iRooma 7:4 - ɛWee ne ìTsɛm iHywas

⁴ Nigwaa en, kɛ ne ten ibol lɛdee wo ne nyinɛn. iKu ɛKiriti de daa ne ihon no kɛ te ˆɛ kɛ ku ɛn daa ne ihwet ɛshara da. Sɔng ɛshara gha ne tɔ ne ihwet daa nyinɛn no nang, ɛshara so te ˆɛ kyii ɛn ne iwɔ ɛhak ɛnyi, ɛnyi gha ne kɛ yiisik ɛbhɛ tsik ndɔ ne ikpuu da. Te ˆɛ kyii ɛn ndɔ iwɔ ɛbhɛ wo ˆɛ mɔn ɛn ɛTaanggbey ye ɛtomɛ ne aa nang ikpam iywɛnɛng ndɔ ne ihywel mon da.

iRooma 7:4 ပူးပေါင်းရင်းမြစ်များ

ɛMacu 26:26

Kɛ ne sɛ nibhɛ so ne re ire de, ɛYɛso gha ne bo ibɛrɛdi de ɛ tɔɔrek ɛTaanggbey ye irway ihwala, ne ɛ ji kpɛl, ɛ nang ninɔn ne icwam ɛbhɛ na, ɛ yɔngɔ, “Ngga ɛn ɛ re ɛn, ibek ngedee wo.”

ɛMarakus 4:20

Nidɛng ninyi na ne so te ihywɛ de ne ihywɛ kɛ ho ne ivel nyɛnɛng ngga. Nibhɛ bhɛ ne soye ninaa nɛ nibhɛ kɛ phok ibol ɛTaanggbey de nibhɛ say yo. Nibhɛ ne so te ihywee de ne ihywɛ kɛ yɛk ibɔrɔk ge gbogbom mo, ihywɛ hɔn te izee de ne kaa sanga wo, nzuwubɔ icwat da, ne nzuwubɔ ɛtaraa ba, izɛ́ng ne ji so ikɔl idaan de.”

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

ɛYohana 3:29

Naa ten nyini ibol lɛdee wo ne idee ne Tom ɛYɛl, ɛyiyaam ne yɛl la ɛbhɛ bok ɛyɛl lo; ɛtaay ɛbhɛ gha ne ɛ kɛ soos ɛlɔ ne tom ɛyɛl lo ɛ ten itoro. Yaa ne sɛ nten de ne ɛnyi ɛbhɛ gha bol lo, ne ɛ bok irway ihwala dak ne izɔlɔs ɛyiyaam ne yɛl de. iRway ihwala yɛdaa nggyɛ wo ne so ivaa nge ɛlyilyɛghaa wo, ifɛ ne so hyɔrɔ.

ɛYohana 6:51

Mee wo ne nzo ire de ne iphɛ nang iken de ne iphɛ le daa ne irywa wo. ɛHiha ɛnyi ne ɛ kɛ ne re ire yɛdee aa ne ku i shɛɛ ɛken ishay-ishay. iRe yɛdee wo ne so ibek nge ne naa nang tɛ ninaa ɛzay ya sɛ iken de.”

iRooma 6:11

ɛLɛy ne mang, nɛ ma bo ɛn ito mon de te ikom ne kɛ hosop iphɛ ne iken daa ne ihwet ne ɛfɔt da, kaabi ɛlɛy ne ɛ so ɛn niken ndɔ ɛTaanggbey lenɛ ne ɛYɛso ɛKiriti.

iRooma 6:14

Mɔn ɛn ɛlɛ wo daa ɛli ne sɔng ɛfɔt to bok igbɔm daa mon nang. Sɔng ɛ tɔ ɛn nikpuru ne iMɛmɛ ɛMuusaa da nang, ɛ so ɛn ndɔ ne izɛɛng ɛTaanggbey.

iRooma 6:2

Kwa! Kɛ hosop njwɛɛn ne ɛfɔt to te ɛli ne kɛ hosop ikom ne iken, yaa ne ta mɔn ɛli njwɛɛn tɔɔ shɛɛ niken na nɛ ndɔ yɛwoo?

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

iRooma 7:3

iPhɛ ɛlɛy, wu ɛkuk ka kɛ ne tek ɛras sa ɛ tɔ ɛken ɛhak ɛnyi ra ne ɛbhɛ, ya ne yaak ɛbhɛ ɛhaa ne ra nzangas. Wu ɛras sa kɛ ne ku, ɛ kɛ ne sɔrɔt daa ɛshara gha, sɔng yaa ne yaak ɛbhɛ ɛhaa ne ra nzangas sang, wu ɛhak ɛras kɛ tul ɛbhɛ.

iRooma 7:6

ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.

iRooma 8:2

Daa ɛli ne kɛ lenɛ ne ɛYɛso ɛKiriti ihwet iKabyik ne iphɛ nang iken de kɛ ne sɔnɔ me ndɔ ne ihwet ne ɛfɔt to ne ɛbhɛ yɛɛs ne iku de.

1 iKɔrɔntos 10:16

ɛHyihyangas ɛwɛng nga ne njwɛɛn i tɔɔrek ɛTaanggbey yegha irway ihwala da i kyi sɔ wo kɛ te njwɛɛn kɛ teye nidaan nɛ ndɔ neyi ɛKiriti gha. iBɛrɛdi de ne njwɛɛn i kpɛl i re wo kɛ te njwɛɛn kɛ teye nidaan nɛ ndɔ ne ibek ɛKiriti de.

2 iKɔrɔntos 11:2

N bok iphup ne nyinɛn, ihywee ne iphup ne ishwim ne ɛTaanggbey bok ne nyinɛn. Nggɛ ne ku ryɔng ɛKiriti ye nyinɛn te ɛli ne ɛnyi i ryɔng ɛngɔn ɛlyilyap ɛjejep te ɛ nang ɛtɛm ɛbhɛ.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iGalatiya 5:18

Wu ɛ kɛ ne hyel ɛn ɛli ne iKabyik ge kɛ tɔɔrek nyini wo, sɔng aa ne to ɛn nyini nikpuru ɛShara gha nang.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

iFilibi 4:17

Sɔng nzi bo nzi tɔk ɛkɔn ɛlɔ mon na nang. Kwa! Nzi yang sim te ɛco nikɔn na ne ˆɛ mɔn ɛn mɛɛn nɛ wo sɛ ku i hanas se nɛ.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 1:22

ɛlyilyɛghaa wo, ne lenɛ ne iku ne ibek ɛKiriti de ne iphɛ soye inwam ba nɛ neyi na, ɛTaanggbey ya kɛ ne te ˆɛ te ɛn nyini nitaay ɛbhɛ. ɛKiriti gha kɛ ne phɛ ne nyinɛn, ˆɛ so ɛn kang, wɛwɛy tang ɛkɔn ne tok ɛnu ɛyisɛ ɛTaanggbey ya.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

iKɔlɔsi 2:14

ɛTaanggbey ya kɛ bunga nikɔn na nɛ nibhɛ i naas ishɛɛda de wu njwɛɛn kɛ ben iMɛmɛ ɛMuusaa da. Ɛ kɛ bo nibhɛ ɛ yɛk ndɔ ne ɛKiriti gha ɛbhɛ gangat daa ne ihon ne gangat.

iKɔlɔsi 2:20

ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?

iBirani 10:10

Daa ɛli ne ɛKiriti gha kɛ mɔn ɛkɔn na ne ɛTaanggbey ya i sim mo, kɛ ne tul njwɛɛn kang lenɛ ne ɛYɛso ɛKiriti gha i nang ibek ɛbhɛ de te hap ne itsanga de ɛdaan na zɔng ngo.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

Nikɔn ne kɛ Phaal 19:7

Te njwɛɛn yɛk irway ihwala! Njwɛɛn yɛk izinɛ ne ishwɛ te njwɛɛn nang ɛbhɛ ne ndiinday! Daa ɛli ne nten nɛ kɛ tuu, nten ɛwɛrɛ ɛNgɔn ne ɛpharak ge. ɛYɛl ɛbhɛ wo kɛ ne ku ryɔng nge gbik.

Nikɔn ne kɛ Phaal 21:9

ɛDɛng ndɔ nimalɛka ɛniitaa na nɛ nibhɛ bok ikpɛɛt ɛniitaa da ne kɛ yɛk ne nggbang mpɛ ɛniitaa ɛtsim ba hyɔrɔ wo ne yɛɛs ɛ yaak me, “Yɛɛs, naa tɔɔrek kɛ ɛyɛl lo ne ɛbhɛ bhɛ soye ɛkuk ɛNgɔn ne ɛpharak ka.”