iRooma 7:6 - ɛWee ne ìTsɛm iHywas

⁶ ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.

iRooma 7:6 ပူးပေါင်းရင်းမြစ်များ

iRooma 1:9

ɛTaanggbey ya ne nzi mɔn ɛtomɛ ɛbhɛ gha ne irway nge ijwaan da daa ne sanga iBol iYɛnɛng ɛNgɔn ɛbhɛ de, ɛbhɛ ne ito ɛbhɛ ɛ kɛ tɔɔrek ɛli ne nzi ku tas ne nyinɛn cɛcɛɛy,

iRooma 12:2

Sɔng ɛ tek ɛn icwas mon da te ɛli icwas ninaa ɛzay yɛnaa wo so wo nang, yang tek ɛn te ɛTaanggbey yegha sunu icwas mon da gbik, ɛ te icwas mon da teye ifas sɛ, aa ne ji yɛɛ ne seng ɛn ɛkɔn na ne ɛTaanggbey ya i sim mo, ne ɛkɔn na so ɛyɛnɛng ngɛ wo ne ɛhaa ne ɛ so hyɔrɔ wo.

iRooma 6:11

ɛLɛy ne mang, nɛ ma bo ɛn ito mon de te ikom ne kɛ hosop iphɛ ne iken daa ne ihwet ne ɛfɔt da, kaabi ɛlɛy ne ɛ so ɛn niken ndɔ ɛTaanggbey lenɛ ne ɛYɛso ɛKiriti.

iRooma 6:19

Nzi bol ne nyinɛn te ɛli ne ɛten ɛsii i bol, daa ɛli ne ɛ so ɛn niten nisii, icwas mon da kɛ ne taasek. Ne ile de ɛ kaa nang ɛn nilɔ ne ibek mon na nibhɛ teye nikpuru nikɔn ne ishis gbik ne ibebhe ne iphɛ hanas se nɛ. ɛLyilyɛghaa wo, iphɛ ne so nggbinggbing, ɛ nang nilɔ ne ibek mon na nibhɛ teye nikpuru nitomɛ nicik, nɛ nibhɛ te ɛ shɛɛ iwɛwɛy.

iRooma 6:2

Kwa! Kɛ hosop njwɛɛn ne ɛfɔt to te ɛli ne kɛ hosop ikom ne iken, yaa ne ta mɔn ɛli njwɛɛn tɔɔ shɛɛ niken na nɛ ndɔ yɛwoo?

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

iRooma 6:4

Kaa ne Lenɛ ne ibatisima njwɛɛn de, ne rɛɛ njwɛɛn ne ɛYɛso gha ndɔ ne iku ɛbhɛ de te lenɛ ɛli ne kaa yiisik ɛKiriti yegha tsik ndɔ ne ikpuu da ndɔ ne ito-ndiinday ɛTaanggbey de, te njwɛɛn ma yaa shɛɛ ishwɛɛ ne iken iphas.

iRooma 7:1

Nigwaa en, nyinɛn no ne ɛ yɛɛ ɛn iMɛmɛ ɛMuusaa gha aa seng ɛn ibol de ne nzi bol. iMɛmɛ ɛMuusaa da bok igbɔm ba daa ɛnyi gha nten de ne ɛ tɔ zɔng.

iRooma 7:2

Te ne ten-nɛ ne ibol ne tom ɛyɛl, ɛshara ne tom ɛyɛl lo i rop ɛkuk ka ne ɛras sa wu ɛ so ɛken, wu ɛras sa kɛ ne ku kɛ ne biri ɛshara gha ne ɛ kɛ rop ɛbhɛ ne ɛras sa.

iRooma 7:4

Nigwaa en, kɛ ne ten ibol lɛdee wo ne nyinɛn. iKu ɛKiriti de daa ne ihon no kɛ te ˆɛ kɛ ku ɛn daa ne ihwet ɛshara da. Sɔng ɛshara gha ne tɔ ne ihwet daa nyinɛn no nang, ɛshara so te ˆɛ kyii ɛn ne iwɔ ɛhak ɛnyi, ɛnyi gha ne kɛ yiisik ɛbhɛ tsik ndɔ ne ikpuu da. Te ˆɛ kyii ɛn ndɔ iwɔ ɛbhɛ wo ˆɛ mɔn ɛn ɛTaanggbey ye ɛtomɛ ne aa nang ikpam iywɛnɛng ndɔ ne ihywel mon da.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iFisus 4:24

Bo ɛn ishwɛɛ ifas da ne ɛTaanggbey ya kɛ ryɔng ɛli ne ɛ so wo. iShwɛɛ yɛdaa nggyɛ wo i tɔɔrek ghe ndɔ ne ishwim gbik ne ishwɛɛ ne tul le kang.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.