iRooma 7:3 - ɛWee ne ìTsɛm iHywas

³ iPhɛ ɛlɛy, wu ɛkuk ka kɛ ne tek ɛras sa ɛ tɔ ɛken ɛhak ɛnyi ra ne ɛbhɛ, ya ne yaak ɛbhɛ ɛhaa ne ra nzangas. Wu ɛras sa kɛ ne ku, ɛ kɛ ne sɔrɔt daa ɛshara gha, sɔng yaa ne yaak ɛbhɛ ɛhaa ne ra nzangas sang, wu ɛhak ɛras kɛ tul ɛbhɛ.

iRooma 7:3 ပူးပေါင်းရင်းမြစ်များ

ɛMacu 5:32

Mee wo nzi ne bok nyini, ɛhiha ɛnyi ne ɛ kɛ ne kasa ɛkuk ɛbhɛ gha, wu tang so daa ne ibol ne nzangas, ɛ kɛ ne te ɛkuk ka ɛ teye ɛkuk ne nzangas. ɛHiha ɛnyi ne ɛ kɛ ne tul ɛkuk ka ne kɛ kasa ɛbhɛ wo, ɛɛ ne ra nzangas.

iRooma 7:2

Te ne ten-nɛ ne ibol ne tom ɛyɛl, ɛshara ne tom ɛyɛl lo i rop ɛkuk ka ne ɛras sa wu ɛ so ɛken, wu ɛras sa kɛ ne ku kɛ ne biri ɛshara gha ne ɛ kɛ rop ɛbhɛ ne ɛras sa.

iRooma 7:4

Nigwaa en, kɛ ne ten ibol lɛdee wo ne nyinɛn. iKu ɛKiriti de daa ne ihon no kɛ te ˆɛ kɛ ku ɛn daa ne ihwet ɛshara da. Sɔng ɛshara gha ne tɔ ne ihwet daa nyinɛn no nang, ɛshara so te ˆɛ kyii ɛn ne iwɔ ɛhak ɛnyi, ɛnyi gha ne kɛ yiisik ɛbhɛ tsik ndɔ ne ikpuu da. Te ˆɛ kyii ɛn ndɔ iwɔ ɛbhɛ wo ˆɛ mɔn ɛn ɛTaanggbey ye ɛtomɛ ne aa nang ikpam iywɛnɛng ndɔ ne ihywel mon da.