iRooma 7:5 - ɛWee ne ìTsɛm iHywas

⁵ Daa ɛli ne nten de ne njwɛɛn kaa i roos izɔlɔs ne irway ɛten ɛsii da nɛ wo, iMɛmɛ ɛMuusaa da kaa ne yɛɛs ne ihyop igywebhe ne ibek njwɛɛn. iHyop igywebhe yɛdee wo ne i mɔn ɛtomɛ ndɔ ne ibek njwɛɛn de, ne ɛ nang ikpam ivebhe ne ifɛ yɛɛs ne iku.

iRooma 7:5 ပူးပေါင်းရင်းမြစ်များ

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iGalatiya 3:10

Ninaa nibhɛ wɛɛ te nibhɛ sɛ bhɛ sɛ phɔrɔt da lenɛ ne roos ɛshara ɛMuusaa gha ne soye ninaa ɛkawɛy, daa ɛli ne ɛWee ne iBol ɛTaanggbey yo bo, “Gbik ɛnyi gha ne ɛ kɛ sang roos nikɔn na ne kɛ haa ndɔ ɛShara gha gbyak, ne ɛ soye ɛhaa ɛkawɛy.”

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

iRooma 6:21

iKyee ne ɛ kɛ ne sɛ ɛn daa nikɔn nɛnaa nggyɛ wo nɛ nibhɛ kɛ teye nikɔn ncwa na ɛlyilyɛghaa woo? Nikɔn nɛnaa wo i yɛɛs ne iku zɔng.

1 ɛYohana 3:4

Gbik ɛnyi gha ne ɛ mɔn ɛfɔt to, ɛ ne tselem iMɛmɛ ɛTaanggbey da. ɛFɔt to ɛbhɛ so iyɔm ne roos iMɛmɛ ɛTaanggbey da.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

1 iKɔrɔntos 15:56

ɛFɔt i nang iku de ihwet ne phoo, ɛfɔt to ne sɛ ihwet nibhɛ da lenɛ ne iMɛmɛ ɛMuusaa.

ɛYakub 4:1

iKyee iphɛ yɛɛs ne irywen da gbik ne ishamas de ndɔ mon noo? Sang so ihyop ne ibek mon ihywee-ihywee ne ᐩihywɛ lɛng ɛn ndɔ mon ne i?

ɛYakub 1:15

I ne sɛ ihyop igywebhe de kɛ say isik, ihywɛ ne yɛk ɛfɔt. Ne sɛ ɛfɔt to kɛ hɔn, ɛbhɛ ne yɛk iku.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

iFisus 2:11

iPhɛ ɛlɛy ne ˆɛ taate ɛn ɛli ne ˆɛ kɛ so ɛn ne ile de. Sɔng ˆɛ kaa so ɛn iyɛk niYahodawa da nang. niYahodawa na nɛ nibhɛ kaa i yeres itso nibhɛ ninaa ne hyɛghɛ icwee da kaa i yeres nyini ninaa ne sang hyɛghɛ icwee. Nzo ihyɛghɛ icwee yɛdaa wo ne so idee ne ibek ne i hyɛghɛ ne ibɔ.

iRooma 7:23

Nzi ne jung kyii phok ɛdɛ ɛkɔn na kang ne ɛ mɔn ɛtomɛ nɛ nilɔ ne ibek nge na. ɛKɔn nɛghaa nggyɛ wo i ne dat iphup ne ɛkɔn na ne irway nge da sim. ɛKɔn kɛgha kɛ ne te nggɛ te me ɛkpuru ɛkɔn ne ɛfɔt tɛghaa nggyɛ wo ne ɛ tɔ ndɔ ne ibek nge de.

iRooma 6:23

I tal ɛfɔt to nɛ ne iku, izɛɛng ɛTaanggbey de ne so iken ne inat lenɛ ne ɛDaray njwɛɛn ɛYɛso ɛKiriti.

iRooma 6:19

Nzi bol ne nyinɛn te ɛli ne ɛten ɛsii i bol, daa ɛli ne ɛ so ɛn niten nisii, icwas mon da kɛ ne taasek. Ne ile de ɛ kaa nang ɛn nilɔ ne ibek mon na nibhɛ teye nikpuru nikɔn ne ishis gbik ne ibebhe ne iphɛ hanas se nɛ. ɛLyilyɛghaa wo, iphɛ ne so nggbinggbing, ɛ nang nilɔ ne ibek mon na nibhɛ teye nikpuru nitomɛ nicik, nɛ nibhɛ te ɛ shɛɛ iwɛwɛy.

iRooma 5:20

Kaa yɛɛs ne iMɛmɛ ɛMuusaa da te sɛ tɔɔrek ɛfɔt to kpas. Kɛ ne sɛ ɛfɔt to kɛ hantey yɛ, izɛɛng ɛTaanggbey de kɛ ne ma hantey yɛ gbom iphɛ phyin ɛli ne i mɔn ɛfɔt to.

iRooma 4:15

iMɛmɛ ɛMuusaa da i yɛɛs ne njenjek ɛTaanggbey, ɛlɔ gha ne ɛshara gha ne sang ngɛ wo nang, sɔng ya ne ben ɛshara gha nɛ nang.

iRooma 3:20

Daa ɛli ne sɔng ɛTaanggbey ya sɛ bhɛ say ɛnyi wu ɛ so cik daa ɛli ne ɛ kɛ roos ɛShara gha nang. Kwa! ɛShara gha yang te ɛnyi gha ɛ seng ɛfɔt ɛbhɛ.

iRooma 1:26

iPhɛ ɛlɛy, ɛTaanggbey ya ne tek nibhɛ tɛ nibhɛ roos ihyop ne ibek nibhɛ de ne phɛ so ɛkɔn ncwa gha. Nikuk nibhɛ na ne sunu, sɔng nibhɛ tɔ sɛme ne ɛras ne ɛkuk ka ɛli ne phɛ ku so wo nang, nibhɛ ne yaa sɛmɛs en ne nkiinɛ wo ne hame kɛ ryɔng ɛbhɛ ɛlɛy.

ɛYohana 3:6

ɛTen ɛsii gha i yɛk ɛten ɛsii, iKabyik ge ne ma yɛk ikabyik.

ɛMacu 15:19

Ndɔ ne irway ɛnyi da ne icwas ivebhe da i wuusi nɛ. iCwas ne phoo ɛnyi, nzangas, re ihwel, ɛyi, iwul irywɛɛk daa nikɔn ne hame nibhɛ so itin nɛ, ne bees ɛnyi irywɛɛk.

2 iKɔrɔntos 10:3

ɛTsak njwi so ndɔ ɛzay ya, gbik ne iphɛ ɛlɛy sɔng njwii ne hal itsom be tɛ ninaa ɛzay nang.