom iphɛ phyin ɛli ne i mɔn ɛfɔt to.

iBirani 7:19

Sɔng iMɛmɛ ɛMuusaa da kaa hɔn ifɛ sɛ te ɛnyi ɛ te hyɔrɔ nang. ɛLyilyɛghaa wo kɛ ne ji yɛɛs ne ɛkɔn ne ɛ phyin ne njwɛɛn yaa sit irwisɛ da ɛbhɛ te i lenɛ ne ɛbhɛ njwɛɛn yɛɛs cɛcɛk ne ɛTaanggbey ya.